كفته بالكريمه أشهل منها مفييييش

[ام الغزال]

عجيبه عجيبه عجيبه هالكفته ..

آنا زوجي مستحيل ياكل كفته لمن سويتله هالطريقه قام يطلبها كل مره ..

و عيالي إستخفو عليها ..

و بناتي الصغار يساعدوني فيها من سهالتها ..

المقادير .:

كفتة خزان ... العدد اللي تبين بس مو أكثر من 20 حبه بالطبق الواحد .. و لا اقل من 6

كريمة كي دي دي

جبن قلاص التعاون .. و رجاءا لا تستعملون غير التعاون ترا إهو اللي يضبط الطعم

مشروووم مقطع

الطريقه :

تقلين الكفته لمن تستو وتحطينها بطبق ..

تاخذين جدر و تحطين الكريمه .. على النار .. و تقلبينها لمن ترتفع ..

أول ما ترتفع .. تحطين الجبن قلاص ... و تقلبين لمن يذوب تحطين المشرووم و تقلبين لمده خمس دقايق ..

بعدها تحطين الكفته .. و تستمرين بالتقليب .. لمده ربع ساعه إلى نص ساعه أو لمن تلاحظين إن الكريمه بدت تتغير باللون تصير أغمج و أسمك شوي ..

تسكرين النار و تقدمينها ..

ممكن تسويين مكرونه .. و ممكن بالخبز تنوكل ..

و بالعافيه ..
ترا الوصفه منقوله من إختي الله يسلمها .. :eh_s(3):

 

[ناني سيكرتس]

واي سهله تسلم ايدج. بس اشكثر احط جبن..؟

 

[xxx]

تسلم الايااااااااااااادي

 

[جارة القمر]

ام الغزال

تسلم الأيادي

 

[جكورة]

الله لايحرم عيالج منـــج وتشوفينهم معاريس..بس أتوقع لو ينوكل معاها عيش مشخـــوول ياسلاااام روعـه..

 

[Q8_ButterFly]

مبين انها لذيذه

واي يعت

بس الجبن قلاص واحد ؟ صغير والا كبير ؟

 

[مشغوله و محتاسه]

جبن قلاص التعاون .. و رجاءا لا تستعملون غير التعاون ترا إهو اللي يضبط الطعم

الكويتي انفع



تسلميييين ... خوش وصفه .. :eh_s(15):
سلمي على اختج ..

بطبقها قريبا ان شاء الله ..:eh_s(8):

 

[bnt q8 in usa]

مشكوره حبيبه شكلها عجيبه

 

[ام الغزال]

أهلا وسهلا وبالعافيه ..
جبن قلاص كبير واحد ...

كل علبة كريمه تحطين لها جبن تعاون كبير ... في حالة بغيتي تكثرين الكميه ,,

بالعاااااااااافيه على قلوبكم ..

 

[همسات ليالي]

يعطيج العافية

 

[هدوي]

روعه وبالمره بقولج طريقه مشابهه لها

بعد إذنج طبعاً

كفته بقريه من امريكانا او اي نوع تفضلينه
كريمة حمرا كي دي دي

طبعاً تكونين قليتي الكفته بالدهن
عقب تجيبين جدر التيفال وتحمسين بصل مقطع صغار مع شوية فليفله خضره صغار وتحركينهم لما يذبلون
عقب حطي 2كريمة حمرا وحركيها
وحطي عليها الكفتة وحركيها
اضيفي الشبنت عشان الريحه
نطري لما تبقبق الكريمة وتصير ثقيله

واكليها مع الخبز الايراني عجيييييييييييييييييبه

وبس

 

[C.A.N.D.Y]

تسلم أيدج

 

[aBoOoRa]

تسلم ايدج حبوبه :eh_s(17):

موجوده نفس الطريقه بكتاب المخابز بس بدون الجبن ​

 

[ضحكة الدنيا]

مشكووره على الطريقه الحلوه وسلمى على اختج

 

[supermarket]

واااااااااااي مبين عليها لذيييييييذة


تسلم ايدج

 

[بنت الحزن]

تسلم الأيادي

 

[فطيرة]

--------------------------------------------------------------------------------

وااااو عجيب

يسلمووووو حبوبه الف الف الف شكر

 

[وين^العهود]

تسلم الايادي ...

خوش طبخة وسريعة...

 

[جروح تبتسم]

تسلم ايدج شكلها لذيذه
بس سؤال
مانحط ملح ولاملوحه الجبن كافي
وبهارات ومكعب ماجي ...... مانحط ؟؟

 

[DooNy]

تسلم الأيادي