كريم اولاي بلمسه كريم اساس ماكس فاكتر

[Only version]

صباحكم ورد
ياكثرر اسئلتي كل شوي ناطه بسوال بس فديتكم عارفه مالي الاانتو
بنات احد سمع بهاالكريم

كريم اولاي بلمسه كريم اساس ماكس فاكتر
ويصلح للاستخدامي اليومي بالبيت ولاياثر يعني يتعب البشرة مثل كريم الاساس؟​

 

[• JoJo •]

وااي شكله روعآ


اول مرة اسمع فيه الصراحه

 

[مغيب الشمس]

اولاي وماكس فاكتر اكيد حلو والله شوقتيني عليه
ان شاء الله اللي جربته من البنات تحط تجربتها

 

[Qatar 2022]

بصراحه انا ماعجبني
ماجربته كـ استعمال يومي
لكن انا خذته على اساس ان فيه لمسة كريم اساس وينفع للطلعات الخفيفه
طلع مامنه فايده ابد ومايغطي ولا شي ولا يعطي لون خفيف حتى انج حاطه كريم
خليته كـ مرطب قبل الميك اب ​

 

[ميموووورااا]

8
8
حساااااافه والله توقعته وااو

 

[Only version]

بصراحه انا ماعجبني

ماجربته كـ استعمال يومي
لكن انا خذته على اساس ان فيه لمسة كريم اساس وينفع للطلعات الخفيفه
طلع مامنه فايده ابد ومايغطي ولا شي ولا يعطي لون خفيف حتى انج حاطه كريم

خليته كـ مرطب قبل الميك اب ​

:eh_s(16)::eh_s(16)::eh_s(16)::eh_s(16)::eh_s(16):يؤؤؤؤؤؤؤؤؤتحطمت مدري ليه تحمست له
مشكورة حبيبتي على تجربتك افدتيني

 

[رشيديه كووول]

انا جربته غامج حيــــــــــــــــــــل ما ينفع حق البيض والحنطيات مع اني ماخذة افتح شي

 

[Natural]

^

اممممم اللي شفته انا بس درجتين الفاتحه والغامجه

الفاتحه مناسبني بالضبط بس انا ماني بيضا حيييييييييييييييييييييل والغامجه حق السمر

هو ينفع حق اللي بشرتها مافيها عيوب ابد ويرطب بس مايغطي ابد ..!

حاله اي مرطب يعني بس فيه لون بسيط وذوات البشره الدهنيه بتدهن بشرتهم عادي مثل كل مره

تراه عادي لكن مُريح انا اشوفه وإذا بشرتج غير عن اللي قلته يعني لا تاخذينه لأنج ماراح تستفيدين منه بشي .!

:eh_s(7):

 

[SaRaH - KHOBAR]

الصراحه ---- ما يستاهل ----- اقل من عادي ----- لا تغطية ولا ذاك الثبات ------ اخذت الدرجتين للمعلومية ---- انا حنطية واخذت الدرجة الغامقة على اساس ان الدرجة الاولى "المفروض" للي بشراتهم حيل فاتحة ----- طلعت الدرجة الغامقة غامقة ما تمزح ----- يوم رجعت واخذت الدرجة الفاتحة طلعت اغمق مني بدرجة ----- يعني ما نزلو الا درجتين وتنفع للحنطاويات من قلب ------ هذا بالنسبة للون - بالنسبة للثبات طبعا موو شي ------ بسرعة يدهن ----- لازم تعديل بالبودرة على طووول ----- مادري حسيته عاااادي جدا ما يستاهل التجربة للأمانه وهذا الكلام عن تجربة مني شخصيا وقد اللي ما يناسبني يناسب غير

 

[Only version]

فديتكم كويتيات عالافادة قلتها مالي غيركم وجبتوة خبرة الاكيد كنسلته وطلقته بالثلاث
وكله كوم وان درجته غامقه ماتمزح ضحكتني مووووووووووووووووت بس جدمعبرة
تسلمون ياعسل

 

[هواجيس الفجر]

اول مرة اشووووفه والله

وين ينوجد بالجمعيات !!

 

[الفدنه]

ماجربته
وتجاربكم ماتشجع

 

[ميشووو]

اشووه اني ما اخذته >> عاد اليوم حيل تحمست له

 

[غلا الأيام]

عاد حسافه شكله يشووق

 

[ديمــــــــــه]

وعوووه وربي موب حلوو

بالنسبه لي عالاقل امكن ناسب غيري

بس حبيت اقولكم تجربتي

ويسلمووو ياعسل

 

[Sparkle]

انا جربته غامج حيــــــــــــــــــــل ما ينفع حق البيض والحنطيات مع اني ماخذة افتح شي

نفس رايي وااايد غامج وزوين بس مو وااااو كلش يعني يمشي الحال بس ما أفكر أشتريه مرا ثانيه

 

[Sparkle]

اول مرة اشووووفه والله

وين ينوجد بالجمعيات !!

في بعض الجمعيات تبيعه شفته اخر مرا عند مركز سلطان سوق شرق صوب الشامبوات عند كريمات الويه ملووت Olay وصج نسييت أقوول يدهن صج موو حلو

 

[ترف بابا]

حبيبتي الزين صنع انجلترا (( كنت استعمله روووووووووعه)) كانه بشرتج !

واحنا اللي عندنا بترخيص صناعته سعودية

والاصلي الزين اللي فيه لون خفيف - احسن من اللي عرضتيه - مقطوع من زمان

شفته بسوق السبت ( بلندن )وخفت لا شتريه لان المحل حيل رخيص وشكيت قلت يمكن مزورين التاريخ

لان ماشفته الا بهالمكان

اللي عرضتيه مثل اي كريم اساس ( بس من تجربتي مو حلو كلش )

 

[@ DLOO3TAH@]

أأب

 

[مسك حياتي]

عاد شكله حلو ...

يعطيج العافيه ...