كرهت شي اسمه خدم !!!!

[in style]

بنات ملييييت و تعبت منهم اللي قاعد يصيرلي غريب



مابقى جنسيه ما جربت ايييب و ارد ايييب و ارد و هذي حالتي المشكله مو مني قاعده اعاملهم احسن معامله


يا اللي تييني و فجاه تقوللي مابي يهال او اللي تييني و تقوللي اهيا شروطها جنا اهيا المعزبه ويا توافقين او بمشي



جد جد ماني عارفه شسوي محتاجه بس مو قادره احصل وحده زينه و الحين من تييج وحده بس ما عجبها موقف واحد قالو رديني شفيهم صارو جذي


بنات شورو علي شسوي مشكلتي محتاجه و بالذات حق يهال مو تجابلهم عالاقل مساعده شييب ؟؟؟؟

شلون الخدم يتمون سنين انا كل جم شهر مغيرتهم من فعايلهم معني واايد اطوف شلون :eh_s(2):

و اي جنسيه و اي مكتب؟

 

[بلبله سعوديه]

ايه والله حتى انا تعبت بس الوحده محتاجه لهم وبالذات لو كانت موظفه وبيت اهلها بعيد عنها وحمولتها مالهم خلق نفسهم هالدور يربون عيال والله يا خواتي قاعده اعاملهم معامله ترضي الله قبل ما ترضيها بس انتي لو منجد محتاجه لهم لازم تمسكين اعصابك وتتحملين رفضهم يعني مو مشكله انتوا في الكويت عندكم مسترجعات يعني ترجعين وحده وتستلمين وحده بس استخيري ربك عسى يسخلك وحده على قلبك وتصبر والله يوفقك

 

[zaina alotibi]

الله يعينج هذي معاناة اغلبنا مافي خدامة مثل الناس والاوادم
بس تدرين احنا بحاجتهم لازم نستحملهم شنسوي بعد
مو على حسب المكتب صدقيني حظ نصيب اهم
حق اليهال انا براي الفلبينية ذربة ونظيفة وهادية بس لازم تعطينها حقوقها وفوق حقوقها وتتحملين دلعها

 

[@ام يوسف@]

الخدم شر لابد منه وحنا الضحيه

 

[عزة وكبرياء]

نفس حالتي اذا لقيتي الحل قوليلي تكفين انا مليت منهم ومن تصرفاتهم ومن دلعهم مادري شسوي وشنو اييب جنسية المشكلة عندي يهال وأنا أهم شي عندي عيالي وابيها تكون زينة معاهم ياربي شنسوي :yaaaaaarb:​

 

[ام زينه المطيري]

نفس المشكله خواتي المشكله با الخدام يبون بدل يشتغلون ندلعهم بس شنو نسوي بس انا عن تجربه كنت ما احب له الاندونسيا الحين رضيت اي شي بس اكيد اهم شي النظافه عس الله يرزق الجميع خدامه سنعه نفس قبل موالحين

 

[صدى القلب]

انا اشوف الخدامه تكون كبيره تصلح للجهال لانها تكون حنونه علييه


والحين استغفر الله قامو يتدلعون علينا وشروطهم تبط الرااس واسعارهم بالعلالي

ونصييحه لاتاخذين مسترجعاات ترااهم بلاااوي


وان شاء الله نحصصل خداماات زينييين وصج ترى حظ ونصييب صارو الخدم

 

[in style]

مشكوريين بنات شنو تنصحون بمكاتب عن تجربه

 

[ღ..عشق ميمون .ღ]

اي والله صاجه الله يعينج
انا توني مقدمه ع طلب وعندي وحده جديده اثيوبيا والله شغيله بس للحين ماتعرف واعلمها
خذيتها من مكتب شريده بالفحيحيل انتي جيبي وحده جديده وعلميها بنفسج لاتاخذين وحده مشتغله لانها مجربه وشبعانه نصيحه ​

 

[in style]

مشكوره عشق ميمون

 

[FJoR ~]

مشكلتج تعطينهم وجه و تخلينهم يتشرطون

الخدامه ما تشيخ

ما اقولج زفيها لا

بالنص اذا اغلطه زفيها بس مو خناق طبعا

و اذا ما غلطت لا تزفينها و اول ما تجي لا تشيخينها

خليها تعرف انج اذا سوت غلط ما تسكتيلها

و لا تعطينها وجه اقولج للمره الثانيه لا تشيخينها

لا تشيخينها

 

[*ماي الورد*]

لا تطلبين وحدة مشتغلة
اخذي وحدة يديدة على عماتها

 

[تالي الصبر]

والله الخدامات حظوظ
الله يعينج ويرزقج بالخدامة الزينة ..
​

 

[كويتيه مذهله 87]

نصيحه مين لج لا تييبيين مسترجعه غلط غلط
ييبي يددددديييده

والاحسن فلبينيه بس كبيره بالسن بالهم طويل ونظافه ويحبون اليهال وانا افضل المسيحيه

 

[in style]

fjor صاجه انا اعطيهم ويه بس مو حبا فيهم عشان اليهال

ماي ورد انا مااييب مسترع ياكفالت مكتب يا طلب

تالي الصبر اميييييين مشكوووره

كويتيه مذهله تصدقييين اغلب اللي يبتهم فلبن تخيلي توني يايبه مربيه تقولي مابي ياهل لووووووول استخفوا قتلها ليش عيل كاتبه مربيه ؟

 

[كويتيه مذهله 87]

fjor صاجه انا اعطيهم ويه بس مو حبا فيهم عشان اليهال

ماي ورد انا مااييب مسترع ياكفالت مكتب يا طلب

تالي الصبر اميييييين مشكوووره

كويتيه مذهله تصدقييين اغلب اللي يبتهم فلبن تخيلي توني يايبه مربيه تقولي مابي ياهل لووووووول استخفوا قتلها ليش عيل كاتبه مربيه ؟

امبيه اي والله ليش كاتبين مربيه لوووول
انا جربت جميع الجنسيات ارتحت حق الفلبينيه بس كبيره بالسن انا عمر خدامتي 45 بس الي يشوفها يعطيها اكبر من عمرها يمكن مزورين بالعمر بس انا قلت مافيها شده علي الشغل بس ماشالله عليها لووول حركيه مو احنا 23 و30 سنه مكسرين

 

[الرعد الصامت]

ياعمري انتي اجل لو تشوفين وش منتشر عندنا بالسعوديه الهرووووووووووووووووووووب واذا ماهربت سوت مصيبه اما تكلم واحد ولا تسوي شي بالعيال ياويلي على بلاويهم ماتخلص لذلك قررنا نشطب على الفلبينيه والاندنوسيه اما نيباليه او سرلانكيه يازينهم مايعرفون شي

 

[in style]

كويتيه مذهله تصدقين عاد انا من اشوف كبيره اقول مابيها اكيد مافيها شده بس هالمره بآخذ شورج و اجرب مشكووره :*

 

[كويتيه مذهله 87]

حتي خدامه امي فلبينيه وكبيره بالسن ماشالله شايله البيت شيل من ايي للزوواره تاخذ ولدي تموت عليه

هي شافت خدامتي وقالت بييب فلبينيه تشجعت

لان اول مره تجرب الفلبينيه

والخدم حظوظ ومدام انتي متعلمه علي الفلبن جربي الكبيره وادعيلي واحسن شي مكتب الدخنان مضمون وشغالاته تووصل بسرعه

 

[غموض الصمت]

اللـه الـمـسـتـعـان