شنو كلام الناس ؟ ليش تخلينه يفرق معاج اعتقد انتي عطيتي الكل مجال يتكلم اصلا اللي يتكلم بشي مثل هذا غبي ومتخلف وفيه وقاحه هذا شي اسمه رزق وبيد ربج
من متى العبيد لها ايد بامر الله ؟؟ من متى العبيد تتكلم بشي مالها ايد فيه ؟؟ يعني هالناس شنو عندهم غير الكلام والحجي الفاضي اللي لا يودي ولا يجيب
البنت قالو عانس ( حتى لو صغيره ) والمتزوجه بعد جم شهر ( قالو ماحملت عقيم )
واللي عندها عيال قالو كل خلفتها بنات ( متى تحمل بولد ) واللي عندها عيال وبنات ( قالو ووييع ماعندها شغل غير الحمل والولاده
واللي تزعل على زوجها ( قالو دلوعه وماكفو زواج )
واللي تطلقت وانحاشت من زوج مو كفو يامدمن ياراعي خرابيط ( قالو اي مطلقه ويتكلمون بشرفها )
لايكون على بالج بس انتي اللي الناس تتكلم عنج لو كان وضعج من الاوضاع اللي قلتها لاسمح الله صدقيني بعد راح يتكلمون لانهم ناس سخيفه اهم شي تقتنعين ان هذا شي بيد ربج وربج خاش لج الافضل والاحسن شنو يعني لو تزوجتي وعمرج 17 راح تكونين سعيده بالعكس ممكن تتزوجين بعد 30 وتعيشين احلى شي اهم شي لاتعطين فرصه حق هالنوع وتصدقين كلامهم عطيهم طااااف واستمتعي اليوم اللي يروح مايرد عسى الله يرزقج يارب الزوج الصالح
