السلام عليكم خواتي الكويتيات
قبل كنت حاطة موضوع ان ودوني قسم ثاني بس الحمدالله رديت لقسمي لوللللللللللللللووووول ومديري عطاني تقييم امتياز :ggdw: وقال انتي موظفة قد المسؤولية وتستاهلين امتياز الحمدالله
طبعا انا وااااايد احب القسم وكافحت لين مارديت ومديري ماقصر ضغط عليهم لين ماردوني والله تخيلت فيلم المهمة المستحيلة ههههههه
المهم انا دووووم اشتغل من الخاطر وبضمير ويوم يدخل علينا مراجع اعامله بكل احترام واحاول اساعده مهما كان حتى لو كان معصب اسكت واساعده مب عشانه لا عشان ارضي ربي وضميري ومديري ترى عطاني امتياز هههه صج مااستحي 
اليوم يا واحد وقال ابي اسلم على المدير طبعا مديري كان عنده اجتماع وانا مااقدر اقاطعه واقول له فلان يبى يدخل ويسلم عليك لان مرة نبهني وقال لاتقاطعون اجتماعاتي انا قلت للريال المدير عنده اجتماع وانا ماقدر اقاطعه هو قال خبريه فلان انا قلت اسمحي لي انا مااقدر اقاطع المدير وقلت له لو عندك استفسار او مشكلة عندنا الاخ فلان ينوب عن المدير وإن شاء الله بيقدر يساعدك ويخدمك طبعا بكل احترام قلت له والريال سار
عقب سرت عند الاخ فلان وقال لي تعرفين طرشتي منو عندي انا قلت له لا قال هذا ولد فلان ومن الكبارية انا قلت له اوكي شو المشكلة قال المفروض تخلينه يدخل على المدير قلت عفوا بس كيف يدخل في نص الاجتماع تبا المدير ينبهني للمرة الثانية لاااا مابي اتعرض للموقف نفسه وقلت ليش هو قاعد يمشي لقبه وفلوسه علينا انا مارضى بهالشيء وضميري مايسمح اني اغير من معاملتي للناس عقب هو قال كل شخص تعاملينه حسب مستواه الاجتماعي انا مااقدرت اسمعه وقلت اسفه انا مابنزل من عمري ولا بغير من تصرفي لان ولد الكبارية دخل علي مثل ما اعامل المراجع باحترام واخدمه قد مااقدر نفس الخدمات بقدمه للشخص الكباري ولا مثلا يبوني اركع له والعياذ بالله بس لان هو ولد فلان او مثلا اسوي له واسطة او امشي اموره انا واااايد انزعجت من هالكلام حسيت اني رخيصة وان الشخص العادي لازم اعامله معاملة عادية ةالشخص الكباري اعطيه معاملة خاصة وانا مب من هالنوع يعني الشخص العادي اعطيه احسن خدماتي واساعده ونفس الشيء الشخص الكباري بس مابيلس انافق معاه لان هو اسبشيل مثلا
انتوا شو رايكم عني انا ماقادر يوم اشوف شخص عادي اطنشه لان في كباري صوبه ولازم انافق معاه في المعاملة
