كرهت الجامعة بسبة هالسؤال.....................

[white_spirit]

السلام عليكم ورحمه الله وبركاته
هلا خواتي شحالكن
حبيت افضفض (على قولتهم) الي فداخلي لاني مليت
السالفة هي:
انا تخرجت من سنة 2006
ودخلت جامعة حكومية وكان اساسها ان لازم ندرس الانجليزي(مستويات) بعدين ندرس المواد العامة مالت الجامعة وبعدين التخصص .. وبيلها على ما اتخرج حسب المستوى بالانجليزي من 5 سنين لين 7 سنين

المهم
انا خذيت سنة ادرس LEVEL in ENGLish
والله العظيم كان مستواي عالي بالانجلزي (ضربوني عين )
بس بسبة الايلتس كانت الجامعة تبى 5.5 درجة بس انا 4 مرات خذيت 5 من اصل 6

تحطمت وصارت فيني حالة نفسية وكآبة وقفت دراسة حتى اني غيرت الجامعة سرت بالخاصة (والله احسن شي)كان اقتراح الوالدة الله يحفضها
..
بهاي الجامعة الخاصة بديت من جديد (من الصفر) فلازم ادرس 4 سنين وتخصصي صعب شوي (هندسة برمجة)
الحين كملت 3 سنين وباقيلي هاي سنة و4 اشهر تدريب يعني سنة ونص

يعني اتخرج 2012 شهر 12 ويكون عمري تقريبا 25

بس كل اهلي وخوالي وعمامي تحطيم في تحطيم ودوم يسالوني
متى تخلصين دراسة صارلج من زمان تدرسين....الخ غير الاحباط من ابوي واخواني

شو اسوي الحين عمري صار 23 سنة ومو مخطوبة ولا شي(عذري بدراسة لاني ما عرف انسق بوقتي ) ,واصلا ما همي الزواج ولا بالعمر

الحين كرهت الجامعة كل ما احد يسال هالسؤال انجن وخاطري خلاص اقعد في البيت بس ما بي اكون ثقل على اهلي


شو اسوي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا بنسبة لي عادي (العمر والسنين الي درستها)
وانتوا تحسون هالشي عادي والا لا؟؟؟

 

[ياقلب وشفيك !]

حبيبتي راح الكثير ومابقى الا القليل ..
وكلام الناس مايرحم الحل الوحيد انج تطنشين
أدري تعبتي و زهقتي بس لا تيأسين خلآص مابقى شي ..
والحين الواحد بدون شهاده مايعيش !!
الحمدلله درستي واجتهدتي وباقي لج خطوه .. الايام تركض
خليها تعدي وكلهآ ايام معدوده وتتخرجين ..
والزوآج والخطبه قسسمه ونصيييب واذا الله كاتب بيصير
عمر الدراسه ماكانت عذر ..
اعرف وحده متخرجه من الطب وبعد سنييييييين تزوجت مع انها كبيره !!
ونظام ماتعرف شي اسمه حفلاات ولا شيييييي !
وخذت واحد مشالله تبارك الله مدللهآ ومخليها تعيش كل لحظه من لحظات حياتها
بفرح وسعاده .. الله يتمم عليهم

لذلك .. طنشي .. ولاتخلين حجيهم يأثر عليج بالسلب !!
بعض الناس ماعندهم الا التحطيييم .. انتي اجتهدي وتخرجي
تكونين بهالحاله سويتي اللي عليج

وربج كريم

 

[UNICORNA]

عادى مافيها شى دام انك حابه الدراسه وبعدين مو لازم يكون عندك 23 سنه وتكونى مخطوبه

ترا تركيزكم طول الوقت على انا مو متزوجه انا مو مخطوبه انا مو متعلمه انا انا انا

هذا اللى بيجيب اغلب البنات وطى ويخرب نفسياتهم

حبوبه ركزى على المهم ولو جالك احد فيه خير اقبلى فيه ولو ماجالك ماباليد حيله وبالنسبه للدراسه

عادى ياختى اكو بنات يدرسون اكثر منك (=

واحسن انك تضيعين وقتك بشى مهم ويستاهل لين يجى النصيب

 

[classicyah]

يآ مرحبآبج و اللهْ ،

عآدي اختيهْ . .

طبيعيْ يسألونْ ،

هآنت حبيبتيْ ، و بآجي لج اشوي و بتفتكينْ . .

و صدقينيْ ، محد يسلم من كلآم آلنآس ،

أهم شي انتي خلآص بتتخرجينْ ،

و مآ يهم العمرْ ، أهم شي شهآدتج بإيدج ،

لآ تتأثريـن بكلآم آلنآس ، ترى مآ بيفيدونج و لآ شيْ ،

اسمعي من اهنيه و طلعيْ من اهنآكْ ،

و شدي حيلجْ ، و بي كووولْ . .

 

[عروساا]

يه انا تخرجت عمري 24 شسالفه يبا كيفي ادرس اقعد بالبيت اتوظف محد له شغل حتى اهلي والله مالهم شغل كل واحد يعيش على كيفه وخلي شخصيتج قويه والي يكلمج قولي حياتي وانا بكيفي بالله هذي سالفه حتى الدراسه بتدخلون فيها الناس

 

[لؤلؤية]

حبيبتي
هالسؤال اتوقع مار على الكل

انا بنتي باول سنة بالجامعة
الكل يسالني ...ماخلصت للحين ؟؟!!!!!
او متى تتخرج ما صارت...!!!!

@@

 

[برستيجي مآركة]

واصلي واصلي دراستك يابعدي ولاتهتمين اذا النصيب بيجيك بيجيك والله لو تروحين امريكا..

ولو بنطاوع كلام الناس ماراح نخلص بعض الناس للحين دئة أديمة على قولت المصريين من تصير البنت فوق ال 20 بدوا بالحنة مدري وش بنلااااقي من العرس والله انا احس احلى مافي الزواج انك تكونين أم انا كبرك وصديقات امي وخالاتي احيانا اذا ذا دعولي بالزوج ومدري ايش ماقصروا اووك بس من جد ليه يخلون اطار البنت محتكر على هالشي عذرا بس طلعت عن صلب الموضوع بس مداخلة طرت علي وحبيت اكتبها..
وعلى فكرة انا يوم كنت بالجامعه من سنة اولى وكل سنه يسألون ماتخرجتي مع العلم اني انجح وماقد رسبت بس السؤال رافقني حتى التخرج واللحين صار لي سنة من تخرجت اللحين سألتني وحده ذاك اليوم قالت لي متى تتخرجين قلت لها ياقدمك صار لي سنة من تخرجت من جد بعض الناس مدري وش تحس فيه ..

وانا اقولك واااااااااااااااااااااااااااااصلي وياجبل مايهزك ريح وطناااااش..

 

[عشق رسامه :$]

الله يوفقج حبيبتي

 

[الزين 85]

باجر لمن تتخرجين وهالسنه ونص بطووووف


راح تردين عليهم بشهادتج القوووويه مشااءالله


خلي امانج بالله قوووووووووي وكوني واثقه بنفسج تخصصج حلو مشاءالله ومرغوووووب

والأهم الرغبه بالدرااااسه مو مهم العمررررر


وبتتخرجيييين وبترفعيييين راسسسسس اهلج بإذن الله يارب


كلمة حطيها ببالج


( الشهادة عز وذخر لج لاتسمحين لأي احد كان حتى لو انتي يسرق هالحلم منج)

 

[عالمي انا غير]

عادي حبييبتي انا صارلي بالجامعة ست سنين عشان كل سنه تغير خطتها وهذي انا من سنين تخرجت الكل كان يسأل متى اتخرج بالبداية كنت اتضايق بعدين صرت اطنش بس انتي ان جاج نصيب زين لا تسوين مثلي بحجة الدراسة ترفضين نصيحة وربي يوفقج

 

[جيرازksa]

تتخرجي 25 ولا حتى 35 وهما شكو

الله يوفقك حبيبتي

 

[noo7a]

انتي قدي
تخرجت من الثنويه ٢٠٠٦
و شاطره و الكل متوقع مني طب او هندسه و هذا الي خسبقني
بس من عيون الناس الي ماترحم ماقدرت ادخل الكليه الي ابيها
ودخلت مكان ثاني و لمن وصلت سنه ٤ استوعبت ان التخصص الي فيه ما اقدر اكمل فيه
و غيرت تخصصي و بلشت من اول و يديد
و الحين حامل و بوقف كورسي استغفر الله شكلي بتخرج مع ولدي
و الناس كل من شافني
هااا خلصتي
هااا شكثر باقيلج
وانا بيني و بينج مادري شكثر باقيلي
بس اذكر من ٣ سنين وانا اقول باقيلي سنتين ولي يومج هذا وانا اقول باقيلي سنتين
متى ياربي يكون صج باقيلي سنتين :/

 

[أم فهووود]

والله لو انا ماهمني احد انا لظروف خاصه قعدت فالجامعه 9 سنوات وتخرجت ولا همني احد الناس عليهم الظاهر مايدرون بظروف الغير ودام انج ماشيه هذا اهم شي طالعي قدام ولاتلتفتين لاحد

 

[عبير العنزي]

راح تتعبين لو اهتميتي لكلام الناس

ماعليج من احد.. ونصيبج اللي كاتبه لج رب العالمين محد ياخذه غيرج

ومابقالج شي ان شاء الله وتخلصين.. فــ ليش هالتحطيم؟؟؟

بالتوفيق

 

[دموع أنثى]

كملي وتوكلي على الله وما عليج من كلامهم والله يوفقج مابقى الا القليل

 

[قطعة حلا2]

ياقلبي اجل انا شقولج عني

نقعت بالثانويه وتوني تخرجت والحمدالله هالسنه بتكون اول سنه بالجامعه والله يكتب لي اللي فيه الخير

وعمري 22 متى بتخرج من الجامعه دامني داشتها بهالعمر

حياتي مو مهم العمر كثر ماهو مهم انج تتعلمين وتستفدين ولاتجلسين تقولين ماتزوجت وغيري تزوجوا

انا من البنات اللي اول اهتمامتي الدراسه وعقب افكر اتزوج ويسير خير لان الزواج ماراح ينقطع ونصيبج بيجيج لو انتي باخر الدنيا

اهم شي تعلمي ولا تكرهين شي عشان هالناس

اللي ماوراهم الا هم وجع ولا يعجبهم العجب

وطنش تعش وادرسي وان شالله تصكين ثلاثين وانتي بالجامعه المهم انج مرتاااحه

مابقى لج شي وتتخرجين فواصلي ترا هذا الشيطان يبيج تتركين الدراسه ويقعد يوسوسبج

تعوذي من ابليس وارمي كلام الناس ورا ظهرج والسنين تمر بلمح البصر وعيني خير

مصيرج معرسه يابت ههههههه

والفال لنا ونتخرج ^_*

 

[كنوشة 2009]

عادي حبيبتي اساسا الناس دايما تسأل
يعني اللي بالجامعة يسألونها ما تخرجتي؟؟؟
واللي تخرجت ها ماشتغلتي؟؟؟
واللي تشتغل ها ما انخطبتي؟؟؟
واذا انخطبت متى تتزوج؟؟؟
واذا تزوجت ها ما حملتي؟؟؟
واذا احملت متى تولد ؟؟؟
واذا ولدت ها ليش ما تحملين ؟؟؟
والخخخخخخخخخخخخخخخخ من الاسئلة اللي ما تخلص
طنش الجميع واخذي الشهادة ولا تردين ولا تهتمين
واهم شي دراستج وشهادتج هذا اللي راح ينفعج
وبالتوفيق ان شاء الله

 

[درة أهل الطولات]

كملي وربج يوفقج

 

[a7la-elbanat]

ياحياتي الطموح ماله حدود والدراسه ماترتبط بعمر معين او بحاله معينه
خلج طموحه وواصلي دراستج ولاتلتفتين لغيرج والاحباطات اللي حولج اصلا احلا حياة اهي حياة الدراسه وناسه وصج صج تجربه روعه باجر تتمنين ترجع لو عدت على خير باذن الله
والزواج لااااحقه عليه وعلى همه وغثاه
انا برايي واصلي دراستج واذا احد كلمج قولي والله قاعده استمتع بكل لحظه بدراسه وبحياتي وللحين العمر بقبال

الله يوفقج ياعمري

 

[احلى قدساوية]

حبيبتي هاانت ما بقى شي وتخلصين ان شاء الله

عادي مافيها شي اهم شي شهادتج هي الي راح تنفعج ان شاء الله


موفقه​