كرات الدايجستف بالصلصه الملونه

[kuwaitiya_84]

يعطيكم العافيه كويتيات

طلبتكم ابي طريقه عمل كرات الدايجستف مع الصلصه الملونه الي هابين فيها بالانستقرام ضروووري ابي اسويها حق الخميس العيد الوطني بمدرسه عيالي ياريت ناتردوووتي وبالاخص المشرفه جاره القمر الي تساعد الكل ناطرتكم ظرووووري

 

[kuwaitiya_84]

شدعوه كل هالمشاهدات ولا وحده تعرف وينهم كويتيات الي يساعدون

 

[الأميرة جوري]

حطي الصوره

 

[قاهره عذالي]

دوري بطريقته بقوقل

 

[شقاوتي غير]

اممم ماجربتها بس احس طريقتها سهله

دايجستيف مطحون اعجنيه بزبده وكوريه

وجهزي الصوص الي تفضلينه عباره عن نستله وجبن كيري وقيمر ولونيه بالالوان الصناعيه وبس

 

[أحلى قصة]

اااااااااااااااب

 

[جارة القمر]

محتاجه اصباغ حبيبتي

الطريقة
خلطة كور البسكوت
- 4 باكيتات كبار (بالنسبة لي استخدمت 12 حبة من اللي بالكرتون)
- 1 حليب محلى نستله
- 1 زبدة لورباك
- 2 ملعقة اكل ماي دافىء

الكريمه
- ا قيمر kdd
- 4 حبات جبن كيري
- 1 ونص كيس دريم ويب
- 3 الوان طعام (احس نوع اللي على صورة الحرمه المبرقعه الباقي اللي على فاكهه كلش موشي)

نطحن البسكوت بمطحانة القهوة

بعدين نخلط البسكوت المطحون مع الزبدة بعد مانسيحها وحليب نستله المحلى وقفشين الماي الدافىء

نخلط لما تتكون عندنا عجينة نقدر نشكلها (اذا صارت سائلة زيديها بسكوت مطحون لما تشوفينها صكت وتقدرين تشكلينها)

نخلط الحين مقادير الكريمة الكيري والدريم ويب ونص حليب نستله المحلى والقيمر
بعدها نقسم الكريمه الى 3 صحون علشان نخلطهم بالالوان اللي عندناانا اخترت الاحمر اللي صار وردي والازرق والاخضر
نسوي من عجينة البسكوت كور بالحجم اللي نبيه

بعضهم حطيت فيهم لوز

نغمس كل كره بلون ونصفهم بالصينية او الطبق

بعد ما نخلص نزينهم بفليك

ونقز بكل كره عود اسنان ونحطها بالثلاجه علشان يبردون قبل التقديم


منقووووووووووووووووول


​

 

[kuwaitiya_84]

تسلمووون حبايبي جارة القمر وشقاوتي غير والي تقول دوري بقوقل بقولج لو كنت محصلتها ما سالت ويعطيكم الف عافيه الي جاوبوتي فديتكم

 

[noor salam]

الله ....مشكورين

 

[M!SS.LOBY]

بالعافية