Back
~ miss NERD ~
اذا على هالحسبة راح يكون مكافئج 83.35
احنا دفعة 2010 كان يبون 82.46 أعتقد
إذا ماغيروهم فانتي بالسيف ساايد (=
طريقة حساب المكافئ تختلف على حسب الكلية
حق الهندسة راح يكون ( 70% * نسبة الثانوية ) + ( 15% * الانجلش ) + ( 15% * الرياضيات )
بس حق الطب الحسبة غير .. لإن الكيميا يدخل بالمكافئ
بس الهندسة يبون منج Pass والدرجة ماراح تدخل بالمكافئ ،،
انتوا باقيلكم محاولة وحدة بس ؟ شهر 6 أعتقد ؟
امتحني فيها انجليزي ورياضيات وحااولي ترفعينهم
و شدي حيلج بالثانوية و إن شاء الله النسبة ترتفع .. انتي باي ثانوية ؟
انا أشوف القدرات ظلم ،، وايد بنات نسبهم امتياز وما انقبلوا لا طب ولا هندسة بسبة هالقدرات
انا امتياز و القدرات نزلني 10 نسب تخيلي
و بالنسبة للتحويل .. ترا نص اللي بالهندسة محولين من كليات ثانية
تدشين علوم رياضية وراح تاخذين نفس المواد اللي ياخذونها الهندسة
فزكس 1 / فزكس 2 / كالكلس A / كالكلس B / انجلش
لازم تييبين في هالمواد قريد C أو أكثر و معدلج يكون 2.67 من أصل 4 نقاط
و طبعاً تاخذين مواد اختياري وكله راح يعادولونه لج بالهندسة
بس ما أصمن لج التخصص ,, يعني اللي بالهندسة عندهم مقاعد بالتخصصات و اذا خلصوا مواد العلوم
مبجر يقدرون يدشون مدني وبترول وصناعي و التخصصات الباجية
بس اللي حولوا ،، راح يشوفون شنو التخصصات المفتوحة و غالباً كهربا + ميكانيك و مرااات انتي وحظج
يكون باقي جم مقعد بالكيميكال والكمبيوتر و طبعاًالمدني والبترول والصناعي انسي يكونون مبطلين
و عندج بعدين تحويل داخي بتقدرين تحولين مثلاً من كهربا لي مدني بس
مو مضمون 100% !
إذا مافهمتي شي أعيد لج عادي
حياااج الله :eh_s(17):
...
أغلى الاثمان
اختي تقصدين أي كلية ؟ لإن مافي كلية اسمها إدارة أعمال
اذا قصدج علوم إدارية انا تحجيت عنها بالصفحة اللي طافت
و هم هالتخصص موجود بالجامعات الخاصة مثل قست ,,
تقدرين تاخذين بعثة داخلية وتدشينها (=
...
كاميليا
كل سنة تتغير نسب القبول
السنة اللي طافت كان القبول الفوري 89 و الادنى 82.46
أكيد مع القدرات ،، هندسة + طب + علوم إدارية كلهم يقبلون عالمكافئ
نسبة الثانوية بروحها ماتوكل خبز
