كرشي كبير ابي المساعده

[سلاسل الذهب]

السلام عليكم منو جربت رجيم وخف كرشها ياليت تقولولي لاني مليت ومسبب لي احراج لا تبخلون علي:eh_s(11)::eh_s(11)::eh_s(11):

 

[خباري مطر]

الحل السحري تبيه اعلمج

ماكو علي الرياضة والرجيم احسن وافيد وارخص

موفقه يارب

 

[ᆻŠ вªĺŌÓŃă]

الرياضه له مفعول سحري شفطي بطنج وانتي تمشين على الاقل 20 او 30 دقيقه باليوم شحوم البطن صعب تروح بسرعه
وفيه اعشاب تنحف الكرش شوفي تجارب البنات اهني او بحث بقوقل
واذا تشربين بيبسي وطقة هالغازات وخري عنهااا اهي تتفخ الكرش اممممم وبعد لا تاكلين وتنامين ويمكن معاج قولون لا سمح الله اهو اللي ينفخ البطن ازياده سويله تنظيف وبيخف
ان شالله يمسح هالكرشه عن الوجوود وتسيريين رشيييقة
الكرش مرض العصر من كثر الاكل وقل الحركه وبعد الولادات القيصريه مشكله
مووفقه يارب

 

[كويت الاناقه]

للرفع العيونج

موفقه خير ياارب

تنورين منتجااتي ياارب وان شالله اقدر افيدج

 

[حياة زوجي]

انا عن نفسى جربت اسوى هالخلطه بالبيت وحسيت بطنى وايد لزق ببطنى خاصه هالخلطه تحرق الدهون وتشيل الانتفاخ بالبطن وطعمها حلو
قطعه زنجبيل صغيره طازجه وبعدين روحى الجمعيه واخذى كمون حب والحبه السوده حبه البركه ويانسون حب وكراويه حب وبذره الكتان واكليل الجبل وحبه الحلوه حب
خلطى الحبوب بغرشه
وبعدين اخذى الزنجبيل وحطيها بالمطاره وقفشتين من خلطه الحبوب وصبى فوقهم ماى حار وشربيهم يوميا وشوفى النتيجه وايد ممتاز للبطن

 

[فراوله ماما]

.. Up​

 

[Miss sensitive]

لازم رياضه الرجيم بروحه ما يوخر

 

[جهاد88]

تبين كرشتج تخف وبمده قصيره؟؟ سألي مجرب ولا تسألين طبيب أول شي خففي أكلج بالكميه مو بالنوع يعني أكلي خضار وفواكه أكثر من العيوش والخبز والنشويات والحلويات ما أقولج لاتاكلين عيش اكلي بالعافيه بس مو لحد ما تنترس المعده لان النشويات اهيا السبب الرئيسي لبروز الكرش ولا تقولين ما اقدر وما عندي اراده بالتعود راح تتغلبين على المشكله............... ثانيا البيبسي أبد لا تشربينه مع الاكل يكرش ويتفخ المعده عدا انه مضر والرياضه جدا مهمه تحرق الدهون الصعبه وتشد الجسم أكثر من عمليات الشد والرياضه تريح النفسيه للي يعانون من اكتئاب وضيقه خلق............. وفي شي أهم النوم بعد الاكل مباشره يساعد في تكوين الدهون بسهوله خاصتا منطقه المعده وعلى قولتهم الزغاديد الي بالظهر ............. والاهم لا تلعبين رياضه بعد الاكل مباشره لان الدم يتجمع بالمعده والمخ يكون مشغول في اعطاء الاوامر للمعده بالهضم نطر ي ساعتين على الاقل بعدين لعبي رياضه انا اتبعت هالطريقه والكل لاحظ علي الضعف خاصة الكرش عندي كبير وايد شني حامل بالتاسع ما اقولج اختفت بس خفت وايد عن قبل وياي رمضان شهر الخير علينا وعليكم صومو تصحو وخففو راح تضعفو:ggdw::ggdw:

 

[آسطورة زمآنهآ]

آسمعي رجيم وريآضه وآخآصي تغذيه

لــ يعطيك رجيم يخف كرشك

 

[شتاء الحب]

و من من السمينات لا يعاني من الكر ش - الله المستعان -

اللي لازم نسويه هو الاكثار من السلطات و الفواكه و الماي و الاعشاب اللي ترحق الدهون و تنحف مثل الزنجبيل و القرفه و الجاي الاخضر و الزعتر مفيد بعد للغازات

و لازم رياضه اقل شي 30 دقيقه !

و الابتعاد عن المقليات و الدهون و السكريات و العيووش و الغازات
يعني ناخذها بالاسبوع مره او مرتين بالكثير

 

[احلى من القمر]

استعملي الملفوف سخنيه بالميكرويف وبعدين حطيه على بطنج ولفي عليج شاش او سولوفان

 

[mini zoz]

لا تشربين شي مع الاكل وقللي من الدهون ,
وأهم شي الرياضه ( تمارين المعده )

وانشالله بتخف

 

[غنج إلعذآرى]

الله ولي التوفيق نطري علي اليوم واجيبلج الحل آلآكيييييييد ​

 

[بريـق]

انا مثلج مع اني وزني 70 وطولي 165
لكن بطني صاير جني حامل بالشهر السادس

بنات في شغله اجربها طبيعيه
واكتشفت انها تضعف الكرش والزنود لكن مالي فيها الا اسبوع
ومن اتاكد منها بعد شهر
راح انزل موضوع فيها وعسى ربي يكتب لي التوفيق

 

[تفاصيل الغرابه]

اب اب اب

 

[Fajory]

الشي اللي صج ينزل الوزن ويوخر الكرش بشكل ملحوووظ
جاي اخضر + نعناع + زنجبيل شرايح + رشه كمون + عسل للتحليه
كل يوم شربي قلاص بعد الغدا وقلاص بعد العشا
بس هم لازم تخففين اكلج وتبتعدين عن المشروبات الغازيه والكافيين
وبتلاحظين التغيير بسرعه ان شاء الله
بس عشان يشد جسمج لازم رياضه لو بس للبطن
مووووفقه

 

[سلاسل الذهب]

ما تقصرون عسى عمركم طويل وانتوا بصحه وعافيه

 

[اميره بكلمتي]

خففي اكل وخلي اكلج كله صحي مع رياضه ماي

 

[قلبي_طفل]

اشتري الحزام الحراري ولبسيه طول اليوم قبل لاتنامين فصخيه وشوفي الماي اللي يطلع

 

[Pink_Roses]

المشى كل يوم وعن تجربة