كليه الحقوق - كليه القانون الكويتيه العالميه

[Moscow]

السلام عليكم ..

1)يقبلون فيهم طلبه العلمي الي نبسهم فوق 85؟
2)كليه الحقوق لجامعه الكويت ماتبي قدرات صح؟

3)سمعت انه دراستهم فهـــم أكثر من الحفظ صج؟!
4)عن شنو يدرسون؟كمياتهم كبيره لوا عاديه؟و عن شنو يعني؟

5)شنو التخصصات الموجودة في الكليات؟
6)و جم رواتبهم عقب التخرج؟

 

[Moscow]

نسبهم**
ولا**

يعني ينفعلي انا كـ طالبه علمي؟
و اذا عندكم أي علم عن اي من الكلتين فيدوني..

 

[قدساوية 99]

انا بتكلم عن كلية الحقوق جامعة الكويت بما اني طالبة فيها ..


1)يقبلون فيهم طلبه العلمي الي نبسهم فوق 85؟
يقبلون العلمي والأدبي بنفس النسبة اللي اهي 86,74

2)كليه الحقوق لجامعه الكويت ماتبي قدرات صح؟
لا مايحتاج القبول بكلية الحقوق للمعدل المكافئ اللي تطلبه أغلب الكليات العلمية مثل طب \ هندسة \ علوم ادارية \ كلية البنات ... تنقبلين بالكلية على معدلج بالثانوية العامة

3)سمعت انه دراستهم فهـــم أكثر من الحفظ صج؟!
مو 100% فهم بس الغالب الفهم في شغلات تحتاج حفط وفي شغلات تحتاج فهم على حسب المادة

4)عن شنو يدرسون؟كمياتهم كبيره لوا عاديه؟و عن شنو يعني؟
دراستنا كلها في اطار القانون والكميات في مواد 600 صفحة وفي اقل

5)شنو التخصصات الموجودة في الكليات؟
ماكو تخصصات بالكلية الكل ماشي على خطة معينة اللي اهي نظام السنوات

6)و جم رواتبهم عقب التخرج؟
الرواتب على حسب مكان الوظيفة

واذا ناوية على الحقوق انصحج تدشين شريعه لان الحين ساوو الحقوقيين بالشرعيين مع ان دراستنا وايد صعبة مقارنه بدراستهم

 

[بنت خلوقة]

كلام اخت قدساوية صح

قبل كان خاطري بالحقوق بس قارنتها

بالتربية
التربية افضل من ناحية المعاش ومن ناحية تترقين بسرعة

اما الشريعة افضل الاثنين

لن بأمكانك تصيرين قانونية وبنفس الوقت مدرسة

وبعد دين ودنيا

فنصيحة روحي شريعة افضل

 

[Moscow]

شريعه تصير مدرسه شنو؟

 

[cup-cacke]

كليه الحقوق تبع جامعه الكويت طالبين نسبه فوق ال90

انا اخواني قدمو على كليه القانون الكويتيه(الخاص) وقدمو الامتحان والحمدلله نجحو فيه

ويمدحون الكليه والدكاتره واهم قبل لا يقدمون سالو ووايد مدحوها