كلوميد؟ابر تفجيريه؟ طب شعبي؟ نبي خبرتكم بنات

[out of reach]

السلام عليكم ورحمة الله

بنات عندي جم سؤال وياريت تفيدوني عسى ان يجعلها الله في ميزان اعمالكم

انا صارلي سنه متزوجه بس الله ماكتب اني احمل والحمدالله على كل حال...

صارلي جم شهر اراجع عند دكتوره مهجه البدر وخوش دكتوره والله وحيل مريحه..

قالتلي ان التبويض يحتاج شوية تنشيط وغير جذي كل شي اوكي عندي والحمدالله..

وخذيت الكلوميد لمدة ثلاث شهور اللي فاتت بس ماصار حمل..

وانا طول عمري الدوره سهله معاي وماحس بعوار حيل بس من خذيت الكلوميد وانا الدوره تهد حيلي


المهم
الدكتوره وصفتلي اخذ الابر التفجيريه الشهر هذا واخذ معاها كلوميد من ثاني يوم دوره
و المفروض امس تجيني الدوره
وحسيت بالم الدوره كالعاده قبل جم يوم بس الغريب ان اليوم نزلت معاي نقطه دم وحده بس!! بدون مبالغه وبس وقفت
حتى انا عبالي علي الدوره.. مادري هل اعتبر حائض والا لا؟؟!!

الاسئله كالتالي:
في وحده زاد الم الدوره معاها بعد ماخذت الكلوميد؟
ياريت تفيدوني بسالفة النقطه هذي لانه اول مره يصير معاي جذي..
وابي رايكم؟؟؟
اخذ الابر اللي قالت عنها الدكتوره مع الكلوميد والا اروح حق مره تعالج بطب الاعشاب وحيييييييل يمدحونها؟؟

شرايكم

ومشكورين مقدما يابنات

 

[Snow-White]

والله مادري بس نصيحتي غيري دكتورتج مهجه لان اساليبها قديمه واهي كبرت مو مثل قبل...وحتى اهي مو استشاريه وتذبح الوحدة بالكلوميد...روحي حق دكتورة استشاريه وفحصي مبايضج ورحمج والانابيب وجيكي على الهرمونات خصوصا هرمون الحليب وهرمون التبويض والله يكتبلج اللى فيه الصالح

 

[out of reach]

Snow-White

اي والله انج صاجه الدكتوره هذي دكتورة امي بعد
حيل قديمه..
بس مريحه .. ويمدحونها

انا سويت كل التحاليل المبدئيه وماعندي مشاكل بالهرمونات الحمدالله...

والله مادري..
يمكن اروح المره اللي تعالج بالاعشاب واذا مانفع اغير دكتورتي

بشوف راي البنات..

شورو علي يا اصحاب الخبره

ومشكووووره على ردج السريع ياقلبي طيبتي خاطري عسى الله يرزقج ان شالله وايانا

 

[newq8ia]

هلا حبيبتي انا خذيت كلوميد وصارتلي نفس سالفتج وحسيت المبيض اليسار بيطلع من مكانه من الالم ونزلت نقطة دم وحللت طلعت مو حامل وانرلت الدوره

 

[out of reach]

newq8ia

مشكوره على الرد اختي ريحتيني...

انا متوقعه انها راح تنزل بس ناطره هاليومين...

الله يعين

 

[ام يارا]

بصراحه ما عندي اي فكره بالموضوع بس حبيت ارد وادعيلج الله يرزقج وكل محروم بالذريه الصالحه

بس حبيبتي على اي اساس كتبت لج كلوميد ؟

سويتي تحليل التبويض وطلع ضعيف او سونار وشافت التبويض عندج ؟

ترى في بعض الدكاتره يكتبون كلوميد على طول حتى لو ما كنتي محتاجته

انا قالت لي بكتب لج كلوميد مارضيت قلت لها الهرمون اوكي على اي اساس اخذ كلوميد


وان شاءالله تكونين حامل و هالنقطه ما تكون دوره بس ليش ما سويتي تحليل حمل ؟

 

[out of reach]

ام يارا

بعد عمري يعطيج العافيه على هالرد الحلو

انا سويت تحاليل وسونار بعد وطلع التبويض ضعيف

عشان جذيه وصفت لي الكلوميد

تبين الصراحه.. امس المفروض نازله علي الدوره.. واليوم نزلت هالنقطه وعبالي الدوره ولبست وحالتي حاله حتى استغفر الله ماصليت عبالي علي.. وبعدها بفتره رحت الحمام وماشفت شي..

وزوجي عباله انها علي..مابي اعشمه واسوي تحليل حمل (ماعندي التحليل الحين لازم اقول له اذا كنت بشتري) .. احس انه خاطره بالضنا اكثر مني يابعد عمري.. والحمدالله على كل حال

 

[ام يارا]

ان شاءالله حااااااااااامل تفائلي حبيبتي يارب تكونين حامل بهالثلث الاخير من الليل وساعه استجابه

يارب ترزق اختي out of reach بالحمل الثابت و تفرحها و زوجها وتعوض صبرهم خير امين يارب

 

[out of reach]

يابعد عمري

والله غورقت عيوني من الدموع

الله يجزيج مثل دعائج لي واكثر

ممكن اعرف شنو مشكلتج انتي؟ اذا مافيها فضول

 

[ام يارا]

تستاهلين الخير حبيبتي

انا حملت اول زواجي و اجهضت من اول شهر

ولحد الحين ما حملت بس توني الشهر اللي طاف قلت اسوي تحليل

وسويت تحليل اللي ثاني يوم الدوره وطلعت الهرمونات اوكي

وهمن تحليل اليوم 21 من الدوره وطلعت النتيجه هم حلوه

الحين بنطر تخلص الدوره و اروح اراجع بالسلام اشوف اذا يسون لي سونار او حتى اشعه صبغيه ما ادري شنو بيقولي الدكتور الله كريم

 

[out of reach]

جم صارلج متزوجه؟

وليش ماتروحين حق دكتوره خاصه تتابع حالتج احسن من التحاليل المطشره؟
يعني ثبتي على مكان واحد..

و السلام يمدحونه متطور حيل عن قبل...

وترى لازم تعرفين اسباب الاجهاض بالضبط عشان تعرفين تعالجين نفسج...الله لايقوله يمكن يأثر عليج لي الحين وانتي ماتدرين..
وبأذن الله العلي القدير يفرح قلبج ويرزقج بالبيبي الصالح

وانا ان شالله راح افيدج بكل شي جديد..

 

[ام يارا]

اجمعين يارب بعد عمري يزاج الله خير على الدعوه الحلوه

انا صارلي سنتين متزوجه بس اول شهر حملت و اجهضت
قعدنا مع بعض شهر و ثلاث اسابيع و انفصلنا وتونا ردينا لبعض من خمس شهور

ياليت يرضى اروح دكتوره خاصه بس ريلي موراضي يقول مافيج شي يلعبون فيج وخايف يكشفون علي

وهمن انا متردده اروح دكتوره خاصه او اروح السلام مدحولي فوزيه القطان وهمن السلام

وعلى فكره انا رحت لمره تمرخ الحين اتابعه معاها ثاني شهر

وقالت لي رحمي صاد شوي وفيه هوا وقاعده ادهن لي

والله ساعات اقول شكلها ما تعرف وساعات اقول لا شاطره الحريم اللي عندها واايد


وبس اسفه دوخت راسج بس حسيت ودي افضفض ابي ارتاح

 

[out of reach]

اخذي راحتج ولو

انا بصراحه خايفه من الابر على قولتج اخاف يلعبون فيني..

كافي الكلوميد لعب بحسبتي...

وان شالله بروح لمره نفسج وباذن الله تنفعني...

عاد تبين الصراحه؟؟

والله اشكثر اعرف ناس يحملون من بعد اذن الله على ايد هالحريم!! واسرع من علاج الدكاتره اتصدقين

عالعموم لاتحاتين..

 

[أمونة الحلوة]

روحي حق دكتورة شاطره احسن ومعروفه بالسوالف وعندها خبره واستشاريه

وان شاء الله يارب يرزقج بالذريه الصالحه اللهم امين

 

[m e m e]

7ayaty jarbay ta5theen test 7amil yemkin 7amil.. wa7da mn refejaty nzalat 3leha el dawra 3 ayam o makanat tadri bs e6la3at 7amil

alla yewafgich ya rb

 

[زنوبة الحلوة]

بعد عمري الله يرزقج الذرية الصالحة انشالله

وانا ماعندي فكرة عن الموضوع انشالله البنات يفيدونج اكثر

 

[اثمان]

ماجده اليتامى وايد شاطره انصحكم فيها

 

[out of reach]

روحي حق دكتورة شاطره احسن ومعروفه بالسوالف وعندها خبره واستشاريه

وان شاء الله يارب يرزقج بالذريه الصالحه اللهم امين

شكلي راح اغير دكتورتي

تسلمين ياحياتي اجمعين يارب

 

[out of reach]

m e m e

ثانكس

بس للاسف نزلت علي الدوره اليوم

يعطيج العافيه

 

[out of reach]

زنوبه الحلوه

حلاااااته بو كشه اللي حاطته بالصوره



مشكوره على مرورج والله يرزقج بالذريه الصالحه يارب