كـل امــراه مثاليه تفيدني

[عاشقة قيس]

هـــــلاوغــــــلا فيكــــم ؟؟....:eh_s(7):



شحـــالكـــم..



عنـــدي مشكله مع جسمـــي ؟؟كثييير

ايدي صااايره بااهته كثير وهم جسمي يصير فقط تبيض مؤقت وبعدين البيااض يروح صايره حتى اكره اجلس مع زوجي بسبب هالجسم اعطره ويروح التعطير تعبت منه ابيكم تسااعدوني كيف اغير جسمي كله وهمم بعد وزني واصل 80:eh_s(11)::eh_s(16):..مسنحيه من الكرش والوزن الزايد اماام زوجي ابي اغيييير كل شي ف جسممي وابي بيااض وتعطير وكل عشان ابهرررر زوجججي بليييز حبايبي فيدووني:eh_s(17):

 

[جوري ناردين]

اتمنى بنات يفيدونك

 

[جوري ناردين]

رفع

 

[مدمنة خلطات]

الجسم

دايت & رياضة

البياض

سوي لك برنامج بسيط بس تستمرين عليه على طول لان السر بالاستمرار
(خلطة قبل السبوح - الصابونية - صنفرة - شاور جل معطر - ترطيب مكثف)

التغذية

السر الاول لاي تغيير يبدأ من الداخل
كثري من السلطات و الفواكه
واشربي ماي ورد و نعناع و برتقال يعطر افرازات الجسم
وانصحك بحبوب الكولاجين & c

المسألة حيييييييييييييييل سهلة ومقدور عليها
بس شوية عزيمة و ارادة ومسائلك تضبط ..

الله يجملك بعين نفسك و عين زوجك ..

 

[Dr.rooz]

كل شي يصير و يتحقق ب الاراده و لا تتكاسلين
و اسهل برنامج عرضته عليد اختي مدمنة خلطات
و الله يحقق لج م تتمنين

 

[magic touch]

عندي ليكي مجموعه عبارة عن غسول الدهبب للجسم وتمسحي بفوطه بماء ثم سنفرة التفتيح والتنعيم بالعسل وفيتامين سي تترك علي الجسم بعد فرك الجسم بها لمده ربع ساعه ويوضع عليها ماسك الدهب وييلف برول وبﻻستك وفوطه دافئه لمده نصف ساعه ثم سبحي ويوضع لوشن وشوفي جسمك إشلون صار وإدعيلي

 

[نوف الصقعبي]

لازم الجلد يتنظف عدل وسباحة البيت ماتوفي بالغرض
سوى حمام مغربي لجسمج بالشهر مرتين
دهني جسمج بلوشن الفانيليا مال بودي شوب ورشي على جسمج بخاخ الفانيليا المخصص للجسم
السباحه تسبحي كل يوم الزوج يدقق على ابسط الامور ولازم تكونين نظيفه بعينه على الدوام
اشتري مسك الابيض من القرشي حطي على اماكن النبض الايد مكان الساعه
خلف الاذن ويادوب شي خفيف بين الفخوذ مو على المنطقه لا غلط
كل يوم شربي ماي ورد شلون الطريقه اخذي قلاص كبير صبي نصه ماى عادي ونصه ماي ورد وشرييه خليه كل يوم
لاترشين 600 عطر بوقت واحد راح تخنقين زوجج
الازواج تثيرهم العطورات الفرنسيه بالفراش اكثر تجنبي الدهن عود والبخور داخل غرفة النوم لان راح تحسسينه انه مع عجوز
خصصي لج عطر معين لج عشان زوجج ماينسى ريحتج حتى واهو بعيد عنج
كل شهر راجعي عيادات الاسنان سوي تنظيف للاسنان وتأكدى من الدكتور المعالج ان الفم خالى من الرائحه الكريهه لان الانسان ترى مايشم ريحته عكس اللى يجابله
تحدي نفسج وقطعي المشروبات الغازيه بكل انواعها
قطعى المعجنات
قطعى الجوكليت
قطعي العيوش
قطعي الباستات
مؤقتآ
خلى ريوقج عادي بيض مفيوح مع جبن ابيض خيار هالسوالف عسل حليب خالى الدسم او عصير برتقال فرش او تفاح فرش

الغدا نص صدر دياي مشوي مو مقلي مشوي
مع سلطه وعصير تفاح

العشا والاهم العشا
استغنى عن وجبة العشا بعلبة روب
الروب قبل النوم في خمائر قويه تساعد وتحرق لج الدهون بالجسم وتطير لج الكرش من عرجها مع الاستمرار ومن اول اسبوع بتلاحظين وبقوه كرشج فش من الروب

دشي نادي صحي النادي راح يعطيج باور قوي وحافز على الصمود والتحدي والاستمرار
الكآبه وقعدة البيت = اكل سمنه
اتمنى انى اكون افدتج ولو بالقليل​

 

[نوف الصقعبي]

وشغله نسيت اقولها لج
ضروري تسوين فحص الغده الدرقيه لاتكون كسلانه عندج وهن ىماينفع معاج اكبر رجيم لازم تعالجينها تحت اشراف طبي وفحص الغده رخيص وايد ترى
مع انج تسوين فحص لفيتامين دال ضروري هذيل كارثة السمنه​

 

[ام عبد العزيز م]

لازم تسوين حمام مغربي كل اسبوع عشان يروح الجلد الميت عندي مجموعه الحمام المغربي توحد الون وتشيل الجلد الميت وتنعم الجسم من اول استعمال يبين الفرق واضح

 

[استفغر الله الف]

عجبني رد الاخت مدمنة خلطات عليكي بالاضافه انو بالنسبه لجسمك استخدمي البقدونس بكثره وامشي لا تتعبي حالك بالرياضه بلشي شوي شوي
واشربي عصير جزر غير محلى بدون سكر فاهمه ؟؟؟؟؟؟ مو تحطي كيلو سكر
العصير بيخلي بشرتك منوووووووره وروووعه
كل يوم اشربي عصير جزر طبيعي وعصير برتقال
وشوفي قلبو اهم شي للتبييض معروف هو الهيدروكينون لانو فيو مادة الاربوتين المبيضه وانتي بدل ماتستخدي هيدروكينون اشربي بردقوش كل يوم ثلاث كاسات لان البردقوش اربوتين ومنو بتحصلي على البياض وعلى الانوثه لانه بينظم هرمونات الانوثه وبيحفر البطن ياقمر ومضاد للاكسده يعني بيصغرك عشر سنين
وما تاكلي اي شي بعد الساعه سته المسا الا عصير فهمتي .؟؟؟؟
ويارب تحلوي بسرعه وخبرينا بالنتايج

 

[نوف الصقعبي]

ام عبد العزيز فديتج اذا سوت كل اسبوع حمام مغربي راح ينصلخ جلدها موزين​

 

[كويتية بنفسجية]

موضوع ممتاز و رائع و مفيد