كـــــل شـــي عن ميــــك اب الحفلات والاعراس

[ساميه الصالح]

السلام عليكم




شخباركم عساكم طيبين

كـــــــــل شـــــــــي عن ميك اب الحفلات


فديتكم الموضوع طويل ومن غير مقدمات خل ندخل في الستبس






تهيئة البشره قبل المكياج


طبعا اذا بتسوين خطوات الي بذكرها لازم تزيدين 20 دقيقه لي ربع ساعه قبل الوقت عشان تضمنين وجه مشدود وبشره نظره ونظيفه ناعمه ورطبه وقولو باي باي لويه مدهن بنص الحفله وفاونديشن متشقق ويخطط





#1

يفضل نسوي سكرب ( تقشير البشره ) عشان تكون نضيفه ونزيل الجلد الميت وتكون البشره صافيه قد مانقدر





# 2

واذا ماعندج وقت للسكرب نظفي ويهج بالتونك عدل والخطوه مهمه بالذات اذا كان في رواسب ميك اب واذا كنتي حاطه ميك اب قبل يعني مثلا بقايا ميك اب الدوام يفضل تنظفين ويهج بالكلينسنغ ملك ( حليب المنظف) افضل بوايد من ( الفوط او الكلينكس مزيلة المكياج ) لانها شوي قويه نوعا ما ويمكن تسبب احمرار او وهالشي نبي نبتعد عنه عشان الميك اب يكون تمام التمام











#3
والخطوه قبل الاخيره اخذي ماي ورد + عبيه بمكعبات الثلج البلاستك الي بالفريزر









وخليهم لاستخدامج كل مره وهالحركه جدااااا مهمه ليييييييييش ؟؟؟؟
• اول شي ماي الورد ينعم ويهدي البشره ويتركها مرتاحه وبنفس الوقت منعش
والحين بستالون ليش اثلجه ؟؟
• عشان يشد البشره لان معروف الماي البارد او حتى تمرير ثلجه على الوجه كله تشد البشره وتسكر المسامات المفتوحه من بعد التنظيف العميق الي سويناه بخطوه التهيئة
بتقولون لي حجي فاضي ومو مهمه الخطوه بقولج ؟؟
• هالشي جدا مهم لاانها بتمنع ان الويه يدهن لاان المسامات المفتوحه تسبب في افراز الدهن فانتي لمن تسكرين هالمسامات تحمين نفسج من ان ويهج يدهن والفاونديشن يخترب ويخطط ويدهن معاج ،،،


طريقتي المعتمده جربوها وانشالله بتدعون لي :21_208:



# 4

واخر ستب من تهيئة البشره اهو الترطيب وااايد مهم وانصحكم بفيتامين اي من بودي شوب اخذي النوع الي يناسب بشرتج









اساس السهرات ::

حبايبي في تقريبا 3-4 انواع


1- الاساس المات ( المات لوك ) ::


الي اهو المطفي غير الامع وهو تقريبا نفس هالصوره جوفي شلون بشره كيم صايره مطفيه ومافيها لمعه ونصيييييحه اذا بشرتج جافه من قلب لاتتبعين هاللوك عشان بيزيد مشكلتج وببين جفاف ويهج









وعشان نسوي هالنوع نحتاج لاساس يكون مات من اي مااااركه تعجبج ولازم يكون فاونديشن مات

ومن تجربتي امدح لج كريولاين فيتا كولور بس اخذي المات مو الجلوسي







او فيج تستخدمين الكيك فاونديشن واهو اقوى الانواع من المات وطبعا ارشح لكم كريولاين




وهالشغله حلوووه اذا تبين مكياجج يكون مات استخدمي هالنوع مثل الجل على كريم ووزعيه بالذات على منطقة التي زون






واهيا اكثر المناطق الي تدهن وتلمع


ارشحج لج ماك و ميك اب فور ايفر نو واااااااي يدهن الويه








وتستخدمينه قبل لا تحطين الاساس على الويه خليه 5 ثواني تقريبا وبعدين وزعي الفاونديشن





3- Dewish look : اللوك الرطب ومثل مايسمونه لمعة الماي



واهو اللوك طبيعي على رطب واااااايد حلو نتيجته مثل هالصور جوفو شلون على منطقه الخد في لمعه رطبه كأن في الويه ماي شويه


نصيييييحه :: اذ ويهج دهني من قلب ابتعدي عنه بالذات اذا عندج مناسبه وحفله مهمه













​

يتبــــــــــــــــع

 

[ساميه الصالح]

عشان تسوينه بتحتاجين التالي ::


اي نوع تفضلينه لكويد فاونديشن الي اهو الاساس السائل


او


اي نوع تفضلينه من اساس كريمي مثل كريولاين الكريمي تغطيته حلوه للحفلات





وبنحتاج اي نوع تفضلينه لوز باودر وافضل نوع للحفلات وعشان يطلع لوكج طبيعي افضل مااااااك عجيب و بعد كريولاين اللوز باودر شغل عدل للحفلات













وبعد بنحتاج قطنه مبلوله بماي ويفضل ماي ورد كان بالثلاجه عشان يثبت الفاونديشن اكثر

والسر في اللوك الديوي او الرطب انج توزعين الفاونديشن يا ::
بفرشاه توزيع الفاونديشن مبلوله بماي
او
بسفنجه مبلوله وتوزعين على كامل ويهج


او فيج بس توزعين بالاسفنجه الرطبه على منطقه الخد بس وتخلين باقي الويه توزعينه بسفنجه ناشفه او بفرشاه ناشفه

ومن بعد توزيع الفاونديشن نمد اللوز باودر على كامل الويه



الخيار الثاني ::







يغنيج عن الخطوات اي ذكرتها كلها فوق اللهم عليج توزعين فاونديشنج من اي نوع وتشترين هالنوع من الفكس سبراي من كريولاين اسمه ديرما كولور فكسنغ سبراي واهو محتلف عن باقي انواع السبراي المثبت لاان ميزته يعطي لمعه الماي على الويه ويتم ثابت طووول الحفله بس انا ماايده وايد مادري احب اللمعه تكون خفيفه وباينه طبيعيه بس في النهايه الخيار لج


النتيجه سوا بسبراي ولا من غيره ::
ان بشرتج صايره رطبه بس لمن تلمسينها تلاقينها ناشفه يعني اهيا مثل خدعه بصريه بس للي يجوف يحس ويهج رطب وفي لمعه الماي








4- الفل كفرج :: او الاساس للتصوير او للحفلات والمناسبات المهمه يعني اكثر للعرايس


الي اهو الفاونديشن ذو التغطيه الشامله وبصراحه انا استخدمه بس للعرايس او لملجه او خطوبه وحده لاان بهاي الحاله بتكون البنيه مركزه الاضاءه عليها وفلاشات التصوير فلازم يكون قوي وميزته يخفي كل العيووووب ويسفلت الويه بطريقه قويه نوعا ما



وافضل الانواع الي تعطيج الفل كفرج اهو نوع الفاونديشن ستك وافضل الانواع الي اداوم استخدامها اهو::


كريولاين فاونديشن ستك :: حتى بتلاقون مكتوب عليه للتصوير السينمائي والتلفزيون ودايم احمد قبيسي يستخدمه لكل المغنيات بحفلاتهم ولا حتى بالفيديوكلبس





النوع الثاني يعطي فل كفرج بس بعد في نفس الوقت على طبيعي شويه يعني مايتقارن بكفرج كريولاين اهو انسب للي تبي لوك طبيعي : : اسمه هاي دفنشن ومن اسمه يعني للتصوير والاعمال السينمائيه يعني لنفس الغرض للناس الي مركزه عليهم الاضاءه وللتصوير










5- اللوك المخملي ::


وهو الي اعتمده اكثر شي لاان وااااايد حلو من قلب لانه يطلعج بلوك طبيعي وبشرتج تطلع جوناااااان على قولتهم ويصير ملمسها مثل المخمل



نصيحتي :: هالنوع يناسب كل انواع البشره وافضل الانواع من حيث الوك النهائي طبييييعي وناعم


جوفو بشره كيم بلوك مخملي











وكل الي بنحتاجه

فاونديشن سائل ( ليكود فاونديشن) من اي ماركه تفضلينها وبالنسبه لي امدح لج هالانواع ::

ماك مينارليز فاونديشن







كريولاين شمرنغ فاونديشن




كريولاين فيتا كولور جلوسي او مات اهو شوي اقوى من الشمرنغ من حيث التغطية









ليكود فاونديشن ميك اب فور ايفر






+ اي نوع تفضلينه لوز باودر وتمررينه على كااااامل الوجه




والحين دور خلطاتي ومكساتي السريه



برويكم طريقتي اذا عندج فاونديشن طايح بجيدج من حيث ان تغطيته مو شي وانغشيتي فيه او حتى اي فاونديشن عندج اياه وتستخدمينه للدوام وخفيف برويج اشلون تحولينه لفاونديشن تغطيته اخر تمام ومناسب للاعراس والحفلات والسر في شغله وحده بس





كل الي بتحتاجينه ديرماكول





والاساس الخفيف





جوفو مثلن انا استخدم لوريال للاستخدام اليومي وباستخدام ديرماكول بحوله لاساس ينفع للسهرات ويدوم وهالكلام عن تجربه


والديرماكول للي مايعرفه اهو مثل عصاره تغطيتها قوووويه من قلب وكثيفه يعني لا تفكرين تحطينه كانه اساس لان بتكونين جنج لابسه قناع او مثل ويه كاسبر بالضبط :21_133: نصييييييييحه يابنات لا تستخدمونه كساس



الفكره :: حطو كميه قلييييييييله جدا من الديرماكول لاانه وايد قوي وكميه قليله تكفيج لتغطيه الويه ومكسوها مع الفاونديشن مالكم ومكسوا على اليد وهالحركه بالذات تسخن الاساس وبالتالي يثبت اكثر على الويه



يتبـــــــــــــــــــع ​

 

[ساميه الصالح]

والحين دور الكونسيلر من افضل ماجربت ::


بالنسبه للكونسيلر اخذي درجه افتح من لون اساسج وبليييييييييز لا تاخذين النوع الي ايكم وردي او ابيض او بيج فاتح نهاااااائيا مو حلو وكلش مو طبيعي اللون الصح اهو الاوان المصفره جريب البيج

كريولاين كونسيلر ويل :: شغل عدل واهو كونسيلر وبنفس الوقت يستخدم لنحت الويه



وعندهم هالنوع الثاني بعد حلو




وماك اينن وااااايد حلو واكثر شي يعجبني في هالماركه اهو اختلاف الدرجات واهو تغطيته اقل واخف من كريولاين بس حلو وايد يعطي لوك طبيعي





بوبي بروان حلوه تغطيته بس عيبه يخطط مانصحه لكم بالذات للحفلات يعني حده للدوام وبيخطط معاج بعد





_______________________________________


وعشان يكتمل اللوك بنحتاج هالشغلات ::

وهالشغلات اختياريه فيج تحطين او لا


طبعا امدح الماسكرات الواتر بروف للناس الي تمدع عينهم ووللبنات الي يصيحون بالاعراس خخخخخخ





والاهم من ذي كله الرموووووووووووووووووووش التركيب وانشالله بنزل درس صغنون عن كيفيه تركيبهم





جلترز




وبالنسبه للاساسيات لاااااااااااااااااازم عشان تضمنين مكياجج يدوم اطول وقت




كريولاين فكس سبراي ( سبراي مثبت المكياج )





ماك فكس بلس ( مثبت للمكياج )




واذا ماعندج عبي ماي داخل اي نوع من المرشات وخليها بالثلاجه ضروووري ورشي منها بعد يثبتلج الميك اب





والطريقه انج ترشين على بعد شويه مو من جريب وترشون تقريبا مابين 3- 4 رشات تقريبا بحيت يتغطى الويه كامل وتحسن مثل رذاذ الماي على ويهج ناااعم




والحين عشان يكتمل الموضوع حطيت لكم خطوات ميك اب سموكي يصلح للحفلات ومايحتاج تفتنتق وسهل وكنت مسويته من فتره وبسرعه بسرعه فسامحوني اذا الخطوات مو واضحه



هاي الشغلات الي بنستخدمها




ونسيت اصور كحل اسود سمايلنغ




والخطوات بالصور من غير شرح ،، تعبت وانا اهذر خخخخخ































يتبــــــــــــــــــع

 

[ساميه الصالح]

وبس





عسا الموضوع عجبكم واستفدتوا منه والي عندها اي استفسار انا حااضره


اختكم :: الميك اب ارتست ساميه الصالح




:sfg:



​

[/FONT][/SIZE][/CENTER]

 

[~*~الملكة~*~]

ماشاءالله الموضوع كااااااااااامل :ggdw:

وماقصرتي بالشرررررررح


يعطييييج العافيه

رسمة عيينج بالصوره الشخصيه واااايد حلوووه

 

[~*~الملكة~*~]

وايد حلووه رسمة العين

شنو عدساتج بهالصووره ؟؟


تسلم ايدج

 

[احترت اعبر]

يعطيج الف عافيه حبيبتي
الموضوع وااايد مفيد وماقصرتي بالشرح

 

[بوســـي]

ماشاء الله....
مواضيعج مميزه أختي ساميه والموضوع الأول كان قمه في الروعه
بصراحه أقنعتيني ورحت على طول إشتريت من كريولاين وبصراحه منتجاتهم رووووعه ولا يعلى عليها
جربت الأرواج الي في العلبه الدائريه والبودره الحره والجليتر جونااااان
بس خفت اشتري الفاونديشن انواعها كثير واحترت فيهم
انا بشرتي جافه ولازم استخدم مرطب ياريت تنصحيني بفاونديشن من عندهم بس يكون خفيف وفي نفس الوقت يغطي ويوحد لون البشره وللإستخدام اليومي
والكحل الكريمي انا شفته بس حسيته ناشف واترددت أشتريه حبيت آخذ رايج فيه هل تنصحيني فيه لأني دايما احطه قبل الشدو

تسلميلنا حبيبتي ساميه ومشكوووووووره وما قصرتي على المعلومات القيمه والنصايح الجميله
وبانتظار جديدج إن شاء الله

 

[Keep Smiling]

ya36eech el3afya 9ara7a maw'6oo3ch 3ajeeeeb, mashala ma 5alaytay shai, ma etga9reen

 

[ملفتة للنظر]

مشالله عليج ..شرح كافي ووافي


موضوع مميز وحييييييييييييييييل استفدت منه...مشكووووووووووووورة وماقصرتي


راح احطه بالفيفورت



ناطرين جديدج

 

[أسيرة_أحزاني]

واااااااااااو حده روووووووعه

 

[ريموه]

wOoOoOoOoOw

 

[alissa]

يسلمووووو ع الموضوع ماقصرتي وشرحج حلوو كفيتي و وفيتي

يعطيج ألف عافيه

 

[miss_reemi]

مششششكووووررررره حبيبتي على الشرح :eh_s(6): وااااييييددد استفدت :eh_s(15):

شكرررااااا :eh_s(7):

 

[ورديـــه]

يعطيج العافيه ع الموضوع المتكاااااااامل

بس بسالج حبوبه عن الديرماكول فيه منه الاصلي وفي التقليد شلون اعرف افرق بينهم ؟؟؟؟؟

وانا بشرتي دهنيه حيييييل

وابي اساس للاعراس ثااابت من ماركة كريولان لانج شوقتيني عليها

بشنو تنصحيني ؟؟

ومشكوووورة وماقصرتي يالغاليه ^_^

 

[بنفسجية]

مشكووورة
يعطيج الف عافية

 

[حامله القنديل]

:klhfl:
ماقصرتي

::


،،

 

[مشمش أحمر]

ماشاء الله موووضوعج رووووعه

بس ابي اسئلج لو سمحتي الكريولان الستيك يناسب البشره الدهنيه ؟

شو افضل هو او الستيك حق الاعراس وبالذات للعروس اذا بشرتها دهنيه ؟؟؟!!!

ويعطيج الف الف عاافيه

 

[Pascal ~]

~.. SaLaM

لا اله الا الله عليج ماشاء الله ماشاء الله .. شنو هالفن؟ صج في اشياء فدتيني فيها جزاج الله خير
اهم نقطه حبيتها سالفة تثليج ماي الورد .. انا احط ماي الورد بغرشة وارشه على ويهي كل يوم .. بس ما توقعت تثليجه بيخليه فعال اكثر ... بجرب هالطريقة شوقتيني عليهاااا .. وفكرة خلط الفاونديشنات هذي اطبقها من زمان ولوريال تروماتش لو تخلطينه مع اي فاونديشن بيصير عجيييييب موطبيعي ماشاء الله لأنه هالفاونديشن فيه لمسة حلوة حيل .. آنا احب اللوك المات والمخملي واهما الي اعتمدهم بالاعراس او الطلعات اليومية .. ماحبيت الستيك فاونديشن لأنه ثقيييييييل احس جني حاطة جص على ويهي من اي ماركة كلهم ماناسبوني

ملحوظة: انا لاحظتج دايما تتكلمين عن كيرولاين وماك وفور ايفر .. ممكن تضيفين بلسته ميك آب المناسبات مجموعة ايستي لودور الدبل وير سواءا فاونديشن + لوس باودر + كونسيلر ... هالمجموعه بروحها تصلح تنحط للحفلات والمناسبات او حتى الطلعات العادية اذا خففتي كمية الفاونديشن اثناء الاستخدام .. عندج من كلينك (ربير وير) وديور (نيود) هذول ليكويد فاونديشنز يصلحون للمناسبات لانه تغطيتهم طبيعية عالبشرة .. بس حبيت اضيفلج هالجم شغلة عشان ما تركزين في كلامج على كيرولاين وماك =) طبعا ملاحظاتي ما تقلل من كلامج اكيد .. والله يوفقج حبيبتي بانتظار تقارير ميك آبيه جديدة =)

SeeYa ..~​

 

[al7lwa` `]

ماشالله علييج


عيني علييج بارده.. الصراحه مواضيعج مميزه وكلهم عندي بالفيفاريت