كريمة الهيل والزعفران

[ماكو اسامي]

غلا فهد

كرمل بس مو صوص جاهز انتي تحرقين السكر


مرق تفاح
الكرمل للكريمه كوب سكر وملعقتين ماء فقط وشوفي هالصوره فيها طريقة حرق السكر والاهم لونه الاشقر مو الاسود

طبعا الكرمل الجاهز ما ينفع لانه طري وغامق مع الطبخ يعطي طعم مر وعشان جذيه ما تحبونه بس لاحظي كريمتي وهي مقلوبه لونه ذهبي والنقط اللي فيها سوده من حثال الهيل لانه يترسب


كريمتج تكون جامده الله يهديج مافيها سوايل كفايه يعني بيضتين بس على كوبين حليب جامد ؟
انا ما استخدم الا حليب التموين لانه يشدها




تطلع فقاعات طبيعي لان فيها بيض والخل لانه يمحي الزفره لاني احط بيض وايد واضمن ما تزفر

ضربها بالخلاط اليدوي افضل لانه يدخل لها هوا زين يرفع البيض ويخليه هش

غطيها زين وهي بالفرن وبتنقلب لو الكرمل زين ومضبوط طلعيها بره 10 دقايق بعد ما تبرد حيل وبالسكين بس حرري الاطراف رجهيا نتفه بتلقينها تلف بالقالب يعني حره سمي وقلبي

اي سؤال عيوني

غلا فهد ياريت استفدتي

 

[مرق تفاح]

مشكووره يا قلبي وتسلم لي عيونج

كريمتج تكون جامده الله يهديج مافيها سوايل كفايه يعني بيضتين بس على كوبين حليب جامد ؟
انا ما استخدم الا حليب التموين لانه يشدها

لا امبلى فيها سوائل احط لها كوبين ماي:cxxxp:

س2: كل ما اسوي كريم كرمل بالفرن لما اجي اقلبها ما تنقلب معاي تصير جامده تهقين ليش؟؟؟؟
وانا استخدم هالمقادير
2 بيضة
2 كوب ماء
2 كوب حليب ناشف وساعات كوب ونص
فانيلا
كوب ونصف سكر

ومشكوووره وااايد على طريقة تكرمل السكر ان شاء الله بجربه ولو اني خااايفه:cxxxp: احس بتصير مصيبه
الا بسالج كاني سمعت انه لازم اخصص جدر خاص لحرق السكر ,, لانه بعد ما احرق السكر الجدر راح يعني يخترب ويتغير لونه ,, علشان جذي لازم اخصص جدر خاص للسكر ,, صحيح هالشي؟؟؟

وبسالج شكثر تتم هالعمليه ؟؟؟ وشلون النار ؟؟ هاااااديه ؟؟ شكلي بخليه اوطى شي علشان لا يحترق:cxxxp: ولازم اظل حركه بالملعقة كل شوي؟؟؟

مشكوووره حبيبتي وايد وايد والله يجزاج الف خيير ,, ويحققلج كل اللي في بالج عاجلا غير اجلا يااارب:tek:

 

[غلا فهد]

ياحياتى انتى ماقصرتى ويعطيج العافية ويجعلة فى ميزان حسناتك ويرزقك من حيث لاتحتسبين

 

[الحلوة محد يردها]

تسلم أيدج

 

[ماكو اسامي]

ويسلم المرور الحلو
مرق تفاح
لا مايبيله جدر خاص لو ما حرقتيه اسود واسم عليج من المصايب ثاني شي لما تطبخين سمي بالرحمن اكثر من مره عشان لا يجي ببالج الشر او انج بتفشلين بالطبخه
الجدر عادي بعد ما تحرقين او تكرملين فيه السكر ينقع بماي ساخن وبعد ربع ساعه تلقين السسكر اللي كان لاصق فيه ساح ولا جنه فيه شي
النار عاديه بس لما يبدي يتلون ويكتل السكر هدي النار عشان يتلون بشكل متساوي
توكلي على الرحمن ما منه خوف ولو فشلتي مو مشكله ياما حرقناه وتلعوزنا

 

[رقي]

هذي البه
اتينن تسلم ايدج

 

[ماكو اسامي]

ايه يا قمر
وبالعافيه يارب

 

[مرق تفاح]

يابعد عمري تسلمين على نصايح يالغاليه ,, ان شاء الله بحطها ابالي دوووم وانا اطبخ :tek:

طيب ما عليج امر ممكن اطلب منج طلب ؟؟ :tek: بالنسبه لكيكة الاوريوو البسيطه ,, للاسف الصور اللي يموضوعج انمسحت ,,ونفس الشي اللي كانت بمنتدى بنات حواء انمسحت للاسف ,كان ودي اشووف الخطوات :0bee2e8d89: اذا كانوا عندج للحينج محتفظه فيهم ياريت تعيدين تنشرين الموضوع من جديد لان الصراحه احسها هالكيكه روعه وما خذت حقها ,,,, او لو ما حبيتي تنشرينه مره ثانيه حاولي ترسليلي اياهم بخاطري اشوف الخطوات لاني شفت النتيجه النهائيه كانت روعه ,, بس ما شفت الخطوات


وسؤال بعد : بالنسبه للمقبلات اللي سويتيهم مره اللي فلفل محشي بجبن ومغلف بالباستري ,, بس بسالج اي نوع باستري استخدمتي؟؟؟ المربعات الصغيره ؟؟؟ نفس السمبله ؟؟ والا شنو ؟؟؟؟ ما اتوقع المربعات الصغيره لانه جنه حسيتهم طوال شوي !!!!,, ويحتاج ارق الباستري قبل الاستخدام والا لا ؟؟؟؟

جزاج الله الف خير حبيبتي ما تتصورين انا شكثر قاعده اتابع مواضيعج وقاعده استفيد منهم وايد والله يجعله كله بميزان حسناتج ياااارب ,,,,,وان شاء الله بسوي وايد شغلات من اكلاتج بشهر رمضان:tek:

 

[بنت الفقيد]

تسلم ايدج يا حلوووووووووووووه

 

[ماكو اسامي]

يسلمكم ويعافكم يارب
مرقه تفاح
كيكة الاوريو موجوده هني سوتها الاخت كيت كات بحثي بمواضيعها بتلقينها هي عندي بس لانها قديمه محفوظه بسي دي ومو عارفه اي واحد والله


باستري الفلفل
انا استخدم الكرامه او امريكانا بصراحه اكثر شي والسنبله اللي قرجطاسها اسود لو مالقيت غيرها لانها انشف نوع فيهم


الشريط ارقه نتفه والمربعه اقصها 4 شرايط واستخدم لحبةى الفلفل شريطين الصقهم ببع بالبيض وشرط مكان اللصق يكون تحت الفلفل عشان بالخبز وهو ينفخ ما يفج ورشيها سمسم بعد ما تندهن البيض والحشو جبن اي نوع وايضا لحم مفروم ناعم اللي تحبين
واي سؤال عيوني يا قمر

 

[مرق تفاح]

مشكوووره حبيببتي ما تقصرين والله ,,
وبالنسبه لكيكة الاوريو انا شفت موضوع الاخت كت كات,, وكيكتها طلعت تهبلل ماشاء الله تبارك الرحمن ,,, بس كان ودي اشوف الخطوات ,, بس يله مو مشكله ,, الحقيقه شرحج اللي شفته بموضوعج وردودج على اللاخوات ساعدني اني افهم
تسلملي عيونج

 

[ياشايل الظبى]

تسلم ايدج ريحه الهيل والزعفران واصلتني ، بغيت اسألج عن الشيره حقت الكريما شنو مقاديرها

 

[ماكو اسامي]

هلا والله بالطيبات
مرقة تفاح لو سويتها اصورها لج بالتفصيل الممل


الكرمل
كوب سكر وملعقتين ماي يا تارجيت
وحياج

 

[جنان الورد]

يعطيج الف عافية بس بغيت اسأل انتي كاتبه
تكوني سويتي الكرمل بالقالب انا اصبه واغطيه بقصدير وانزله بجدر كبير فيه ماي ونقطة خل عشان مايسود الجدرواغطيه واخليه عهلى الغاز 30 دقيقه نار فوق الهاديه شوي وبس ابردهاواقلبها للتقديم

انا فهمت المقادير واخلطها عدل بس ...
اي كرمل تقصدين وسوري لان قليله الاستيعاااااااب

ويعطيج الف عافيه

 

[ماكو اسامي]

الكرمل بالصغحه اللي قبل هذي شرحته
وهو كوب سكر و2 م ط ماي نكرمله ونصبه بالقالب ونبرده قبل لا نحط عليه الكريمه

واسم الله عليج من قلة الاستيعاب

 

[حصوص الكويتية]

سلملمويم يم يم اممممممممممممممممممم

 

[moody-q8]

<==================ماقرت المقادير ليما الحين بس الصووووور تييييييينن

امبيه طاحت زعابيلي بروح اسوييييييهاااااا


تسلم ايدج

 

[زري منثور]

تسلم يدينك خيتووووووووووووووووووو


والله ينولك اللي تتمنيه عاجلا يارب

 

[srsr]

تسلم ايدج حبيبتي اكيد حلوه منج

 

[ماكو اسامي]

الف عافيه يارب
حياكم الله