كفرات لغرفة النوم

[رويال ديزاين]

بنات ...

أبي كفر لغرفتي ما ابيه النوع الثقيل الجاكار ...

ولا الحرير .. ابي نوع خفيف بس حلو و ناعم و راقي...

أحب النظام الأمريكي ...

وين تنصحوني اشتري ...
و ترا ماابي غالي حيل ... يعني حدي بال 40 أو 50 دينار...

لاتقولون أي تو زد و أيس و سيرز... كلهم قديمين و فاشلين و أي تو زد غالي حيل عالفاضي .. بالاستعمال يوبر و يقطن يصير فيه حبوب القطن..

 

[شيــوخه]

اخذي من اكيا يمدحون ديباجاتهم وشراشفهم

انا صراحه مااستعملت من عندهم شي

وان شاء الله البنات يفيدونج اكثر

 

[ام دودو المزيونه]

امس شاريه من ايكيا كفر تلبيسه مع وجه المخدات ب12 دينار مقاس 240 *200 اكبر حجم عندهم والحشو ب12 دينار بس اهم نضامهم بدون الشرشف بس انا كنت شاريه شراشف الوانها روعه بنفسجي ووردي مشت مع لون الكفر و وجه المخدات مقاسهم 50 * 60 اصغيره ما تمشي مع مخداتنا فضطريت اخذ مخدات منهم علي 4.250 دينار
وخذيت الحشوه رقم 1 الخفيفه قطن والله حلوه والوانه تشوق وتدفي ما احب الحشو الثقيله واللحين عندهم تنزيلات والحلو بكفراتهم بس تشيلين التلبيسه وتغسلينها او تغيرينها

نفس هالكفر بس انا لون وشكل ثاني

هذي الحشوه

 

[om MaRyooM]

افتري بسيتي سنتر عندهم اشياء حلوة

وبعد في بمجمع بيروت (فاشن مل) اللي بحولي عندهم تشكيلة كبييييرة وطبي وتخيري

 

[عيش و مرق]

دبناهامز غسيل وكرف واللون مشاله مايتغير وعندج زارا بتستغربين ادرى بس انا جربت كفراتهم حلوه وستايلات ناعمه انا احب جذى

 

[am_kshaa]

وفى عندج محلات الجمله ملوت الكفرات بالمباركيه الماركه امريكيه بس ناسيه شسمها واسعارهم ماتعدى 30 الكفر كامل

 

[dalal]

روحي دبنهامز كفراتهم وايد حلوه واسعارهم زينه..

وهم عندج زارا هوم ... والحين عليهم سيل يعني لحقي عليه

 

[السيده برتقاله]

والله انا دايما اشتري من صفاة الغانم اسعارهم حلوه وغسيل بس شوفيه اسباني والالوان حلوه

 

[رويال ديزاين]

وين محلات الجمله في المباركيه و يبيع كفرات امريكيه؟

 

[بدويه شيك]

فيه ماركه امريكيه اسمها fatheer بس جد روووعه اقطان والوانها روعه وستايلها حلو كد ومد مع الغسيل الوانها تبقى ناصعه تلقينها عند هووم ستي

 

[الملكة المتوجة]

دبنهامز وسنتر بوينت بس الاخير اخذي التلبيسة مو الي ييج كامل بكيس بلاستك

 

[Haleema Boland]

ان شاء الله فادوج الخوات ما عندي فكره الصراحة مو خبرة واايد