كرهتني بعيشتي

[noufb]

السلام عليكم

بنات انا من عقب نطره جريب السنتين توظفت باتعس وزاره ومديرتي ماكو بنحاستها. ما شافتني الا عقب ماباشرت العمل باسبوع وشافتني حامل كنت بالخامس شوي شوي بديت اتعب خذيت 4 طبيات جني كليت حلال ابوها تكلمني بنفسيه واعصاب وبلشت معاي تهديد انها تنقلني واللي توظفت معاي خذت مجلس طبي واهيا توها شهرين حامل جان تنقلها حق ازفت قسم بالوزاره جنه عقاب. وانا الحين بالسابع عندي. تقرير من المستشفى اني احتاج مجلس طبي بس ماني مقدمته اخاف تنقلني مكان خايس انا فيني غده نشطه وانيميا وجفاف وضغط وقولون حدي تعبانه. بس قاعده احاول كثر ما اقدر فوق هذا نادتني قالتلي ترى مالج امومه شهرين وضع وتداومين. ياربي شنو هذا وزارة ابوها سؤال الحين الامومه لازم موافقتها لاني ماقدر اخلي البيبي توا شهرين عند خدامه شالدبره تقولي انا وظفتج وانتي حامل المفروض ما اوظفج واهيا جذابه ماكانت تدري قلتلها انا لو ادري اني بتعب جان اجلت الوظيفه

 

[mr00m]

وزاره ابوها تقول انا وظفتج

انتي اي وزاره ؟

 

[زين ودلال]

واااي احس معاناتي قاعده تنعااااد

انا هالشهر راح اداوم عقب الامومه


الله يعييييينج

اذا في احد غيرج يشيل الشغل مو بكيفها ماتاخذين امومه

اقل شي تطلب موظفين

اتتي عطيها خبر انج بتاخذين امومه

 

[Huda alotaibi]

ليش المراه اذا مسكت الرئاسه الاداريه

تلعب بالقوانين على كيفها هل هذا ناتج عن الضغوط التي كانت تعانيه ام انها تحقد وتغار من المراه

اليست الدنيا دواره دعوه المظلوم تهدم كل اللي بنيتيه بليله باجر تتمنين ترجعين مكتبج من قوه الدعوه

استغفر الله واتوب اليه اللهم لاتولينا والي مسرف

 

[برونزية رشيقة]

حياتي مو بكيفها ماتاخذين أمومة لاتقص عليج أنا سألتج الشؤون الإدارية عندنا بدوامي وقالولي بالحرف :

أجازة الأمومة من حق المواطنة الكويتية الموظفة في الوزارات التابعة بالديوان .


حبي قلبي أنتي لو كنتي في بنك أو قطاع خاص إيي ممكن أن ترفض أمومج ويعطونج بس وضع لكن الأمومة من حقج.


حياتي أنتي مريضة فيج غدة مالج شغل فيها وأخذي المجلس الطبي وخل تسوي أللي تسويه .. شنو مثلا راح تسوي؟ تنقلج أهلا وسهلا بالنقل إذا هذي الحقودة مديرتي فراقها عيد .

 

[Talyan Rose]

شنو بكيفها ولا وزارة ابوها

مالها حق تمنعج لا من المجلس الطبي ولا من الامومه واذا نقلتج اشتكي عليها وافتحيلها تحقيق
شنو اهيا مو ادميه ما تمر بظروف !!! الله يشافي هالاشكال المريضة

 

[روونه]

ياحليلها شافتج يديده ماتعرفين شي قالت اهددها واخرعها

شوفي حبيبتي قانون العمل يكفلج حقج عندج 15 طبيه و عند اجازة وضع وعندج امومه وختنفس من اليوم لي باجر

ماتقدر تسوي شي هذا اللي تقدر عليه انها تنفس وبس انتي معذورة وخلج قوية وبينيلها انج ماتهتمين حق كلامها وانج يا جبل ما يهزج ريح والا راح تتعبين وايد دام حست ان شخصيتج مهزوزة بالدام او اذا حست ان التهديد ياثر فيج


تقبلي مروري

 

[جذابه بنت ذيابه]

ممالج شغل فيها اخذي وانتي مرتاااحه

 

[غـلآوي ّ ~]

حبيبتي مو بكيفهآ اجازة أمومه شهرين ومعاشج كآمل و وضع من حقج و إذا تبين زيآده يمشي لج نص رآتب

 

[لآ بيرلآ]

شوفي حبيبتي

انا كنت اشتغل بمستشفى بوزارة الكحة
و استقلت

و الله العظيم اكبر غلط السكوووووووووووت
لا وزارة ابوها و لا اهيا اللي متكرمة عليج بمعاشج و لا بوظيفتج

اللي اعلى منها يمشيلها تروحين للي اعلى منه لا تسكتيييييييييين عن حقج بليييييييييييييز

هذا من حقج غصبن على ابوها مو كيفها و تقدمين تقرير المجلس الطبي و ماتداومين باجر لي تعبتي و اسم الله عليج البيبي تعب شنو بتفيدج فيه و اللي يعافيج ؟!!!

هالاشكال يبيلها اللي يطقها على راسها و لا تحسسينها انج ضعيفة انتي قوية و راعية حق منو له حق باجازة اكثر منج
تنقلج بلعنة ليش من حلاتها و الا من حلاة مجابلها .. ماتدرين وين الخيرة
وكلي امرج لرب العالمين اللي على كل ظالم يسلط ظالم .. و ياويلهم هالظلام من حوبة المظلومين واااااااايد هالاشكال زايدة
و كلهم نفس المواصفات .. امراة .. مسؤولة .. مو ملتزمة .. و غالبا ماكو بصمة .. اهيا اصلا ما تداوم نفس الناس

انا مارة بنفس موقفج مع انسانه بنفس المواصفات والله العظيم بتطوف سنة و لي يومج ميتة حرة مني لاني ماسكت و يبتلها اكبر راس يهزأها لانها ظلمتني و عبالها الموظفين اللي عندها عبيد و لازم على كل حرف يقولولها سمعا و طاعة

الوافدين ما يشتكون و لا يتكلمون لمن ينحطون بنفس الموقف لانهم ما يقدرون يجازفون بوظفايهم ..

انتي كويتية ما تقدررررررررر تسويلج و لاااااااااااااااا شي .. اخذيها مني و الله العظيم ما تقدر ..

و اللي يعافيج مت قهر عليج لا تداومين و خلي ريلج يسوي اوراقج هالاشكال يبيلهم ريال ما يعطيها ويه و ما تتجرأ تكلمه حتى
الله يسهل عليج و يكتبلج مكان احسن من اللي انتي فيه او يطيرونها و يحطون مسؤول ريال احسن شي

 

[لآ بيرلآ]

و مثل ما قالت وحدة من الخوات قانون العمل يكفلج و احتمال كبير ترد عليج تقولج بموافقة المسؤول روحي للي اعلى منها و قدمي شكوى و يفضل تشغلين المسجل بتلفونج و تسجلين كلامها ماراح ياخذون فيه بس لو يسمعه احد يعرفون انها جذابة لا تسكتون عن حقووووووووووووووقكم هذا اللي مقوي شوكة هالمو اوادم و الله العظيم بكل وزارة و بكل ادارة لازم جذي ناس لان محد محد يسوي شي

 

[noufb]

واي بعد عمري والله العظيم شجعتوني اليوم دخلت كتابي وبالغصب وقعته وكلمتها بنفسيه واللي بتسويه خل تسويه انا ما اتحمل وحده جذي تحاسبنه عالدقيقه وكلمن بنكلمها صكت على روحها الباب وقالت مشغووله وكلمن تمر علينه قطت علينه كلمه ماتبينه انسولف مع احد ولا نتريق مع بعض ولانصكًًر الباب حشى عسكريه. لا وجان زين مثبته اهيا ندب مادري ليش الحريم جذي المفروض يقدرون لانهم مارين بهالظروف حسبي الله ونعم الوكييل