- إنضم
- 28 يوليو 2009
- المشاركات
- 6,518
- مستوى التفاعل
- 1
- النقاط
- 0
- العمر
- 33
السلام عليكم
الموضوع باين من عنوانه <<< و هل يخفى القمر // لوووول //
الموضوع افاداتكم للمستجد او كل شي يخص الحياه الجامعيه او المعاهد التطبيقيه
كل بنت حسب كليتها
الشرط اللازمه للموضوع :
كل بنت تتكلم عن كليتها و التخصص الي اهيا فيه و شنو مميزاته و الاماكن بالكليه
الاقسام
يأختصار عن اي شي يفيد المستجدات بعيد عن السوالف و ذكر اسماء الدكاتره نبي بس مساعدات عامه
اي مستجده تبي مساعده عامه حياها تستفسر
انا ببدي :
كليه الاداب :
CoLLeGe oF aRTS <<< اسمها بالانجليزي :] عشتوا ع الثقافه لوووول
موقعها : كيفان و اعتقد انها اقدم كليات دوله الكويت
التخصصات الي تحتويها
_-_-_-_-_-_-_-_-_-
CoLLeGe oF aRTS <<< اسمها بالانجليزي :] عشتوا ع الثقافه لوووول
موقعها : كيفان و اعتقد انها اقدم كليات دوله الكويت
التخصصات الي تحتويها
_-_-_-_-_-_-_-_-_-
اللغه العربيه
اللغه الانجليزيه
التاريخ
الفلسفه
اعلام
اللغه الفرنسه
اول شي بحطلكم الارقام للكليه يعني كل قسم له رقم مختص فيه ادري ماراح تفهمون الا اذا دشيتوا الجامعه ان شاء الله بس بحطهم:
اللغه العربيه 0310
اللغه الانجليزيه 0320
التاريخ 0330
الفلسفه 0360
الاعلام 0380
اول نصيحه احب اذكرها اي طالبه مستجده مو حابه تتخص انجليزي و ما نجحت بالقدرات
لا تاخذ التمهيدي بأول كورس لها بالجامعه ... راح تتأخر
لان التمهيدي ما ينعطي الا مع ماده وحده بس و تكون مداومه الكورس كله بس ماده وحده ... =(
التمهيدي : ما يعادل و لا نقطه كلش يعني مو داش بمعدل الطالب الجامعي
و نقطه مهمه بعد : التمهيدي لازم تاخذونه يعني صح ما تاخذونه بأول كورس بس اذا حابين عادي اخذوا كورس ثاني او سنه ثانيه المهم لازم تاخذونه اذا ما عديتوا القدرات
النصيحه الثانيه : من اول ما تدشون رفعوا معدلكم عشان اول سنه للطالب المعدل يرتفع بسرعه السنه الي بعدها شوي شوي يرتفع مو نفس السنه الاولى
و عشان تقدرون تسجلون بسرعه و تنفتح لكم شعب ( لان هذي معاناه بالنسبه لنا )
و احب اذكر ان قسم الاعلام اهوا قسم من اقسام الاداب لكن موقع الدكاتره و مكاتبهم بشويخ بكليه العلوم الاجتماعيه ... السبب حسب ما سمعت ان مبنى الشويخ كان مبنى خاص للأداب الكلاسات كلاسات اعلام من جذي لما تقسمت شويخ لثلاث كليات الي اهما ( الحقوق ^ علوم اداريه ^ علوم اجتماعيه ) صارت شويخ لهم و الاداب ما تغر موقعها بكيفان
الدور الاول بالاداب كلاساته ارقامهم من 100 و صاعد
الدور الثاني كلاساته ارقامهم من 200 و صاعد
الدور الثالث كلاساته ارقامهم من 300 و صاعد
يعني لو كلاسج رقمه 325 مثلا تروحين الدور الثاني و تدورينه
طبعا في حرس امن يدلونج اذا سألتيهم ما يقصرون =)
في 4 بوابات دخول للأداب
و البوابتين البارزتين
بوابه 4
و بوابه 2
في ساحه طويله تسى بالــ ( Show STReeT )
اهوا عباره عن مكان نقعد فيه اذا خلصنا من كلاسنا و عندنا كلاس بعده يعني مكان نرتاح فيه
فيه مظلات و في كراسي مكشوفه
و اليديد ان بهالسنه فازت القائمه ^ المستقله^ قاعدين يسوون مظلات زياده عشان شكاوي الطلبه من الحر
في مبنى خاص لقسم الانجليزي و اسمه مبنى عبدالله العتيبي
و في مبى خاص للتاريخ و الفلسفه و اللغه العربيه و اسمه مبنى الاقسام العلميه
و مثل ما ذكرت ان الاعلام دكاترته بكليه العلوم الاجتماعيه
نسبه القبول للأداب
82 % للقبول الفوري
87 % قبول غير فوري يعني يمكن انهم يقبلونج بس على حسب تنطرين القبول
اتمنى تقدمون نصايحكم للبنات خاصه ان امتحانات الفاينل ع الابواب
الله يوفقهم جميعا 
