كش علي وكش على معاشي ؟؟؟

[فله]

السلام عليكم
شلونكم بنات
انا بدش الموضوع ع طول موضوعي يمكن ماعمراحد فتحه بالمنتدى بس متاكدة انكم بحياتكم دايم تشكون منه
انا مدرسة وماخذه قرض عشان امي 350 دينار عليها بالعافية عشان بيتها
الحمدلله معاشي زين لاني مدرسة بس الصدمة يابنات اني لاعندي سيارة ولاخدامة ولا طالعة بشقة بروحي ولاعندي عيال الله يرزقني ولاني من النوعية الاكيله ثلاجتي حدها جبن وعصير خخخخخخخخخخخ
بتقولون وين المشكلة
والله يابنات اني ماحس نفسي عايشة مثل الناس لاشتري ساعات ماركة ولابدل فخمة وروحاتي للسوق قليلة جدا تصوروا
اكيد عبالكم بخيله لاوالله والدليل انه من يجي اخر الشهر ماعندي ولافلس والقهر الاكبر ان صارلي 7 سنوات موظفة ماعندي بالبنك فلس احمر ؟؟؟؟؟؟؟ وزوجي مثلي على انه نقيب تخيلوا ؟؟؟؟؟؟:s141:
مادري ششفيني هل انا كارهه عمري والا لان ماعندي احد اكشخ له خصوصا ان الدوام اغلبهم عبي ؟ والحموله طايح حظهم ؟ وانسافرت خلاص قعدنا عالحديده ؟؟
والله يابنات استغرب من الناس اللي تلبس وتسافر وتكشخ وان قلتي من وين يقولوو ياحسرتي ماعندنا غير هالمعاشات
وانا الحمدلله مسويه استقطاع للجنات الخيرية وازكي بس مادري شفيه معاشي ماكو بركه
تكفون بنات شنو اسوي ابي احس بعمري لاني اللي عايشة ولاني اللي محوشة بالبنوك مادري شفيني
في احد مثلي؟؟:080402ask_prv:
ساعات والله احس ودي اترك وظيفتي اقول وش عطتني غير الشقى والتعب التدريس عذاب ولاني متهنية
تكفون ردوا علي
واللي ماعندها حل تدعيلي ربي يهون ولادتي لاني داشة شهري :hjy5jewf:

 

[ام - وهابي]

ربي يسهل عليج ولادتج حبيبتي

 

[زمزم 2010]

رد : كش علي وكش على معاشي ؟؟؟

الله يرزقج بالرزق الحلال المبارك

اختي اقعدي مع ريلج وسوي ميزانية معاشج مع معاشه فلوس للماجلة وفلوس للبانزين لمدة شهر وفلوس لمصاريف البيت وفلوس تحويشة بنك
واذا نزل المعاش ادعي ان الله يباركلج فيه

والله يهون عليج ويسهل ولادتج ويجعل ضناج من الذرية الصالحة والله يرزق كل محروم اللهم امييييييين

 

[فله]

تسلمين ام وهابي عالدعوة الحلوة

 

[فله]

حبي زمزومة ودي بس زوجي نظامه غير مو راضي احسه نحيس خخخخخخخخخخخخخ

 

[فاهييه]

امرج غريب
الناس يا تقط على نفسها وكشختها و وناستها . و ماتخشش شي للمستقبل

يا تخشش للمستقبل . وتقصر على نفسها بمعيشتها
ا
بس نتي لا هاذي و لا هاذي . وين يروح المعاش

انزين اذا حابه قولي تقسيمة معاشج كل شهر ؟ شتسويين فيه ؟ ممكن توضح الصوره ؟

 

[وهج الخير]

رد : كش علي وكش على معاشي ؟؟؟

يارب يفرج همك حبيبتي ويرزقك الصحه والعافيه والخير يارب
ويبدل حالك من حال لحال اللهم امين يارب
وتقولين بسنا سا حسين فلوس خمسه الف عشر الف مليون عاد لا تتنسين اخينك بربع ارنب

 

[لي لي الحلوة]

مرحبا

اذا انتي ما تصرفين على روحج بالبس والجناط والساعات ولا عندج عيال ولا انتي تحطين بالثلاجة


ولا عندج بالبنك شئ

يمكن انج تسلفين احد واذا لا؟؟؟؟؟؟؟؟؟؟

يمكن تعطين هدايا مادية للنفاس والمتزوجة واشياء تشجيعية واذا لا؟؟؟؟؟



مشكللللللللللللللة

واذا كل اللي اقوله ما تسوينة معاشج ما فية بركه

حاولي كل معاش تشترين لنفسج شئ وتحطين حساب ثاني استقطاع

او دشي مع بنات وخليج ملتزمة معاهم (بجمعية )بمبلغ معين

 

[ايثار]

رد : كش علي وكش على معاشي ؟؟؟

العنوان يضحك ههههه الله يسعد قلبك ويهون عليك ساعة السلامة وحلوة الحمولة طايح حظهم كمان عجبتني دمك عسل والله

 

[اوزة روحي]

نفس الحالة مادري وين يطير معاشي

 

[جوري 2007]

اشلون مصاريفج مووايد وهم ماعندج لي اخر الشهر !

ياتوفرين للمستقبل وتودعين اللبس والكشخة يا تلبسين وتكشخين وحساب المستقبل موراهي !

انا كل شهر امتع روحي بمعاشي :عطر _مكياج _هدوم _جنطة والا كلش مااحس ان المعاش نزل اذا ماسويت هالاشياء \

وباجي المعاش بحساب التوفير

انا مااقولج انه الحساب راهي بس على الاقل مخليته لليوم الاسود الله يبعدنا عنه

صج ساعات المعاش يطير كله ولا توفير و لا شي بس على الاقل اكون شارية الدنيا والدين بهالشهر

لازم تقسمين معاشج عدل وتوفرين على الاقل حق سفرة وحدة بالسنة تغيرين فيها جو

انا الحمدلله لازم اسافر بالصيف سفرة وحدة راهية ومن معاشي والله ماعندي دخل ثاني ولاشي بس طبعا طول السنة ايمع وانسق

وهم موحارمة نفسي من شي ، اروح السوق كل شهر واتشرى وامتع نفسي :blueSmCLR:

 

[درة أهل الطولات]

رد : كش علي وكش على معاشي ؟؟؟

عندج سوء تخطيط لمعاشج
وبعدين لبسي وكشخي ليش تحرمين عمرج

 

[غلاتي الكويت]

نفس حاااالتج بشووف اراء البنات

 

[ام الدرر]

حبوبة شكلج انتي وزوجج مبذرين
ضابط يعني معاشه فوق ال800 وانتي ماشاءالله مدرسة يعني نفس الشي اللهم زيد وبارك
طيب كل الوقت اللي طاف اوكي
الحين بيصير عندج ضنا ان شاءالله
يعني مصرف ثاني حفاضات حليب واحيان اسم الله عليه تحتاجون اطباء خاص
يعني لازم تكونين مدبرة شوي
نصيحه فتحي حساب ثاني ومولازم تقولين لزوجج وسوي استقطاع شهري 50 دينار
تنفعج حق نفسج اذا اشتهيتي شي لروحج كل جم شهر ساعة ولا جنطة
اوحتى لضناج حزة عيد ولا مناسبة وتبين مبلغ محترم ينفعج
واشتركي بجمعيات ترى والله تنفع
احنا طبعنا المبلغ اللي عندنا سواء 100 ولا 1000 نصرفه بدون شعور
فكري اول ما اشتغلتي جم معاشج وهم كنتي تصرفينه من غير معنى
يعني مجرد صرف وبس
لاااااااااااااااازم التدبير والتوفير
خلي مصرف البيت على زوجج واذا احتاج ممكن تساعدينه بس لا تتكفلين بكل شي
ولا تقولين معاشي مافي بركة كافي انج عايشة
حديث الرسول صلى الله عليه وسلم ((من بات آمنا في سربه معافى في بدنه ومعه قوت يومه فكانما حيزت له الدنيا ))​

 

[كراميلا مرة]

الله يسهل لج ولادتج ويبارك لج في معاشك

 

[عقــد منثور]

رد : كش علي وكش على معاشي ؟؟؟



اعرف وحدة نفسج جذى .. وكنت استغرب منها ... لاهى من النوع اللى تلبس وتقط على عمرها ولاهى اللى توفر ..

لو يحوشها ظرف تطق أطووف وتسلف ..

عرفت تالى ان من سوء التدبير .. رحت السوق معها .. ماخلت احد ماشرت لة وناسية عمرها .. اللى بجيبها مو لها ..

احسبيها بالورقة والقلم .. مصروفاتج والنثريات وغيره ..

وسويلج حساب توفير من غير بطاقة عشان ماتسحبين كل شوى

مع استقطاع شهرى .. اخر السنه يطلع لج مبلغ محترم ..

ودلعى عمرج .. مو الا تكشخين لللحموله ... كشخى لروحج .. نفسيتج تغير ..

دلعى عمرج ولاتخلين شئ بخاطرج .. الله يرزقج بالعيال عاجل غير آجل ويرزق كل محرومة ..

 

[m-3atboha]

رد : كش علي وكش على معاشي ؟؟؟

مالج غير انج تسوين ميزانية
وبعدين مردج بترتاحين من القرض نصييحه لا تطلعين و الله راح تملييين

 

[هواجيس الفجر]

رد : كش علي وكش على معاشي ؟؟؟

الله يرزقك الرزق الحلال

 

[klkaw]

رد : كش علي وكش على معاشي ؟؟؟

اخذي نوتا صغيره بجنطتج واكتبي كل يوم جم صرفتي
ومنها راح تعرفيين وين راحت افلوسج


نصيحه قسمي معاشج اربع اقسام
قسم للقرض 350
قسم لج 200
قسم توفير 200
قسم صدقات 50

 

[Princess Lady]

رد : كش علي وكش على معاشي ؟؟؟

أول شي أنتي بنك إسلامي وإلا ربوي !!!

اذا ربوي حولي لي بنك إسلامي وربي بيبارك بمعاشك بإذن الله

اذا اسلامي ناقصج تخطيط يعني المفروض على الأقل تخشين لج مبلغ كل شهر لي ما يتجمع عندج مبلغ حلو يكفي لشنطه ماركه / وساعه ..

ودايما ادعي الله سبحانه ان يبارك لج بمعاشك ...