كلوميد؟ابر تفجيريه؟ طب شعبي؟ نبي خبرتكم بنات

[out of reach]

اثمان

صاجه والله ماجده الكل يمدحها وشكثر من اهلي يروحون لها

قولي امين

عسى الله يرزقج بالتوام اللي تبينهم

 

[ام يارا]

اخذي راحتج ولو

انا بصراحه خايفه من الابر على قولتج اخاف يلعبون فيني..

كافي الكلوميد لعب بحسبتي...

وان شالله بروح لمره نفسج وباذن الله تنفعني...

عاد تبين الصراحه؟؟

والله اشكثر اعرف ناس يحملون من بعد اذن الله على ايد هالحريم!! واسرع من علاج الدكاتره اتصدقين

عالعموم لاتحاتين..

جربي تروحين الحريم بس قبل تروحين لوحده سئلي عنها عدل لان بعضهم مايخافون ربهم

المره اللي اروحلها اسمها ام محمد بالفردوس مشاءالله مبين عليها فيها خوف من ربها بس مشكلتها احس معرفتها قليله

كل وحده تييها تقولها فيج صده خفيفه و هوا وامس قالت لي فيج سدد

وتوصف للكل نفس الاعشاب و الدو وتمريخها خفيف بس اهم شي تخاف ربها يمكن استفيد منها الله واعلم

الله يرزقج بالذريه الصالحه عاجل غير اجل يارب العالمين

 

[سراج الليل]

out

يعطيج العافيه على هالموضوع

أنا أراجع بعد عند مهجه البدر وهم قالتلي بويضاتج شويه صغار بس والباجي مافي شي والدوره اللي طافت خذيت كلوميد وبصراحه حزة الجماع أحس رحمي ومبايضي بينفجرون

وقالتلي هم أخذ كلوميد بدورتي الجايه وبعدها أجيها بيوم الأباضه و قالتلي احتمال أعطيج ابره تفجيريه

وأنا مادري متردده وأمي تقولي أروح لدكتورتها ناهده العلي بس مادري خايفه ومتردده وودي انطر وأشوف مهجه شراح تسويلي

بنات تكفوووووون بحاجه لرايكم لا تبخلون علي

وادعولي بالذريه الصالحه أنا والبنات اللي محرومين

 

[out of reach]

ام يارا @@

انا بعد مدحولي ام محمد اللي بالفردوس وبعد شوي بروح لها باذن الله

راح تروحين اليوم؟ يمكن الاقيج

 

[out of reach]

الفارسيه

العفو ياقلبي ولو اهم شي ان الواحد يلاقي احد يشاركه ويسانده

مهجه زينه ترى بس اللي يقولون انها قديمه وكبرت واساليبها مغبره مادري احس انهم صاجين

تصدقين سالفتج نفس سالفتي

قالتلي نفس الحجي و خذيت الكلوميد ثلاث شهور واحس تعبني والمفروض اليوم ابدا بالابر بس هونت وبروح للمره اللي بالفردوس

والله يسهل ان شالله ويرزقنا كلنا اجمعين

 

[سراج الليل]

out

أنا وأنتي نفس الحاله وتكفين شوفي شيطلع معاج ورديلي خبر عالخاص

وشنو قالتلج أم محمد وشنو سوتلج ؟

لأنها إذا زينه راح أروحلها

ناطره ردج على أحر من الجمر

 

[out of reach]

هلا

انا توني راده من ام محمد

اذا مايخالف اتضيفيني بالماسنجر افيدج بكل اللي صار معاي

 

[دمثة]

ربج كريم يرزق

 

[out of reach]

ونعم بالله

 

[out of reach]

بنات انا يمكن اغيب يومين عنكم

اللي تبي تعرف اللي صار وياي مع المره اللي تعالج بالاعشاب ياريت تدزلي خاص وشكرا