عزيزتي المطلقه او الزعلانه عند اهلها
بغض النظر عن اسباب الطلاق او الزعل
انا هنا لاتناول قضيه مهمه وهي الابناء
كوني اعمل برياض الاطفال
اتحطم يوميا بقضايا الاطفال اللي يعيشون عند الام بعيد عن الاب او عند الاب بعيد عن الام
واللي يدفع فاتوره الزعل والغضب والعناد هم لللاسف الاطفال ...بتوجيه غير مباشر من طرف الام او الاب
الحلول التي املكها
مهما كان مصايب الاب ومشاكله او زواجه الجديد
لا تستخدمين عياله للانتقام منه ....او لكسر ظهره
ترى هالزوج يمكن يحزن ساعات اذا مو دقايق ويلقى من يشغله ببيت جديد وعيال آخرين
ولكن اللي يتمزق من داخل وانتي ما تدرين هم الابناء
ولو كنتي قويه ملاحظه رح تلاقينهم
اطفال عدوانيين ....عنيدين ....يرسمون صور مشخبطه مبهمه ....جزء من شخصياتهم دلع من طرف الام على اساس تعوضه فراق الاب........الخ
حبيبتي بعد عمري وقلبي
بما اني احبكم واتمنى لكم السعاده سواء في الزواج او الطلاق
نصيحه من اختكم الكبيره
بادري انتي بالطيب مو عشان الاب عشان الطفل
&في يومه المخصص لشوفه ابوه خليه جاهز بدون شروط قتاله منج
&علميه كلمات وجمل حلوه يقولها لابوه ....ترى هذا يزيد بمقدارج ما ينقصه
&والاهم من كل هذا وذاك لا تذكري اهل ابوه بسوء .....دايما اذكريهم بالخير
&لا تحرمين الاب من حضور اجتماعات المدرسه ....او اخذ الاطفال بايام غير المخصص له لرؤيتهم
&كوني مرنه بالتعامل .....لصالح عيالك
((معلش الفعل صعب ولكن على قوله الكويتين شنو حادّك على المر قال اللي امر منه ))
ولعيون العيال تكرم كل العيون:rerrerek:
فوفو
