الســلام عليكم
شلونكم خواتي كويتيات الحلوات
بنات بدش بالموضوع على طول
انا حامل بالشهر الثالث - الله يتمم عليي وعليكم ويرزق كل البنات الذرية الصالحة
انا حللت قبل الدورة بخمس ايام وطلعت حامل يعني دريت بالحمل مبجر وااايد وكانت كــل اموري زينه وما حسيت بولا شي غير الم بالظهر اول الوقت وبعدين راح اختفى وما حسيت لا بنساة ولا وحام ولا شي طول هال 3شهور حتن عبالي البيبي فيه شي لاني مريت بتجربة اجهاض من قبل (بعيد الشر عنكم وعن كل البنات) بس التحاليل والسونار كل شي كان طبيعي . ما حسيت بأي تغيير لا بجسمي ولا نفسيتي ولا شهيتي واستانست عبالي انا من البنات المحظوظات الي ما يحسون بتعب اثناء الحمل
وفجـــــــــــــأة ... بدون اي مقدمات قبل جم يوم بلشت معاي لوعة فظيعة !!! وبديت أرجع ( استفرغ) مني والطريج انعفست و حــارج قوي ولا اقدر اكل شي حتن الماي ما اشربه وجسمي كله يعورني وألم بظهري كله وخواصري وارهاق ودوخه امبيه شي ما أقدر اوصفه تعبانه يا بنات وما ادري هذا شنو الي ياني ما انام طول الليل ابجي من احساس المررض والتعب .. هاذي نساة متاخره؟؟ ولا فيني نزله معويه؟؟ ولا برد؟؟ شنو هالاعراض منو مرت بهالحاله بالشهر الثالث؟؟ رحت الطبيب امس ما فادتني بشي قالت اخذي مسكن وسوي مساج اذا تبين !!!
انا بالغربه وما عندي احد هني مجابله الطوف وريلي لا امي ولا خواتي ولا أهلي وابيكم تساعدوني وتنصحوني شنو أسوي عشان تستقر اموري واحس بتحسن؟؟؟ شنو اكل او اشرب او اسوي .. انا اللوعه تزيد عندي بالليل مو الصبح وشسوي على الحارج؟؟ وألم ظهري ؟؟ اي وهم احس بطعم حديد صدى اب بلاعيمي والله شي يلوع الجبد الحمدلله على كل حال. لا تنسون انا بالغربه ما عندي حواي يعني ما القى لومي ومرًه وهالسوالف هني ف ياليت تراعوني بهالنقطه
ويزاكم الله خير ومشكورين مقدما :eh_s(7):
ان شاء الله انت متكونين مثلي
