كريم كبار مشكله

[كربون امها]

السلام عليكم ورحمة الله وبركاته
شلونكم حبايبي السالفة تخص بنت خالتي مشكلتها زوجه يحب ويعاشر حريم كبار
من كم يوم جاكته بشقة ومع الاسف مع وحدة كبيرة تقريبا بالاخمسين العلم اهو عمره ثمانية وعشرين سنة واذا طلعت معاه اي مكان يقعد يغازل حريم كبار يوم من الايام
وحدة زفته وبقت ماطقه وجكته اكثرمن مره مع حريم كبار والمشكله اهله يدرون في وبسوالفة مسكينة بنت خالتي وايد تالم منه وتنحرج حتى خوالي يدرون في ويقطون عليها نغزات واهي تنحرج حدها لا تقولون فاقد حنان امه موجودة وزينه
والله حرام محتاره حيل في وفكرت بالطلاق اكثر من من مره حبايبي تهقون ليش يسوي
جذي وشنو تسوي عشان يتوب

 

[ام فواازي]

يزني و تدري وهو يدري انها تدري واهلها يدرون وللحين قاعده عنده؟؟؟؟
هذا زباله مو بعيده يخيل على امها بعد؟؟

 

[كربون امها]

غلط بالكلمة الاولى من العنوان سوري

 

[انثى عاشقة]

لازم تدخل اهلها بالموضوع
زاني محصن وماشا الله ماخذ راحته بعد !!
اعووووذ بالله ​

 

[shak!shoka]

ما اقول غير
الله ياخذ عمره و تفتك منه !

 

[sosowaty]

لا حول و لا قووة الا بالله

 

[كربون امها]

المشكلة والدها رافض الطلاق وايد تتهاوش معاه
على السالفة هذي مره يقولها انا احب النوعية هذي
ومره يقولها انا مستفيد اهما غنيات وانا داش طمع
ومره يقولها شحارج هذيلا كبار موصغار اذا صغار احتري
شنو الحل معاه

 

[Beyoncee]

حبيبتي الحلال بين والحرام بين
وما بني على باطل فهو باطل

 

[سندس 90]

الله لا يبلانا مثل مابلاها
انا ماادري هالحثاله شلوون عاايشين ما يخافون ما يحاتون قبر اغلط مره مرتين هذول وين قلوبهم اششك بصراحه يمكن لا فتحو صدره ما يلقون قلب
حسبي الله ونعم الوكيييييل
بهالحاله مالها الا الطلاق حبيبتي تتغربل بكلمة مطلقه ولا كلمة مريضه بالايدز ينقلها المرض ومو بعيده يتبلى عليها لانه يعاشر حريم كبار يعني لهم سوابق وأكييييييييييييد مو خالين من الامراض
خل تتطلق وتطلب من الله يعوضها مو حاله هذي

 

[Kensington]

الله يعينها علي هالحياه

 

[ياغفور اغفر لي]

عليها بالدعاا وترا هذا مرض يعني ماينضحك عليه
شي مشا بدمة ترفع ايدها للواحد الاحد وصدقيني ماراح يردها خايبه
مو من اي مشكله نهتز ونطلب الطلاق لاا لازم نصبر ونجتهد ونثابر ليما نوصل للي نبيه
والله في حريم اصبروا ع ازواجهم سكر ومخدرات وفقر وزنى وسبحان الله بالدعا الله بدل حالهم الى مطاوعه
وملتزمين

 

[ياحُبِي لِلكويت]

لاحول ولاقوة الا بالله ,,,,,,,,, شنو حياته هذا الله يهديه ,, بعد الكل يدري هاذي مصيبه الزوج يعاني من شي موطبيعي

 

[جذابه بنت ذيابه]

حبيبتي الذنب عليه


واهم شي تدخل ابوها واهلها بالموضوع ..




ولا تخليه يقرب صوبها دامه جذي



والله يعينها ويهديه يارب

 

[سارووونه22]

الله يعينها

 

[AL-DMERA]

المشكلة والدها رافض الطلاق وايد تتهاوش معاه
على السالفة هذي مره يقولها انا احب النوعية هذي
ومره يقولها انا مستفيد اهما غنيات وانا داش طمع
ومره يقولها شحارج هذيلا كبار موصغار اذا صغار احتري
شنو الحل معاه

ما شاء الله عليه يعترف ولا يستحي على وجهه ,,
لو يحبهاآ عالأقل انكر قال شي تأسف هذا مستمر وموناوي يتووب ,,
وما شاء الله عليها اهي بعد اللي يقولها هالحجي ومتقبله تقعد معاه ,,
لاتتطلق بس عالأقل خل تروح تزعل عند أهلها لاتقربله هذا زااني يمكن فيه مرض شلون ماتخاف على عمرهاآ ,,
وعليهاآآ بالدعااء والاستغفار وربي يهديه ويصلحه ,,
لاعت جبدي :eh_s(4): ( فيه حريم بالخمسين يسوون هالسوالف !!؟ معقوله كويتيات !؟ )

 

[دلوعة صلوح]

لا حول ولا قوة الا بالله يعنى هذا مالة الا حل واحد يقلب ويهة بلى مايحفظة .

 

[المها الابيض]

استغفر الله واتوب إليه
وهي شمقعدها عنده ؟ لهالدرجه متمسكه فيه

 

[شادن33]

أعوذ بالله والحريم الكبار شيبون بعد !!!يالله حسن الخاتمه استغفر الله
الله يهديه يارب عليها بالدعاء هذا بلا بعد

 

[كربون امها]

:eh_s(17)::eh_s(17)::eh_s(17):

 

[انثى عاشقة]

هذا يجاهر بعد بالمعصية بدون خوف
كل امتي معافى الا المجاهرون
حسبي الله ونعم الوكيل فيه
الله يفرج همها كسرت خاطري بس لازم تتصرف مو تسكت له
متمادي الله لايوفقه ​