كل الامهات ابي تساعدوني علشان بنتي

[سويره توتا]

الســـلاام


7

7

7

مع بداية الدوامات ابي اسألكم عن شغله

انا عندي بنات ثنتين وحده باولى ابتدائي وثانيه بثانيه ابتدائي

وتعرفون الجو والحر والجهال يجون عرقانين من المدرسه

بغيت اسألكم عن ديودرنت للجهال تعرفون

ابي تكون ريحته حلوه ويكون مخصص للجهال

ادري بتقولون ماتطلع لهم ريحه ادري بس انا ابي ريحتهم تكون حلوه ولنفسهم علشان يتعودون عليه باجر

ياليت تفيديوني

 

[الشامريه]

حطليهم بودرة اطفال او سبراي للجسم

 

[ابلة رسم كتكوته]

ماكو ديودرانت حق هالعمر
حرام وانتي تسبحينهم غسلي الابط وقولي لهم لازم عشان ما تطلع ريحه ولو انه مافيهم ريحه
انا اسوي مع عيالي جذي عشان يتعودون لي كبرو
واحط لهم كلونا بيبي جونسون في اباطهم يختي على اباطهم واهما يضحكون
وعقب ما تنشف الكلونيا تحطين بيبي باودر على قولة ولدي
يعني بيبي جونسون وحطي الكلونيا بقرشه تقدرين ترشين منها
والحين اهما بروحهم يذكروني لي نسيت احط لهم شي من هالاشياء
وذا ما حطت لهم الخدامه يعفسون الدنيا لانهم تعودو
وانا اقول لهم لي صرو كبار اشتري لكم ديودرنت
جذي يرسخ في بالهم النظافه على طول
وجان تذكرين دعايه المره اللي تطلع منها ريحة خايسه وصوره زباله عزج الله
كانو يشوفونها ويوقولون ليش اقول لهم لانها ما تتسبح
عشان لا يصير في بالهم انه بس الديودرانت بدون سباحه يوخر الريحه
وسلامتج ويخلي لج بناتج
واسفه عالقرقه

 

[مرت الشايب]

رد : كل الامهات ابي تساعدوني علشان بنتي

فير عطورات اللي علي صور رسومات ديزني ملوت اليهال ريحتهم خنينه واشزينها عطريهم منها وعليج في بودرة الجسم واللوشن مال جونسون وريحتهم تصير حلوووووووووووه

 

[سويره توتا]

رد : كل الامهات ابي تساعدوني علشان بنتي

يعطيكم العافييه على ردودكم

 

[choco kitty]

رد : كل الامهات ابي تساعدوني علشان بنتي

اممم انا الي اعرفه انه لو خليتهم يستخدمون ديودرانت بهل سن مع انه مافي ديودرانت حق يهال
راح يطلع فيهم ريحه اكثر بعدين فا بس خليهم على طول ياخذون شور عقب المدرسه و حطي بودر اذا لازم

 

[هجوره 2009]

انا مع البنات يكفي النظافه والاستحمام يوميا

 

[ام الدرر]

ياقلبي احنا الكبار نحط الديودرونت ونخاف منه
من كثرو ما قالو يسد المسامات ويسبب تضخم الغدد ويؤدي الى يكافينا الشر السرطان
اسم الله علينا
الصغار ما تطلع لهم ريحه بهالسن يمكن مع 4 و5 ابتدائي ممكن وانصحج بالديودرنت المعطر للابط
مو اللي يسد المسام وعسى الله يحفظهم ويخليهم لج وتشوفينهم عرايس ان شاءالله

 

[& مــشــايــخ &]

شوفي انتي جربي اول تفركين اباطهم عدل بالليفه والصابون

وعقب السبوح بودريهم اذا ماطلع لهم ريحه استمري

واذا طلعت الريحه الجئي للديورنت مع انهم صغار عليه والله

 

[أغلى حبيبه]

رد : كل الامهات ابي تساعدوني علشان بنتي

انا اشتري حق بناتي فنايل داخليه نص جم

والصبح ادهنهم بلوشن والبسهم واحط لهم بودر والعطر اخر شي

والحمدالله ريحتهم تهبل

وكل عااام وبنياتناا بالف خييير

 

[كشختي ماركه]

رد : كل الامهات ابي تساعدوني علشان بنتي

سبحي بنااتج الصبح وفركي جسمهم بليفه
وحطي على الليفه صابون دوف ريحته حلووه
واذا خلصتي من الحمام نشفي اجسامهم
بعدين دهني جسمهم بكريم زينساست
واذا خلصتي حطي عليهم بوودره للأطفاال
بعدين دهنيهم بدهن عوود وعطريهم

 

[انا مو هني]

رد : كل الامهات ابي تساعدوني علشان بنتي

لا حرام عليج ديودرنت حق البالغين
الاطفال من الولاده لمن المتوسط بس بوودر من جونسن

 

[لندن_ستايل]

رد : كل الامهات ابي تساعدوني علشان بنتي

الله يخليهم لج