كل الامهات اللي يدرسون ويشتغلون يجون يساعدوني

[مااتحمل غيابه]

بسم الله الرحمن الرحييييييييييييم






بدش بموضوعي على طول
بنات انا معاي شهادة راييعه متوسط ودورة كمبيوتر وانتو عارفين الدنيا هالايام كل شي يبيله شهاده انا ذكيه بس ايام دراستي كنت لاهيه بالدنيا يعني بالكويتي قلبي ماكان يم الدراسه والحين عمري 27سنه عضيت اصابع الندم<<خطير الاسلوب هههههه
المهم اتمنى اكمل اولى ثانوي مسائي وعندي طمووووووح اجيب مجموع وادخل الجامعه بعد بس حبيت استشيركم اشرايكم
ابي كل وحده تفيدني
اشلون انظم وقتي للدراسه ومع عيالي
بناااااااااااات تكفون ابي معنويات انا عندي طموح ومتحسفه اني ماكملت والحين ابي اعوض

بس خايفه اني اهمل عيالي وزوجي عيالي ثلاثه واكبرهم اربع سنين:ioljnmlk:

 

[البدينيه]

هلا حبوبه
زين سويتي لازم يكون عندج طموح وتحققينه عندج انا الحين عمري 25 وتوني متخرجه من الثانويه ونسبتي 75 وعندي 3 اطفال اكبرهم 4سنين ودرست مسائي صج اول سنه تعبت وكنت توني طالعه من النفاس بس ضغطت على نفسي وقبل لااتخرج بامتحانات نص الكورس ولدت بس مااخذت مؤجل تخيلي امتحنت ودرست عدل وانا باول امتحان بالليل ولدت بس صبرت ودعيت الله انه يهونها علي وتخيلي حاشتني ظروف حدهاصعبه من النفاس وزوجي بس صبرت واحتسبت وكملت والحمدلله تخرجت واختي الكبيره درست وهي بنفس عمرج وتخرجت والحين هي مدرسة فنيه حققت طموحها
من ناحية التنظيم الله يعينج انا ماكان عندي خدامه بس نص دوام واحيانا تعطيني طاااااف بس حاولت ارتب وقتي مثلا عيالي من يقعدون مااخليهم ينامون لحد الساعه 9 بالليل واول ماجي من المدرسه واخذهم من اهلي ينامون على طول وجذيه ارتاح واتفرغ لزوجي وبعدين انام على طوووول واقعد الظهر وادرس شوي وبوقت الامتحانات الاشهر اقعد 7 الصبح وادرس لييين الساعه 2 الظهر وبعدين اوح المدرسه وعلى هالحاله اهم شي انتي المسيطره على الوضع وعلى عيالج لانج اذا مافرضتي قوتج راح تنهارين
ولازم تفهمين زوجج بالوضع الجديد ويتحمل معاج في سبيل تحقيق هدفج لانه في صالحكم
ولازم تتعلمين تسترخين بين فتره وفتره لان دراسة الليل غثيثه وترى المدرسات متفهمات لوضع الامهات وراح يساعدونكم وشدي حيلج والله يوفقج

 

[البدينيه]

ان شاء الله ماتهملين زوجج ولا عيالج صدقيني كنت اكشخ واسبح عيالي واكشخهم ومااهملهم شلون
اسوي جدول لعيالي يكون اسبوعي مايتغير يعني روتين حلو 3مرات يتسبحون بالاسبوع واول مايقعدون لازم لبس كشخه او مرتب للطلعه واكثر شي لما خلاص بروح المدرسه مااغير لبسهم لاني مجهزتهم بس اغير الحفاضه ولازم اعطرهم وادهنهم اوووف شنو ارتاح وانا تعبانه بس هالروتين احبه لاني اكون تعودت عليه ومااكون اهملتهم لاني اذا شفت عيالي مومرتبين انغث حييل وزوجي طبعا مو دايم اكشخ احيانا البس بجايم الدلع من اوشو وشورتات مريحه وارتب شعري وخلاص لا مكياج ولا بطيخ لاني اكون حدي تعبانه من المدرسه وتوني راده عرفتي والله يستانس على لبسي لانه دلع والبيت لازم مبخر يوميا بعد الغدا واول ماجي من المدرسه وحطي في بالج لازم يكون روتين لانه راح يحسسج بالراحه وانج مو مهمله تصدقين احيانا لما ارد البيت وطبعا تعب يروح التعب كله اول ماينامون عيالي واقعد بالغرفه مرتاحه اسهر واسوي كل اللي ابيه تخيلي مانام حدي 1بالليل اتمنى افدتج لان هذا روتيني الله يعيني الحين من نظام مسائي لنظام صباحي عاد انا صرت خفاش مااحب اطلع النهار

 

[لندنيه]

هلا ياقلبي انا بنت اختي عمرها 25 ونفس حالتج تركت الدراسه وعندها ياهل منظمه وقتها تروح المدرسه مسائي وتخلي الياهل عند الخدامه وبالفاينل تحطه عند امها ليما اتخلص والحمدالله كاهي تخرجت وتوظفت وزين تسوين كملي دراستج

 

[أمواج^الكويت]

رد : كل الامهات اللي يدرسون ويشتغلون يجون يساعدوني

خوووش تفكير حبيبتي أنا أأيدج :eh_s(15): كملي دراستج ولاتترددين .. بهالزمن الوحدة ماتنفعها إلا شهادتها والظروف تجبر الوحدة على هالشي ..

أهم شي نظمي وقتج مثل ماقالت البدينيه وحطي الهدف جدامج علشان تقدرين تحققينه ..

أما اليهال أمرهم هين حطيهم في بيت أهلج وقت الدوام .. ولاتحاتين ترى المدرسات يراعون وضع المتزوجات الأمهات ..

والله يوفقج إنشالله ..​

 

[الغشمريـــه]

ادرسي واخذي الشهاده هالزمن يخرع