كرهت نفسي وكرهت الناس والسبب ؟؟

[كول سلو]

اول شي لاتعتبرون كرهي يأس لاوالله ما ييأس الا الشيطان وانا عندي امل كبير



بس ودي افضفض لكم في اشياء وايد بقلبي


بنات احنا كل يمعه عند بيت يدتي وهناك حريم خوالي وخالاتي وبناتهم كبار متزوجات المهم تخيلوا توني يايه بقعد قبل ورا كلمة شلونج ( ها ماكو شي بالطريج ") توني سارلي سنه وجم شهر بسم الله لو خمس سنوات شلون بنات انا بطبعي حساااااسه وبسرعه اتضايق ويبين علي واذا حسيت ان احد بيسألني احاول اطلع من الموضوع:eh_s(2):


والاسبوع قلت حق امي خلاص انا ماراح اروح معاج يمعات نفسيتي تعبت اذا رديت عند زوجي بالليل يبين علي بسررعه ويحلفني شفيج متضايقه :eh_s(11):

حتى عروس ماروح ياربي شسوي هالشي مو بيدي باذن رب العالمين زوحي عنده ضعف وانا حتى امي ماقلتها خوفا على مشاعر زوجي والحين الحمدالله يتحسن عدد الحيونات المنويه عند ريلي الله كريم يااارب

بنات في احد نفسي اذا سألوكم شلون تسكتونهم انا خلاص بيت خوالي ويدتي ماروح الا قليييل كرهت شي اسمه

ماكو شي بالطريج يارب رحمتك :yaaaaaarb:​

 

[غزل بنات]

انا نفسج صارلي سنتين ودايم يسألوني او يسألون امي ولا خالتي بس لما يسألوني اقولهم لا طبعا يقولون ليش

ماليش مارحتو طبيب اقول مافينا شي من الله وتو الناس علينا جذي يسكتون

 

[*ماي الورد*]

مريت بنفس شعورج الله يعينج
عليج بالالحاح بالدعاء و الصدقة حتي يفرج الله عليج همج

 

[ام عزايز]

رد : كرهت نفسي وكرهت الناس والسبب ؟؟

عادي حبيبتي الله يرزقج 000انشالله

اناقبل نفسج كنت اتضايق بس الحين الحمدلله كل اللي يسالج 00قولي الله كريم000وخليج ريلاكس لان هذاياثرعالهرمونات

 

[LeeMa q8]

حبيبيتي انا لمن يقولولي اقولهم الله يكتب الي فيه الخير ااو متى مابعي يجي بيجي ودايما الله كريم واسكتهم
ردي لا تستكتين

 

[أميره الـ غ ـيد]

‘،


لي سنيين واهم نفس الحاله كل ماشافوني ها بشري << يعني بكون حامل وبسكت مثلآ

مايرحموون حالنا

..


انتي ماعليج قولي انا وزوجي متفقين واللي كاتبه ربي بيصير

خلي جوابج رسمي لاقالو تعالجي وجذي ..

الله كريم وابتسمي


،‘

 

[رمز الموده]

والله يااختي انا زوجي عنده انعدام بالحيوانات المنويه ومع هذا صابره وبظل صابره

شنسوي هذا ارادة ربي وماعليها اعتراض الله يرزقنا


واذا عن الناس الحين المشكله ماسارت بالناس العاديين حتى الناس اللي قبل كانت لهم تجربه بتأخر الحمل ساروا اول مايشوفون احد متأخر يقولون شنو السبب يوبااا انتي مريتي بالتجربه حسي باللي قبالج كلش سارت ناس بدون احساس الا من رحم ربي

 

[قاهره عذالي]

رد : كرهت نفسي وكرهت الناس والسبب ؟؟

لا يبه

لا تحكرين عمرج

شنو انتي مسويه عيب والا جريمه انج ما حملتي

شسالفه

حريم عقب سنتين و3 سنين يالله احملوا وجابوا جهال ورا بعض

عيني خير

قولي لهم اراجع وان شاء الله خير

 

[جديده 1]

رد : كرهت نفسي وكرهت الناس والسبب ؟؟

بالعكس قولي الله كريم مافيها شي والله

كثري من الاستغفار و الصلاه و الصدقه .. ريلج سمعت عن عسل الفايز للرجل والله حيل يمدحونه !!
وانتي بعد حبوبه كل بين فتره و فتره فحصي نفسج عشان كلكم تصيرون اوكي و ربج يفرجها عليكم .. بعدين بسم الله توكم ما شاء الله سنه يعني ماعريس شهالناس المطافيق !!

انتي حللي للغدد و الهرمونات مثل هرمون الحليب .. و تقدرين اتسوين اشعه الصبغه عن سدد لا سمح الله .. موفقه يااااارب

 

[So MuCh PaIn]

رد : كرهت نفسي وكرهت الناس والسبب ؟؟

كلام الناس وايد و ملاقيف طوفي عادي انا مريت باللي مريتي فيه و أخس و عيشي حياتج انتي وريلج و لا تكدرون حالكم قد ما تقدرون لانه هالشي يأثر عالحمال و يأخره حبيبتي انتي وصدقيني متى الله ماكتب راح يكون وانشالله نفرح فيج قريب

 

[@ام يوسف@]

رد : كرهت نفسي وكرهت الناس والسبب ؟؟

اب اب

 

[sara81]

حبيبتي وسعي صدرج خلي اذونج من طين

حمدي ربج انتي سنه ونص شاقول عن نفسي 6 سنوات والحمدلله على كل حااال

والله يرزق كل محرووومه يأأأرب

 

[ام ريتاج.]

رد : كرهت نفسي وكرهت الناس والسبب ؟؟

عادي ياقلبي قولي الله كريم ربج كريم الله يرزقج ويرزق كل محرومه وفرح قلوبكم ااامين:yaaaaaarb:

 

[نكهةالبرتقال]

أنا الحين داخلة في السنة الثالثة و عادي - الناس اقولهم ادعولي - و بس ما يضيق خلقي و لا شي - اللي قصده الرحمة فالله ارحم فيني منه و اللي قصده الشماتة فمثل ما يقولون العياب عند الباب " لا تظهر الشماتة على اخيك فيعافيه الله و يبتليك "

هذا حكم ربنا علينا - اهو أخرنا لحكمة و اهو اللي راح يرزقنا


قولي آمين - ان شاالله ما تكملين سنتين إلا و أنت يا حامل يا عندك بيبي- اللهم آمين



الله ما يضيع عبده المؤمن - س خلي ايمانك قوي

 

[عروق التوت]

الله يرزقك وان شاءالله تبشرينا
بس سنه شويه توك عروس
انا صارلي خمس سنوات بس الحمدلله ماعندي ناس مطافيق
الكل يدعيلي
لان لو صار حمل اكيد بقول ماراح اسكت لان الكل يحاتينا وبيفرح فينا

اصبري وادعي وتوكلي على الله

 

[ترووفه]

وووي


انا خلاص صار عندي منااعه


نحااول نمسك نفسناا مانقدر


النااس اعوذ بالله تحسسج جنه فيج مرض اعوذ بالله


مايراعون المشااعر


خلاص ماحملت


وشفتوا انهاا طولت فوق السنه

ممكن في مشكله وتعالج ونفسيتها تعبانه طالعه تغير جوو


لااا

لازم يخربون عالواحد جووه


انا بعد سنه من زوااجي كنت نفسج اتضايق وابجي

بس بعد ماصار لي سنتين وبدخل با3 سنوات

صار عندي منااعه


ووكلت امري لله

واحرجهم اقوول الله يرزقنا يارب

الله يسمع منكم


ويسكتون ويدعون


في ناس تسال تحبج وتبي تفرح لج وناس تسال ماتحبج وشمتانه


حسبي الله على الظالمين


والا ليش

الله يسامحهم


ربي ارحم ضعفناا وارزقنااا



حاولي تقوين نفسج ياقلبي

انا والله كنت نفسج

بس الحين لااا


احاول اني مااتاثر بالناس وكلامهم


واحط الله جدام عيوني

 

[قايد الزين]

رد : كرهت نفسي وكرهت الناس والسبب ؟؟

نفس المشكله بس الله يرزقنا جميعا عاجلا غير اجلا
ياكثر اللي شمتو فيني بس الحمدلله ربي يحاسبهم صدقيني خيره لنا والله كريم عليج بالدعاء

 

[شوتايم]

الله يرزقج ويرزق كل محرومه يارب

والله ادعي لكم من كل قلبي لاني مريت بمثل حالتكم

 

[فاطمه اشكناني]

رد : كرهت نفسي وكرهت الناس والسبب ؟؟

امبيه والله نفس حالتي انا بعد جذي كل الناس تقولي معني صغيره توني 21 وصارلنا سنه و5 شهور متزوجين وزوجي عدد الحيوانات عنده ضعيفه كل ما اروح مكان ها مو حامل (يبين من ويهج ) اقولهم والله مو حامل واذا حامل والله اقولكم والله انه حتى الخدم يسألوني انتي ليش مو حامل ماما
والله ويذكروني انا احاول انسى بس الناس وكلامهم ما يرحم كل مكان بالدوام بالبيت كل مكان

 

[الأمل باقي]

يبا هذولي الناس يتكلمون بالمعقول والغير معقول... اشرايج انا ثاني يوم عرسي مو ثاني اسبوع لاااااااااا ثاني يوم الحريم يدقةن على امي هاااا ماحملت بنتج........ بسم الله الرحمن الرحيم ... اعووووووذ بالله من هالناس

الله يرزقج ياااارب وماعليج منهم روووحي واستانسي واذا اسألوج قولي لاااا تو الناس نبي نستانس لاحقين على غثا اليهااال