كلية العلوم الادريه و حقوق

[وجـود]

السلام عليكم ورحمة الله وبركاتة

شلونكم بنات .. حبيت اسفسر عن تخصصين بكليتين مختلفتين
و الله مستبشره فيكم خير انكم توفوني بالاجابه


اول شيء ..
كلة علوم الاداريه
تخصص اقتصاد econmic
شلون هالتخصص .. يقولون انه نادر بكليه العلوم الاداريه
رغم ان ماتصرف له مكآفآة تخصص نادر :eh_s(4):
شلون مستقبله الوظيفي؟ وهل مطلوب بالكويت ؟

انزين شلون تخصص تسويق ومحاسبه ؟؟


كلية الحقوق
كل من عرفته بالحقوق يبجي من مواده ونظام الدراسه
:eh_s(4):
المهم ان مستقبله االوظيفي مطلوب؟ شلون اذا الوحده ماتبي
لا تشتغل بوزراه ولا قطاع خاص ؟ >>- تقعد بالبيت
يعني الوزاره ماتبي تداوم طول السنه
وقطاع الخاص كرف و الدوام 8 ساعات :eh_s(2): ومو وظيفه ثابته يعني !
وماتشمل الكوادر صح ؟؟



فزعتكم
بليز متسلفه اليوزر ترا

 

[nono93]

انصج اداريه

 

[الحورية الصغيرة]

أنا طالبة بالإدارية و أنصح فيها بشده

توني ما تخصصت بس إن شاء الله بتخصص محاسبة

شوفي كل تخصص من تخصصات الإدارية ما تتحسفين أنج نخصصتيه

تفيدج بالشغل بالقطاع الخاص و الحكومي و العمل الحر ( تفتحين لج مشروع صغير )

و الإدارية أحسن كلية بالكويت و وحده من أفضل 200 كلية بالعالم و معتمدة عالميا يعني بإختصار برستيج

و الوظيفه تقدرين تسيرين أبله حاسوب أو معيدة بالجامعة او أستاذة بالتطبيقي و هذول إيجابيتهم في علطه 3 شهور

و غيره أنه المحاسبة اذا أتشغلتي بتخصصج يعني ما صرتي اي من إلي ذكرته فوق معاشج اذا وزاره 800 و اذا هيئة يوصل 1000 و اذا ديوان المحاسبة 1300 ( الحقوق نفس الرواتب)

و كادر المحاسبة راح يزيدونه و يسير مو بعدين عن كادر الهندسة حسب إلي أسمعه بالكلية لانه المحاسب الكويتي لما الحين نادر

الحقوق

شوفي أنا وحده نسبتي 92 أدبي بس ما دشيت حقوق أول شي دشيت أداب و تحسفت حييييييييل ليش ما دشيت حقوق و ما أدري شنو قلب راي و صرت أبي إدارية و سحبت أوراقي من الأداب

و أنا الحين أحمد ربي أني ما دشيت الحقوق و أني سحبت أوراقي من الإداب

الحقوق ما أعرف وايد عن الوظايف

بس ما أعتقد في كلية مستقبها نفس قوة مستقبل الإدارية

الإدارية واااااايد ناس أنقبلوا فيها و ماكنو يبونها و حبوها حيييييل و أقتنعوا بمستقبلها إلي لا يقل عن الهندسة

بالتوفيق

 

[Lays BL.ketchup]

الاداريه اكيد اسهل وتقدرين تشتغلين بأي وزاره واي بنك لكن الرواتب مو ثابته في الضعيف حيل وفي القوي - وبنات الاداريه ما قصروا بالمعلومات

الحقوق نظامها سنوي - يعني موادج تدرسينها على مدار سنه - عكس الاداريه الماده تندرس بكورس
تحتاج مجابل ودراسه للي تبي تتميز- لكن مو بالصعوبه اللي يقولون عنها اذا كنتي تدرسين اول بأول وتبين النجاح - لان عندج فرصه اذا ما قدمتي زين بالفاينل مثلا انج تدخلين امتحان تكميلي (دور ثاني)
تقدرين تصيرين : محاميه - محققه - باحث قانوني بأي وزاره - معيده - دكتوره - ابلة دستوري - تفتحين لج مكتب استشارات قانونيه - واذا الشهاده بايدج ماراح تلقين مكان يرفضج الا اذا كان المكان يحتاج واسطه
الاماكن الزينه اللي عليها طلب وتعتبر حلم خريجي الحقوق : الفتوى والتشريع - ديوان المحاسبه - التحقيقات - النيابه
مجموع الراتب بين ال 900 الى 1500 بداية التوظيف
واكيد المحامي له مكانته في المجتمع - القانون يوسع مداركج وتطبيقاته حولنا يوميه - حتى اسلوب تفكيرج راح يتغير مع الدراسه
وابرز 3 تخصصات مرموقه عالميا : طب - هندسه - حقوق

اذا تبين دراسه سهله - عشان تحصلين وظيفه محترمه وعلى مستوى - دخلي الاداريه لكن تفوقي فيها
اذا تبين تكرفين شوي بدراستج- لكن تضمنين ورا التخرج 90% من الوظايف المحترمه والراتب القوي - دخلي حقوق ومو لازم تتفوقين

لكن اذا السالفه فيها واسطه - فهذا موضوع ثاني
وموفقه ان شاء الله :eh_s(7):
​