كلمه ودي اقولها

[عروساا]

اول شي انا ماباقي على عرسي إلا جم شهر وصرت ادش ركن الزوجه بعرف شوي من تجاربكم عن الحياة الي انا مقبله عليها وماشفت من تجاربكم إلا شلون اتعطر لزوجي شلون اونس زوجي شلون اخلي حمولتي يحبوني ولازم اعرف جم طبخه عشان يرضى على زوجي وشلون اقدر اجيب راسه واسوي الي ابي وشنو المواقف الي اقدر ارد عليها عند حمولتي ومتى لازم اسكت ومتى اضحك ومتي انام والي صدمني لازم اعدل نومي على قعدته عشان مايفقدني ولازم اقووووول ان شاء الله على كل فكره تخطر بباله وشنو احلى هديه حق ازوج وتخليه ينصدم ويغمي عليه من الفرحه لان اهم شي مطلوب منى رضاه على وإي بعد شلون اهتم بشقتي انظف وامسح وبعد جم شهر شلون اقدر اصارحه ابي خدامه ويمكن يرفض بعد ويقول تونا ماعندنا يهال وبنهايه عرفت العروس لاززززززززززززم تصير ارقوز حق حمولتها وسوبر مان حق زوجها بغض النظر اني وللأمانه استفدت من مواضيعكم بس عرفت ان الحياة الى انا مقبله عليها مو لي انا طلعت حق الزوج والناس ​

 

[Freakya]

هههههههههههههههههه صاجة

هذا القسم يعلمج شلون تصيرين الماكينة المثالية لزوجج و حمولتج

بس في اقسام ثانية تعلمج شلون تهتمين ببشرتج و شعرج و ستايلج

 

[فوفو22]

كل شي عجبني بافكارج وتساؤلاتج إلا

وشلون اقدر اجيب راسه واسوي الي ابي

شنو تقصدين اسوي اللي ابيه ؟؟؟؟

حبيبتي

الزواج مسئوليه ......وشراكه بين اثنين

لهم وعليهم واجبات وحقوق

*حافظي على زوجج بحفظك لاسرار بيتك حتى عن اهلج
*ولا تنقلين مشاكل اهلك الى اذنه
*عاملي اهله مثل تعاملك ببيتكم واعتمدي على طبيعتج ولا تتصنعي
والاهم من كل هذا

*خافي ربك به....واعلمي ان الله يعلم خائنه الاعين ما تخفي الصدور

فكل ما كان قلبج نظيف ....ومايشيل على احد
امور تمر بيسر

فوفو

 

[محتارة وبصيح]

لا تحاتين شي كلوووويش خلي الامور على طبيعتها

 

[Freakya]

^^

^^

لا فوفو يمكن انتي فهمتيها غلط

اهيا قصدها انها قريب بتتزوج و ياية تقرا مواضيع تبي تتعلم و الاشياء اللي تعلمتها من هالقسم اهيا اللي ذكرتها ..

شلون اتعطر لزوجي
شلون اونس زوجي
شلون اخلي حمولتي يحبوني ولازم اعرف جم طبخه عشان يرضى على زوجي
شلون اقدر اجيب راسه واسوي الي ابي
شنو المواقف الي اقدر ارد عليها عند حمولتي ومتى لازم اسكت ومتى اضحك ومتي انام
والي صدمني لازم اعدل نومي على قعدته عشان مايفقدني ولازم اقووووول ان شاء الله على كل فكره تخطر بباله
شنو احلى هديه حق ازوج وتخليه ينصدم ويغمي عليه من الفرحه لان اهم شي مطلوب منى رضاه على
شلون اهتم بشقتي انظف وامسح
وبعد جم شهر شلون اقدر اصارحه ابي خدامه ويمكن يرفض بعد ويقول تونا ماعندنا يهال

و استفادت من هالقسم ..

عرفت العروس لاززززززززززززم تصير ارقوز حق حمولتها وسوبر مان حق زوجها
بغض النظر اني وللأمانه استفدت من مواضيعكم بس عرفت ان الحياة الى انا مقبله عليها مو لي انا طلعت حق الزوج والناس

هيهيهيهي

 

[Gifts&Occaions]

كلام فوفو درر

 

[فوفو22]

^^

^^

لا فوفو يمكن انتي فهمتيها غلط

اهيا قصدها انها قريب بتتزوج و ياية تقرا مواضيع تبي تتعلم و الاشياء اللي تعلمتها من هالقسم اهيا اللي ذكرتها ..




و استفادت من هالقسم ..




هيهيهيهي

اهااا حبيبتي زين نبهتيني

الظاهر قل النوم عندي خلاني ما اركز بين السطور

عموما قدمت جزء من النصايح اللي ممكن تفيدها بالمستقبل

وشاكره لج المتابعه

فوفو

 

[يا كويتنا]

توكلي علا الله


وخليج علا طبيعتج

 

[الغاليه نونو]

اول شي مبروك مقدما يمه وعسا ربي يسعدج ويا ريلج ويحملج بعينه وتكونين ملكه بقلبه اللهم امين يارب العالمين


شوفي يمه الحياه الزوجيه طويله وعريضه وكل بنت تعرف شنو اهتمامات ريلها وشاللي يعجبه ومايعجبه وشاللي يرضيه وشاللي يكدره يعني بالعربي البنت لي عرست خلاص تنسا حياه العزوبيه لانها بتصير مسؤوله عن بيت وريل وبييونها عيال يعني مربيه لهالعيال وست بيت الكل يقول عنها والنعم

المره تصير اراقوز حق ريلها برايج احسن والا تصير اراقوز حق الناس؟؟؟؟؟؟؟؟؟


الله سبحانه شرع الزواج بشروط وقيود وخطوط حمرا لازم نتحترمها ومانتعداها والرسول صلي الله عليه وسلم وصي المره بريلها تكون له مثل ماهو يبي

هذى الحياه مبدئيا بتكون عاد عقب العشره بتتعودين علي هالحياه وبتشوفينها من اروع العلاقات بحياتج وحطي في بالج يمه الحياه لي صارت بين اثنين مبنيه علي قال الله وقال رسوله صدقيني بتعيشييييييييييين مرتاحه وماتحتاجين احد يحل لج مشكلتج
طبعا مافي حياه مافيها مشاكل بس الشاطره اللي حسبت للزواج حساب تعرف اشلون تتحاشا المشاكل واللي مابراسها مخ اهيا اللي بتعاني واذا الله ابتلاها بريل مخه صعيدي ملزومه اذا تبي بيتها وشاريه هالراس الصعيدي بتصير له اراقووووز وتمشي عالطوفه بعد

 

[Freakya]

اهااا حبيبتي زين نبهتيني

الظاهر قل النوم عندي خلاني ما اركز بين السطور

عموما قدمت جزء من النصايح اللي ممكن تفيدها بالمستقبل

وشاكره لج المتابعه

فوفو

العفو :eh_s(15):

 

[صعب أسامح]

حبيبتي استمتعي بكل لحظه ولاتحاتين وكل زوج يفرض طريقة التعامل معاه وشخصيتج لها دور والحموله لها تاثير بعد فكل له ظروفه ولاتبدين مقارنه من الحين واكتشفي عالم الزواج حبه حبه
وبالتوفيييييييييييييق

 

[سنيوريتآ]

خليج على طبيعتج :$

 

[يآلبى ضحكتي:$$]

آستنتآج ختيييييييييييير وفعلآ آنآ هم آستنتج هيك وتوني مآتزوجت


نحتآج آلتفسير من آلمتزوجآت آلبآقيآت!​

 

[حلوه بس بلووه]

احسن شي انج تكونين على طبيعتج وعفويه

 

[Model Look]

انا اقولج خليج على طبيعتج ومتى ماتصنعتي بيكرهونج

طبعا النظافه والترتيب والتعطير من زمان فيج

فيبقى التعامل مع زوجج واهله بطبيعتج ولا تتغيرين عشانهم

مثلا قومه الصبح انا صراحه اذا بيروح الدوام مزهبه ملابسه من الليل

والصبح اقعده واظل قاعده عالسرير لين يطلع

وانتي طلبي رضا الله سبحانه متى ما رضا عنج الله بيوفقج ويحبب ويحنن قلب زوجج عليج

وسلامتج

 

[PuPa^^SWeeT]

طبعا اكيد بتطيعين زوجج و ماتعصين له امر

وطبعا لازم اتعطرين و اتزقرتين له

وطبعا لازم شقتج نظيفة و ريحتها حلوة

و طبعا لازم اتدشين على حمولتج اتكونين مو اول همج اتقولين قالتلي و سوتلي

وطبعا ماراح اتيبين خدامة بالسهولة هذي اول زواجج

حبيبتي الزواج مسئولية كبيرة في منها جانب حلوو و فيه منها جانب انج لازم اتكونين قوية ماتهدج المشاكل


اللي تبي تتزوج علشان احبك و اتحبني هذا مو سبب رئيسي لازم اتعرفين واجباتج و لج حقوقج بعد اتعرفينها



وبالعكس من قالج انج اتصيرين اراقوز لحمولتج

اذا حمولتج زينة بتحبج و بتموت فيج

واذا مو زينة غضي الطرف عن امورها علشان ريلج


طاعة الزوج واجبة و احترامه و احترام محيطه واهله واجبة هذا من عاداتنا و من دينا

مافيها شي

والبنات اهني قاعدة تطرح مشاكلها و همومها
فلما اتلاقين موضوعين 3 عن التعامل مع الحمولة و جذي

يكون للرد على مشاكلهم اللي مو عارفين يحلونها

اكيد لازم اتعلمين شلون اتعاملينهم سؤاء قشران ولا حليوين



لاتاخذين مواضيعهم بحساسية و حتى مشاكلهم مع رياييلهم

اذا كان لابد من من اخذ الحلول حطيها في بالج


وانشالله ماتحوشج المشاكل اللي واجهت معظم البنات


معنه لو اتلاقين بالمواضيع العادية اتلاقين بنات يمدحون حمولتهم و يحبون يملون عيون رياييللهم هذا مو عيب


حبيبتي لاتجهزين الدوا قبل الفلعة



و هدي انشالله حياتج الزوجية اتكون حلوة

 

[خالف تعرف]

مو كل شي تقرينه اتطبقينه
انا جذي ما اطبق الا الشي المعقول

 

[عنود مطير]

ههههههههههههههههه

يارب لاتبلانا

 

[زوجة عزيز]

ههههههههههههههههه اي والله وانتي الصاجه الله يوفقج ويهنيج

 

[فاهييه]

الحياه لي صارت بين اثنين مبنيه علي قال الله وقال رسوله صدقيني بتعيشييييييييييين مرتاحه وماتحتاجين احد يحل لج مشكلتج

خير الكلام ماقل ودل :rerrerek: