كلية التربية الأساسية ؟

[أمولة غرور أنثى]

مسآء الخير حبآيبـي .. :eh_s(17):

بنآت حدي محتآرة ومآدري وين أدش
أنآ الحين آخر سنة و اسبوع الياي اتخرج انشالله
و بروح اسجل رغباتي حق الجآمعه

أنآ بحط رغبه أولى تربيه فنيه لاني أعرف ارسم وغير
المميزات الحلوة فيها كآدر و عطل
و الرغبه الثانية علوم إدآرية تخصص إدارة أعمآل

شلون كلية التربية الأسآسية ؟ يقولون أحسن من الجآمعه صج ؟
و اذا وحدة تعرف شلون نظآم امتحآن القدرات الفنية تقولي ​

 

[اللاندكروز]

الجامعه أفضل بالشهادة طبعا.
اختبار القدرات يقولون لج رسمي عن موضوع معين يعني عن ( البحر / رمضان / فرحة العيد/ البر ......)
وعقب ماتخلصين تروحين غرفه ثانيه فيها دكاتره ويسون لج مقابله يعني يعطونج فقرة تقرينها " بيشوفون نطقج للكلمات "
أو يعطونج مجموعه من النقط وفيها رقم ويقولولج جم الرقم اللي موجود بين النقط !!!!!! يعني المقابله حدها سهله ...​

وموفقه انشالله...​

 

[DaShTeYa_Q8]

في بجامعه الكويت تخصص تربية فنية ؟؟!
توني أدري!
إذا قصدج عن الأساسية شلون تسجلين بمكانين ؟ مايصير ..
إذا طلع قبولج بجامعه الكويت قبل الأساسية ينلغي إسمج من الأساسية ..

 

[روعة خيال]

الاساسيه و الجامعه نفس الشهاده بكالوريوس

بس مخرجات الاساسيه للتدريس فقط

و همن التربيه جامعه للتدريس

شوفي وين تلقين نفسج فيه

موفقه يا الغلا و مبروك مقدماً

 

[||89-Ko0okH||]

اذا ناويه تكملين دراستج وتكملين ماجستير ودكتوراه. دخلي جامعة الكويت لان شهادتها اقوى

اما بس بتخلصين بكالوريوس لا انصحج دخلي تربيه اساسيه لان اسهل من الجامعه


والله يوفقج ان شالله

ومبروك التخرج*

 

[صآعده تحت}..]

اذا ناويه تصيرين مدرسه ان شاء الله

مافي فرق نفس الوظيفه وفي تخصصات عندنا مو بالجامعه

وفي تخصصات بالجامعه موعندنا

بالاساسيه : اقتصاد منزلي \ ديكور \ العاب \ موسيقى \ اسلاميه \ عربي\فنيه
رياضيات وعلوم ورياض اطفال

وبالجامعه الاجتماعيات وعربي واسلاميه وانجليزي ورياض اطفال ومادري اذا في بعد تخصصات بالتربيه لاني مو بالجامعه


انتي اذا ناويه تصيرين مدرسه شوفي شنو التخصص الي حابته

الراتب نفس الراتب بالضبــــــط وموفقه حبيبتي

وطبعا كليتنا اقل نسبه اظـــــــن 75 مومتاكده اذا رفعوهـا

والجامعه اعلى اكيــــد بس ماتتخصصين من اول سنه طبعا على حسب معدلج بالجامعه

 

[كستنائيـة ع ـسل]

والله مااعرف بس بررفع للج ان شالله غيري يفيددج ومووفقه حيااتو

 

[Tєâċнєя.м]

انا بالتربيه الأساسيه

صراحه وايد قالولي بالتربيه الأساسيه الدكاتره احسن من جامعه الكويت

اذا انتي تبين تصيرين مدرسه ..

دشيت تربيه اساسيه نفس الشهاده و و بكالوريوس ..

يعني ماكو فرق كلش كلش بين الأساسيه و الجامعه ..

 

[آلشيهآنة]

شوفي اختي الشهاده كلها راح تكون بكالريوس يعني ماكو فرق بين الاساسية والجامعه ..

وبالنسبة لامتحان الفنيه انا قدمت عليه العام ومجربته يعطونج ورقتين رسم كبار ويطلبون رسمتين كل وحده تعبر عن شغله ..

اما انا طلبو مني ارسملهم الطابق الارضي للاستقبال بالفندق ( اللوبي)
وطلبو مني اصمم لهم طاابع لاي جهة حكومية تمثل الكويت ..

وانشااء الله اكون فدتج والله يوفقج يارب ..​

 

[what's up]

حبيبتي شهادة الجامعه و التربيه الساسيه نفس الشي كلهم تقدرين تكملين فيهم دراسات عليا و ماكو فرق

 

[المتحمسة]

السلام عليكم يا بنات
لوسمحتوا مين ماخذة نحو3 عند دكتور عادل الصراف وتاريخ الوطن العربي عند دكتور موسي غضبان ابي اعرف شنو كانت اسئلتهم في الامتحانات