كلكم جوفوا الماركة الحلوة elf تعالوا استفيدوا

[miss amany]

هاي يا بنوتات يا حلوين

دايركت بالموضوع داشه:rgewrg:

اي معصبه ليش ان هالماركة حلوة بس محد عارف لها و محد ماعطها حقها واهي روعه قليل بحقها

صح صعب تطلبينها لان مو موجوده الا بامريكا الشوب مالهم بنيويورك

بس تقدرون تطلبون عن طريق ارامكس تفتحون لكم حساب عباره عن ميل بوكس تاجرونه في امريكا تدفعون له مبلغ رمزي بالبحرين عندنا 14 دينار وشوي و تطلبين ببطاقه كريدي ماكس مالت النت

او

عن طريق التاجرات الي يبيعون هالماركة اتفقي وياها انج تتكفلين بكل المصاريف و حطيها خريده حلوة حق اتعابها مع ان كل شي يوصلهم للبيت ... انا هذي الطريقه معتمدتها عندي تاجره بالبحرين صديقتي تقريبا وتطلب لي من سنه وشوي :rerrerek: :eh_s(15):


المهم باعطيكم تعرفي عن هالماركة

هذي ماركة امريكيه تكلمت اوبرا عنها في برنامجها و عندها اشيا مفضله من هالماركة و كذا قناة امريكيه تكلمو عن شركة ELF منتجاتهم رخيصه و زينه و اغلبها مواد طبيعيه

الاسعار تتراوح من دولار لي 5 دولار و في اكثر


عندهم 3 لاين

العادي كل شي عندهم بسعر 1 دولار

المنيرال طبيعي 100% بدون مواد كيميائيه حافظه و الاسعار من 3 لي 5 دولار و في اكثر

الاستوديو كل شي ب 3 دولار و في جمن شي اكثر


و بعد عندهم منتجات العنايه بالجسم بس مايوصلونهم للخليج لان في قوانين الشحن والتوصيل سوائل لا


عندهم اصباغ اظافر تهبل تيي عادي بالحبه وتيي بالاطقم

عندهم شنط مكياج (مقلمات ) كشخة

عندهم اكسسوارات و فرش اقصد بالاكسسوارات يعني ملقط و اسفنجات و غيره


تقريبا جربت كل شي فيه الزين و فيه الي حده ماساه خذته و تحسفت وفيه الروعه الي على طول اطلب منه


وعلى فكرة لما تدشون على قوقل و تقرون عن هالماركة بتجوفون انها تنافس ماركه نارس و ماك و جمن ماركه في بعض الاشياء :rerrerek:

المهم نبتدي مع طلبيتي كنت مسويتها برمضان حق العيد وهذي الاشيا من احلى الاشيا الي استخدمتها وبعد في اشيا مخلصه من فتره و مو موجوده عندي لكن مره ثانيه باطلبها ولازم اراويكم اياها


من اليمين مثبت المكياج بخاخ مميزاته يحتوي على الالوفيرا و الشاي الاخضر و الخيار وريحته حلوة
والي يمه الابيض بيس قبل الفاونديشن طبيعي 100%
والي عقبه فاونديشن فلولس خالي من الزيوت هذلين من لاين الاستوديو واذا دخلتو اليوتوب بتجوفون البنات يمدحون بالبيس حده فضيع يصير الويه زبده جنه بشرة ياهل و مايلبد الويه كلش:rerrerek: سعر المثبت 3 دولار و البيس 6 دولار و الفاونديشن 6 دولار



هذي مكس من الاين العادي بو دولار و الاستوديو
الي بالاسود على اليمين اسمه tinted moisturizer spf 20 و فيه خلاصة الالوفيرا و الخيار و فيتامين a , c ميزته الحلوة انه فونديشن مخلوط بمرطبات و معاه حمايه سعره 3 دولار
عقب بودره مضغوووطه صرت ما اقدر استغنى عنها وايد فضيعه سعرها 3 دولار
العصاره الصغيره الي فوق بعد نفس الشي كريم مرطب و مال تجاعيد anti aging و مرطب و spf و فيتامينات a , c سعره دولار وايد حلو حق الويه خاصة للصبح يهبل

الصغار هذلين all over cover احبه حق الويه او تحت العيون يعطيج لوك طبيعي و تغطيته حلو لا متوسطه ولا خفيفه زينه و سعرهم دولار


هذلين من لاين الاستوديو الي على اليمين برونز اسوي فيه هايلايت حق الخشم وعضمة الخدود والثاني كونسيلر باليت وايد حلو كل واحد سعره 3 دولار من لاين الاستوديو


هذي لوس باودر من لاين الاستوديو معاه spf 45 sunscreen uva/uvb سعره 6 دولار
استخدمه حق تثبيت الفاونديشن او اللمسه الاخيره قبل البلاشر


تابع بنات لاحد يرد لين اخلص الموضوع :ggdw:

 

[miss amany]

هذي من لاين الاستوديو الي على اليمين بيجمنت شدو والي على اليسار كحل كريمي يالبى سواده و يثبت وشحلاته وكل واحد ايي معاه فرشاه سعرهم 3 دولار و في الوان وايد طبي و تخيري


هذي قطرة تقوي لون الشادو و وتسوي الشادو مثل الكحل وايد حبيتها و الي يمها شدو بيجي ذهبي كل واحد سعره 3 دولار


من لاين بودولار خذيت هالشدوات الوانهم تخبل وناعمه



بعد من لاين بودولار خذيت هالحمر خامتهم وايد حلوة و المربع هذي الي تحت عباره عن مرطب شفايف بس مو موجود بالموقع الحين كان فتره و خلاص على موكا يهبل يهبل



هذي قلوسات الي على اليسار من لاين المنيريال الي طبيعي 100% وايد حلوين
والمعاصير من لاين بودولار فيهم spf و فيتامينات وريحتهم جوووونان:rerrerek:
والي فوق قلوسات تكبير الشفايف


هذي باليت 100 لون اي شدو ماراح اقول شي عنه دخلو اليوتوب و جوفو المدح فيه
عني انا حبيته وايد:ggdw: سعره 15 دولار اعقتد او 10 دولار و ليميتد ادشن


هذي فرشهم واااااااااااااااااااااااااايد احبهم
البيض من لاين بودولار و اول واحد من اليمين الي لونه اسود من لاين بودولار والباقي من لاين الاستوديو سعرهم 3 دولار الفرق بينهم ان الاستوديو شعر الفرش ناعم حيل و كواليتي مضبوط و بودولار بعد ماعليه كلام و خاصه فرشاه الفاونديشن ناويه اطلبها في عضوه اسمها زيووونه تمدح فيها :rerrerek:


هذي واتر بروف بن ايلاينر
والله بنات اروح السعوديه حق تسوق احطهم من الصبح لي المغرب مايتحرك ولا يسيح و غامج موت سعر كل واحد دولار من الاين العادي و وايد الوان في


هذلين ايلاينر سائل حلوين احبهم بعد ووايد الوان فيه انا خذيت بني و اسود وكحلي


هذلين اقلام بودولار اول اثنين من تحت بلمعه والثالث عادي سعرهم دولار



تاااااابع ياحلوات لاحد يرد تكفون

 

[miss amany]

الحين الاشيا الحلوة

صبغ الاظافر كان سعرهم قبل دولار والحين صارو 2 دولار مادري شله ههههه :krkrkr:

سويت لكم سواتش على ايدي قولوا ماشاء الله :eh_s(15):

هذا اسمه dark red


champagne


royal purple


pink bubble gum


صورة جماعيه الاحمر مو وياهم كمل من زمان :eh_s(11):


كريمي شدو سعرهم دولار


هايلايتر سعره دولار حده حلو تره لونه بالتصوير غامج لكن اذا حطيتيه على الخشم ولا عضمة الخد يصير فاتح سعره دولار


هذي شدوات بعد بدولار عجبوني السموكي على اليمين والثاني على اليسار يديد توه



وهذي shimmering pallet من الاستوديو سعره 3 دولار حلو وايد و يثبت كريمي بعد:rerrerek: وكذا لون بيج و فضي و وردي و برونزي


وهذي صور اوردرات من قبل مسويتهم حبيت اراويكم بس ان لو كان مثل ما يقولون بعض البنات انها ماركه خايسه تره غلطانين احلى منها ماكو ولا باجوف بعد :rgewrg: وكل واحد و ذوقه





اتمنى اني كفيت ووفيت

اي سؤال انا حااااااااااااااضره :ggdw:

 

[miss amany]

ماشالله عليج ,,, صج يعطيج الف عافيه على هالموضوع الروووعه


صااااااجه بكل كلمه قلتيها عن هالماركه مو ماخذه حقها بالخليج وبالشرق الوسط ,, مع ان بأوروبا وبأمريكاااا يانين عليها مدح مدح مو طبيعي والله ان اليوتيوب بينفجر من الفيديوات اللي يمدحون فيهااا ,,, اسعارها حيل مناسبه والكواليتي عجيب كله فيتامينات ومعادن طبيعيه ماتحسس البشره .. و انا جربت كذا شغله منهم ويمكن طالبه اربع او خمس مرات من هالماركه ماشالله صار عندي خبره بهالماركه ...



عليج بألف عافيه تتهنين فيهم يارب ومشكووره على هالموضوع الحلوووو

حياتي والله ربي يعافيج
تواجدج فيه الاروع


اي والله صااااجه
بضبط محد ماعطها حقها و يقهروني الي يقولون عنها خااايسه


ههههههههه انا بعد مثلج صرت خبره تدرين الحين اطالع بصور بتلفوني اخر صورة مالت الكارتون هذا اول اوردر كان مسويته 11 / 2009 يعني قبل سنتين بضبط

يعني اتعامل معاهم سنتين وكل مره اخذ منهم شي انصدم اشقد حلو

الا جمن شي ما يذكرون والحين منزلين اشيا حلوة دشي موقعهم جوووفي الهوايل العجيبه ههههه


اسعدني مرورج ياقلبي

 

[foshia girl]

ماشالله عليج ,,, صج يعطيج الف عافيه على هالموضوع الروووعه


صااااااجه بكل كلمه قلتيها عن هالماركه مو ماخذه حقها بالخليج وبالشرق الوسط ,, مع ان بأوروبا وبأمريكاااا يانين عليها مدح مدح مو طبيعي والله ان اليوتيوب بينفجر من الفيديوات اللي يمدحون فيهااا ,,, اسعارها حيل مناسبه والكواليتي عجيب كله فيتامينات ومعادن طبيعيه ماتحسس البشره .. و انا جربت كذا شغله منهم ويمكن طالبه اربع او خمس مرات من هالماركه ماشالله صار عندي خبره بهالماركه ...



عليج بألف عافيه تتهنين فيهم يارب ومشكووره على هالموضوع الحلوووو

 

[foshia girl]

وعشان تعم الفايده للجميع ....



هذا رابط مشترياتي من ماركة elf


http://www.q8yat.com/t750679.html




ومشكوره خيتووو على انج سمحتيلي اني احط الرابط ... الف شكر لج

 

[miss amany]

وعشان تعم الفايده للجميع ....



هذا رابط مشترياتي من ماركة elf


http://www.q8yat.com/t750679.html




ومشكوره خيتووو على انج سمحتيلي اني احط الرابط ... الف شكر لج

حااااااضرين ولو:eh_s(15):

 

[Lourdez]

ما شاء الله الماركة شكلها توووونس بس ماجربتهااا ياريت لو تسوون لنا سواتش عالشدوات

 

[أم*سلمان]

شكلها وايد حلوو موجود منها بالكويت؟

 

[SpiceGirl]

مآ قصرتي امآني

يعطيج الف عآفيه ,,

 

[MiSS B.K]

يسلموووو

 

[KOKO_284I]

اكيد بجربها لان بشرتي جدا حساسه وماكو شي طايح عليها

ومشكوره عالافاده

 

[AVE.NJ]

بامريكا تنباع بالجمعيات وتارجت وول مارت
ورخيصه
بصراحه شريت منهم شدو اسود علشان اثبت الكحل ولا ببيرزه تحت عيني كله اسود
وشريت بعد منهم مشط الحواجب خرابيط
انه مو فنانه مكياج بس ماعجبتني
بس صج رخيصه وارخص ماتتصورون

 

[ޢޢޢإيمانޢޢޢะۣۨ>]

حلوين ماشاء الله ، حسافه مافي بالكويت ، مشكوره على الموضوع الحلو​

]

 

[لحون العود]

عليج بالللف عااااااففيهة

 

[دانه الشطوره]

انا كل مره اشوف البنات يتكلمون عنها بالمنتدى بس ولا مره جربتها
ان شاء الله اذا لي سفره حق امريكا بروح لهم

مشكوووره ع الموضوع حبيبتي
و تتهنين بأغراضج ان شاء الله

 

[Miss Korea :)]

يااليت لو تنزلين رابط لحلقه أوبرا إذا كانت عندج قلبو .
عن نفسي ما أحب هالماركات الجييب لأنها مستحيييييييييل تكون تكلفتها جذي إذا كانت طبيعيه أو عضويه , مستحييييييييييل .
وأفضّل الماركات المعروفه و المشهورة و إللي جودتها فعلا عاليه ... ما عندي بشرتين عشان ألعب فيهم بمنتجات رخيصه .

والله فعلاً مخي و مخيخي مو قاادرين يستوعبون , جم ربحهم إذا هم يبيعون باليت الشدو بنص دينار و الماسكارا و البلاشر على 750 و دينار ....... شنو مواادهم هذي إللي داخله بتكوين المكياج !!!
حتى المواد الكيميائيه و برادة الحديد و الألمنيوم لها سعر تكلفه
شنوو .. هذيلا قاعدين يسوونها من نفايات ما تكلّفهم شي !!
و احسبي الأيدي العامله و العلب المفروض لهم هامش ربحي من سعر المنتج
غريبه و الله !!



اعتذر حبيبتي لو ضايقتج بس و الله عن جد ماني قادرة استوعب هالماركه شلون صاايرة !!
يعطيج ألف عافيه , جهد متعوب عليه ... شكراً
​

 

[أحترت أعبر]

اول شي عليج بالعافيه خيتي ...انا خذت من محلهم اللي بمدينة عيسى توه فاتحينه ...فرش وبلاشر الكونتور وبيجمنت وكحل واي شدو كريمي , واخذت علبة الشدو بو 100 لون مالت اوبرا مثل اللي عندج ...وبعد خذيت حنة اظافر ...بس لاحظت ان الاغراض اللي انتي حاطته بعضها مو موجود بمحلهم ...الفرش اللي لونها اببيض ترا اللي اخذتهم واللي جفتهم بس لونهم اسود ...وقطرة الشدو مو موجوده , والوان حنة الاظافر مالج ما في نفسهم ...
معناته ان مو كل شي يابوه عندنا ...وانا حسبالي بس اللي شفت هو كل منتجاتهم ...ما ادري ليش ؟ يعني الحين فاتحين محل وصافين البضاعه ومو كل المنتجات موجوده ...
عن نفسي في اشياء عجبتني واشياء ما عجبتني من الماركه , بس الوان حنة الاظافر مالج وايد عجبوني وصار ودي اجرب قطرة الشدو مالتهم ...
ان شاء لله بمرهم هالاسبوع قبل العيد اشوف اذا يابو من حنة الاظافر والقطره ...
مشكوره يا الغلا ...​

 

[miss amany]

ما شاء الله الماركة شكلها توووونس بس ماجربتهااا ياريت لو تسوون لنا سواتش عالشدوات

جوفي هالرابط مسوين سواتش على الشدوات الكريمي الدوائر
http://www.youtube.com/watch?v=vrzUIPdmKO4&feature=related

شكلها وايد حلوو موجود منها بالكويت؟

حلوة هالماركه بس للاسف مو موجوده الا عند بعض التاجرات عندكم سالي جوفي من عندها او طلبي من الموقع مالهم احسن و ارخص

مآ قصرتي امآني

يعطيج الف عآفيه ,,

حاضرين فديتج يعافيج ربي

يسلموووو

اكيد بجربها لان بشرتي جدا حساسه وماكو شي طايح عليها

ومشكوره عالافاده

يسلمج جربيها تره خفيفه على البشرة و خبرج الامريكيات ما يحبون الاشيا الثقيله و حتى امي ادمنت عليها تقول تعطيها لوك طبيعي و خفيف

بامريكا تنباع بالجمعيات وتارجت وول مارت
ورخيصه
بصراحه شريت منهم شدو اسود علشان اثبت الكحل ولا ببيرزه تحت عيني كله اسود
وشريت بعد منهم مشط الحواجب خرابيط
انه مو فنانه مكياج بس ماعجبتني
بس صج رخيصه وارخص ماتتصورون

موجوده بكل مكان بامريكا و محلات بو دولار بعد
بالعكس الشدو الاسود حده مضبوط واذا احطه شحلاته ولا يسيح ولا يخترب

حلوين ماشاء الله ، حسافه مافي بالكويت ، مشكوره على الموضوع الحلو​

]

حلت دنياااج ... جوفي يمكن التاجرات الكويتيات يوفرونها لج او طلبي من الموقع ارخص و احسن

عليج بالللف عااااااففيهة

يعافيج ربي حبيبتي

 

[krkooora]

جربت حمرهم حلوين مثل مستوى ريميل و همن جربت علبة الاربع الوان شدو حلوه و عندي بعد قوالب الحواجب بس ماحبيتهم مشكورة