كلمه لرواد قسم المواضيع والاخبار العامة

[جنون العاطفه]

السلام عليكم ورحمة الله وبركاتة .. ​

كلمة لكل رواد قسم المواضيع والاخبار العامة .. ​

انتشرت بالفترة القريبة مواضيع كثيره تمس أطياف كثيره من مجتمع الكويت
وهالشيء مانقبل فيه ولا نرضى و من سياسة االمنتدى عدم التطرق لأمور طائفيه
تسبب فرقة وانشقاق بهذا الوضع اللي تغلي فيه الاوضاع السياسيه مايصير تجين وتكتبين رد ما تدرين شنوا عواقبه!! فأرجوا مراعاة نقطة الردود والرقي بالحديث واخذي الحيز الي تبينه بالرد لكن بشروط الأدب بالحوار والحجج أن كانت عندك حجج وقلم يستطيع مجاراة العضوة
اللي اختلفت معاج بالراي وابتعدي عن السب لأنها حيلة الشخص اللي ما عنده مخزون ثقافي ويبي بس
يثبت وجوده وحضوره وهالشيء راح يخرب الموضوع ونفشل أن نختم الموضوع بطريقة فيها جمالية ومناقشات
خالية من القدح والسب ..
وراعي أن المنتدى يشاهدونه الكثير من جميع انحاء الدول الخليجية والعربية
اعكسي بردج صوره طيبه وحلوه عنج اولآآ وعن المجتمع الكويتي وابتعدي عن هذي شيعيه وهذي سنيه
ولا مسيحيه
انتي شدخلج بأصلها وتوقعين بردج هذا مثلآآ يعني تبينها تحب الفئه الي انتي تنتمين لها
بالعكس راح تكرهج وتكره اانتمائج
اعكسي عن اصلج اوو دينج صوره راقية وتعلمي أساسيات الحوار قبل البدأ بالرد لان راح تحملين ذنب
ردج وبتكون أمانة عليج فإذا كنتي تقدرين تردين بطريقه راقيه الله يجزاج خير
تحسين ما تقدرين غير كلام قريتي أرجوا الاحتفاظ بردج وخلي العضوات الي يعرفون فن الحوار
يمتعونا بردودهم واطلعي من الموضوع بكلمه طيبة وهذا مو عيب .. ​

ولاحظت وللاسف فزعة فكريه اول مره اسمع بهالشيء يعني صديقات ويتجمعون بموضوع بغرض
الفزعه ويمكن رفيجتها ماتدري شنوا الموضوع لكن دخلت بغرض تخريب المووضوع فزعه للعضوه الاخرى
يعني
لهالدرجة انتي مو واثقة بقلمج ولا بطرحج خلي الموضوع يمشي واطلعي منة
وبنسبه للعضوات الي معرفها بنك جديد وتستفز العضوات الاخريات اتركيها والاداره تصرف وياها
ولا تردين عليها لانها ما سجلت الى لغرض بنفسها ​

وتذكري أن كلنا يجمعنا حب الكويت مافي فرق بينا وتعلمي فن التواضع والمسامحه والأخلاق
بالرد ولا تجرحين مسامعنا بكلمات خارجه عن الأدب فا والله نتأذى ولا نقبل ​

ومهما كانت غيرتج على اي موضوع يمس الكويت أو الدين نقدره ونحترمه ونشد على ايدج
وعلى حرصج وبالتالي ماتشوفين إن نستحق احنا بعد الاحترام ويكون ردج بمجمل الحوار وبطريقه اكبر من
الاحاديث الجارحه ... عشان نستفيد من كل مووضوع بالقسم ... ​

وتذكري اي تطاول منج ممكن يعرضج لمسائله قانونيه ..​

بالأخير أعتذر عن الأطالة وحبيت يكون عنوان الموضوع ( كلمه ) مو تنبيه
لاني متأكده بيكون لها صدى بقلوبكم وبلقى تجاوب ​

شكرآآ ​