كله برة!! ساعدوني بنااااات ابي احمل

[Mrs.Q]

السلام عليكم بنات شلونكم عساكم بخير


مشكلتي حساسة وصعبة بس ان شا الله الاقي الحل عندكم
والله لدعيلها بسجودي بالاسم اللي تلاقيلي حل

بنات انا من تزوجت متفقين انا وريلي نعزل عساس اتخرج وعقب نفكر بالحمل
الحمدلله تخرجت وجربت احمل من شهر 2 وقبل شهرين وقفت وطبعا كنت اكل كلوميد لان بخاطري اييب توم وكل هذا تحت اشراف دكتورة
الحين هالشهر رديت اكله وانا مستغربة ليش مايضبط رحت حللت هرموناتي مافيها شي وغددي تمام


مرة كنت اكلم خالتي اللي حيل كلوز وياي مادري شلون فجأة سألتها ان شلون يصير حمل اذا اساسا الماي او المني كله يطلع برة
اهي انصدمت حيل قالت شكو يطلع برة!! لازم يدخل كله داخل وبس شوي يطلع
انا اهني صكت فيني الطنيا لان بنات دايما يطلع برة ولا شي يقعد داخل
واذا ظل وهذا من النوادر اروح الحمام سيدة لان دايما عقب الجماع ماتحمل تكرمون لازم ادش الحمام انحصر تكرمون

واللي خرعني زيادة قتلها اهو شنو قوامه الماي قالتلي سائل يميل للزوجة هم صكت فيني الدنيا قتلها لا انا مني ريلي جنه علج او كتلة على بعضها قالتلي لازم تروحون تكشفون اكيد عنده مشكلة او انتي عندج مشكلة يمكن مهبلج صغير او شي

كلمته قالي نراجع عقب الحج انا وياه اداريين بحملة بس ماراح نحج مجرد اداريين


بنات ساعدوني عالاق هالشهرين بجرب احمل قلبي منشلع عالحمال شنو اسوي وشنو الحل حق هالمشكلة

خالتي قالتلي جربي وضع السجود مرة ضبط ومرة ثانية لا

بليز بليز لاتخلوني ابي حل منو فيكم صارلها جذي ومنو تعرف الحل

 

[Mrs.Q]

اب اب

 

[أبله أريج]

ليش يطلع برا ؟؟ والا اهو بطلعه برا

 

[بنت الاحلام]

ربي يرزقج وكلام خالتج غلط شي طبيعي يطلع الزايد بره

بس الفحص احسن
وربي يرزقج بتوم

 

[نور دنياه]

الله يرزقج حبيبتي عاجلا غير اجل
المفروض انتي بعد الجماع ماتروحين الحمام على طووول، اقل شي خلج منسدحه على ظهرج ساعه ويفضل تنامين فيه بعد. اما اذا رحتي الحمام على طول يروح كل الشغل وينكت برا. واذا على الحصره ، افرغي مثانتج قبل الجماع.
وبالتوفيق

 

[غنوة ستايل]

اﻷه يكون بعونج يبي لج طبيب لان
السائل يطلع منه شةي والاكثريه داخل
بس انتي لا تقومين بسرعه
خليج منسدحه ع ظهرج

 

[احلى ديما]

روحي الحمام قبلها عشان لا تقومين على طول ولما تخلصين حطي مخاد تحتج عشان تكونين مرتفعه وخلج على هالوضع ساعه بعدين غسلي

 

[مناوووي]

اول شي عادي الكل ينزل برا طبيعي
أڼــ♡ــٱ قبل علبالي مااحمل عشان الي ينزل برا
قالت الدكتوره طييعي ينزل برا عادي بس فيه شي ينزل داخل بس ماتقومين علي طول
اريح لج روحي للدكتوره خلي زوجج يسوي تحليل للمني
وانتي الدكتوره تاخذ منج عينه بعد الجماع تشوف المني يتفاعل داخل والا فيه شي يموته
الله يرزقج

 

[زبــــــــدة]

اول شي شوفي متى يوم التبويض عندج ...

وخل يصير جماع يوم وترك

والاحسن يكون بالليل وماتقومين لا نامي لي ثاني يوم

هذا كلام دكتور قالي

 

[اخت خالتهم]

كلنا يطلع منا
بس جربي وضعية السجود دوري عنها وبتفهمين شلون هذي اضمن ان السائل كله يدخل داخل

 

[@ام يوسف@]

الله يرزقج الحمل السليم

 

[.Om Fa6ma.]

الله يرزقج بالذريه الصالحه
المني الصالح للتلقيح يكون فيه نسبع لزوجه ولونه ابيض شفاف مو غامج ولا فاتح كلش
واذا خلصتو جماع حطي مخده تحتج ورفعي ريولج واللي ينزل هاذا شي طبيعي بس مو كله
نطري ساعه وتالي روحي الحمام تكرمين ونفس ماقالو خواتي
الافضل تفرغين مثانتج قبل الجماع وحتن عقبه حاولي تمسكين نفسج شوي اذا انحسرتي
وعسى الله يرزقج ويرزقنا وياج بالذريه الصالحه

 

[joorey]

نفس كلام البنات أول شي روحي تكرمين الحمام
وحاولو لا تطولون بالجماع عشان لا تنحصرين
ولا تقومين خلج نايمة ورافعة ريولج عالاقل نص ساعة
الله يرزقكم انشالله

 

[رويال ديزاين]

نفس كلام البنات عادي ترا ينزل


لا تتحطمين ولا تصك فيج الدنيا و انتي بعد تتعبثين بروحج تاخذين كلوميد و ما ادري شنو

ترا له اعراض جانبيه

مدام ما فيج شي
و ما فيج اي مرض يخليج تاخذين كلوميد و منشطات
ترا تسبب تكيسات و تسبب امراض

ترا التوم عذاب و محاتاه و روح و نفس لازم تكونين متفرغه لهم و تجابلينهم


الحين نصيحتي تعوذي من ابليش
والحمدلله ما فيج شي يمنع الحمل

ولا توسوسين و مني الرجل يحدد قوامه اكثر من شغله ممكن يصير لزج شفاف او لزج ابيض حليبي وممكن متكتل و ممكن متكتل مع لزوجه بيضا
يعني حتى طبيعة الاكل تأثر عليه
عدد مرات الجماع والفتره بين كل جماع و الثاني
و الجهد اللي يبذله

لا تخلين الوسواس يدخل لقلوبكم

نصيحتي

غيري دكتورتج او قوليلها انا بوقف كلوميد

و اخذي فولك اسد من المستوصف

و خلي نفسيتج هاديه

و صدقيني بتدخلين تبشرينا بحملج باذن واحد احد

 

[أم زايد ويزن]

الله يرزقج ياااارب
بس انا اسمع أن ألي يعزل
وبعدها ماعاد يعزل
يظل فتره ما يحصل حمل سبحان الله

 

[أأأميرة الورد]

الله يرزقج انتي مخترعه وصكت فيج الدنيا من مجرد كلااااام


هذا راح ياثر على نفسيتج اكثر


مالج الا تروحون عند دكتور وتحللون


او جربي وضعية السجووود



الله يرزقج بالحمل عن قريب

 

[لولوه88]

الله يرزقج

 

[غرام القمة]

الله يرزقج ويرزقناااااااااااا ياااارب

 

[قَلبڪْ صًخرْ]

مثل ماقالو الحلوات

 

[الـــغـــلآ]

حطي مخده تحت ظهرج قبل لآ يخلص الجماع يعني لما ينزل تكون المخده تحت ظهرج

و قبلها روحي الحمام و يفضل تنامين لين الًيَوُمًِ الثاني اذا قدرتي

ولا تفكرين كلش و اذا انتي سليمه اقطعي الكلوميد ترا اثاره الجانبيه مو زينه بالنسبه للسليمه

و اخذي فوليك اسيد

الله يرزقج يا رب