كرهت حياتي من عيالي استغفر الله ياريت تساعدوني

[*الأثــــــــير*]

مرحبا خواتي
اولا بقول مشكلتي انا عصبيه حيل وما اقدر اسيطر على عيالي كلش واذا ازعجو على طول اضربهم لان مع الازعاج يجيني صداع قوي بس الحمدلله حاليا الصداع خف
ومشكلتي ابي حل مع عيالي لان صج كرهت حالي وزوجي وكرهتهم وحتى مو مفكره اجيب عيال خلاص استغفر الله

نجي لولدي اللي عمره 6 سنين عصبي حيل واذا يبي الشي ومصر عليه وانا رافضه لازم يرفع صوته ويعصب ويضغط على ايدينه وحيل مايهتم ولايبين شعوره ويتبول تكرمون بالليل ومايهتم باخوانه لو احد ضربهم اللي حوالينه من عيال عمه اللي بعمره يهتمون حابه اغيره للاحسن بس عجزت وفوق هاذا يرفع صوته علي وحتى لمن امد ايدي يحاول يمد ايده


وولدي الثاني عمره 4 سنين حنون حيل علي بس ذبحني بالعناد عنيد حيل اذا يبي شي يحن حيييل فوق راسي واذيه محد يستحمله كلش يضرب البنات والعيال ومايستحي ويقول كلمات سب وحاولت اوقف هالكلمات وما قدرت ودخلته روضه وزاد شطانه وميال للبنات اكثر يلعب معاهن وحتى حركاته يمشط شعري وحتى طريقة كلامه يقول انا خوافه وهالولد تعبت معاه مو قادره اصبر عليه وحتى مرات يضرب اخوه اللي عمره سنه ومره خانقه

اتمنى تساعدني والقى حل عندكم والله يجزاكم خير من كانت نفسي وقدرت تسيطر على عيالها
مع العلم اني حيل امسك نفسي قبل لاضربهم ومو عاجبني اني اضربهم بس شسوي حيل ينرفزون
خلاص ماعدت اتحمل والله اني مرات ابجي يكسرون خاطري حتى صار روتين يومي لازم خناق بسبب انه يتهاوشون مع بعض وماما شوفيه وماما شوفيه ملييييييييييييييييت

 

[Shop Girl]

الله يعينك يفيدونك البنات
انتي بس عندك ٢؟
مشالله ثنين بس واحد بعمر الروضه والثاني بالمدرسة المفروض تكونين مرتاحه

 

[مسك اسود]

الله يعينج عندنا وعندج خير
اكثري من الاستغفار وادعيله بالهدايه والصلاح محد مرتاح كلنا تعبانين من عيالنا والام هي اللي متحملتهم والابهات جن الموضوع ما يعنيهم ولا جنه هذيله عيالهم
جربي تطلعينهم بر او اي مكان يحبونه علشان ما يظلون يحنون فوق راسج وشوي يبتعدون وترتاحين منهم

 

[زين ودلال]

الله يعديهم ويصلحهم

حاولي تطنشينهم

غيري معاملتج معاهم راح يتغيرون

لانهم تعودوا على اسلوبج صارت هذي ردة فعلهم

حاولي تغيرين حتى لو منضغطه حيييييييييل

اذا صاروا مشاغبين كلميهم بهدوء قوليلهم خلاص سكتوا حبايبي

وبس لا تكلمينهم مره ثانيه

جربي تزعلين عليهم

كلميهم حاوريهم قوليلهم هذا الشي يضايقني

 

[نـعـومـه]

وديهم عند اخصائيه نفسيه

 

[*الأثــــــــير*]

مشكورات وماقصرتو وكل اللي قلتوه جربته العقاب التطنيش الزعل مانفع اخرتها قررت اوديهم اخصائيه نفسيه وللحيين متررده

 

[معزوفه حنين]

الله يعينج والله

وديهم تحفيظ قران وخليهم يصلون بالمسجد مع ابوهم

صدقيني راح يتغيرون ١٨٠ درجه

 

[om MaRyooM]

وي الحمدلله عندج بس 2 .. عيل اذا 4 ولا 5 شتسوين .. ههه

الله يخليهم ويحفظهم


حبيبتي لاااابد من هالازمة

انا عندي بنتين وردتين .. مطلعيلي قروووووووون
من قال التربية والامومة سهلة ؟؟؟؟؟؟؟؟؟




الحل


الصبر
تعرفين شلون تتصرفين معاهم بحكمة
الهدووووووووء
الدعاء لهم والله يصلح حالهم
وبس

 

[M!SS.LOBY]

الله يعينج

 

[حظ من عنده انا]

الله يعينج

الهاادي الله


ادعي ان الله يهديهم ويسخررهم لج

وشوفي اسلوب القصص اذا ينفع معاهم قصي لهم قصص مو بس بالليل لا بكل وقت قصص الصحابه او اي شي يجذبهم ويفيدهم

وفيه بالتويتر دكاتره يهبلوون ونصايحهم روعه

وناسيه اساميهم والله لاني حاذفه التويتر من زماان


بس والله كلامهم حيييل نفعني كل يووم وكل وقت يعطونج نصيحه


ويمدحون الحضن يخفف من الضغوط عليج وعليهم

احضنييهم علي طوول


والله يهدديهم ويسخررهم لج ياارب

 

[مواصله]

انا من كثر ماطفشوني الثلاثي المرح شلة حسب الله يوم طلعت من طوري وقت كنا نتغدى شبيت ضو وادري مايفيد معاهم لا كلام طيب ولا تهزيئ ولا ضرب قلت لهم خلاص طفشتوني انا بهج من البيت بنحاش قمت لبست عبايتي وطلعت وقتها كنت صخ معصبه هههه كان حزة ظهر جان بدق على اخجوي يمرني بس قلت اروح المسغل اللي يم بيتنا احف واصبغ اروق شو

وكان جوالي طافي مافيه شاحن رجعت البيت بعد ساعه مسوين مناحه اهم وابوهم عبالهم باقوني هههه بس تأدبو نص يوم

 

[مواصله]

فيه جهال يفيد معاهم المساحل وفيه جهال عله يبيلهم تطنيش ،طولة بال مابيدنا الا نطول بالنا ونصبر وندعيلهم ربي يهديهم ونقرى من النصايح والاساليب في التربيه يمكن يفيد ويطورهم ولو شيئ بسيط

 

[قَلبڪْ صًخرْ]

انا اشوف ان الحب يطلع على بذره


انتي شخصيتج عدوانيه تطقين وتعصبين وتنرفزين وكله مصدعه



ونظامج يبي عيال بسلك عسكري ليش ؟؟



الاول مايدافع ويطق لما ينطقون اخوانه زعلانه

الثاني يطق زعلانه


انتي مشتته لاتلومين عيالج


غيري فكرج كله اسلوبج طريقتج





انيي للكبير يتبول بليل هذا اكبر شي
يدل ان الطفل يعاني نفسيا واستبعد سالفت عضويا

انتي شكلج حيل مدقرته نظام انت ديايه ماتطق ماتدافع ماتسوي !!!!!



عززي فيه الثقه ؛؛ قولي انت القائد اليوم
قولنا وين تبي نروح ؟ خليه يختار المكان الترفيهي
وانتي بره ؛؛ قولي له يود اخوووك انت الكبير احرص عليه
خليه بطل ؛؛ وشوفيه بطل بيتغير





الصغير شخصيته ماره علي بروضه
طفل مشاغب يميل للعب البنات

خليه يشبع من لعب اذا منعتيه ؟ بيحب الشي
ويسوينه من وراج ؛؛ خليه يشبع
قال انا خوافه ؛؛ لاتقولين انت بنت لا
قولي انت خواف ؟؟؟ كرري الكلمه خليه يسمعها
عدل مو تصححين له بطريقه متعمده
مثل لا قول انا خواف


والطق والعنف الولد فيه طاقه
شياكل !؟؟ خففي حلوياته وسكريات
اشغليه بشي يدوي بالبيت
مثل البزل ؛؛؛



واتمنى تتغير معاملتج معاهم

وقولي الحمدلله عالنعمه ؛؛؛ لاترفسينها