كرات الجبن بالتوست---سهلة حدها حدها

[الدانة-81]

المقادير
١ كيس توست صغير
٦ مكعبات جبنة طرية غير مالحة ( ١٢٠ غرام)
١ كوب حليب
مقدار من الزيت للقلي
شيرة أو سكر بودرة



الطريقة
١. تقطع أطراف التوست ، ثم تقطع الشريحة إلى نصفين.
٢. تبل القطعة الأولى من التوست بالحليب وتوضع فية الجبن ( قطعة صغيرة)، تكور
ونستمر حتى ينتهي المقدار بالكامل.
٣. يوضع المقدار بالثلاجة لمدة نصف ساعة ثم تخرج من الثلاجة وتقلى بالزيت.
٤. بعدها تسكب عليه الشيرة أو ترش الكور بالسكر البودرة




















الصراحة منقول---بس عجبتني الطريقة و حسيت انها لذيذة خصوصا انج تقدرين تتحكمين بالكمية اللي تبينها


و ان شاء الله اذا سويتها أحطلكم الصور:ggdw:

 

[zalabia84]

تسسسسسلم ايييدج حبيبتي شكلها حدها لذييييييييييييييييذة بجربها بيمعت اهل ريلي

 

[<<لمار>>]

يسلموووووووو

 

[الدانة-81]

الله يسلمكم حبيبات قلبي---والله ما توقعت هالرد السريع---



ثاانكس:33_1185028183:

 

[زهرااا]

مشكوره حبيبتي

 

[عاشقة الصمت]

طريقة حلوة خصوصا للاطفال

بس اتمنى تحطين صور علشان توصل الفكرة

 

[جارة القمر]

مشكوووووووره

 

[versace]

تسلمين أنا أسوي نفس طريقتج بس تصير أصابع ماخذتها من كتاب المطاحن

 

[الدانة-81]

ان شاء الله من عيووووووني أحطلكم الصور

انا قريتها و نقلتها عالسريع و تخيلت شكلها لذييييذ


و اللي في كتاب المطاحن تتحشى بالقيمر

بس أكيد اثنينهم سهليين

 

[ام سلومd]

ماشاء الله شكلها يشوق بس الدانة شنو الجبن كيري؟؟؟؟؟؟؟؟

 

[الدانة-81]

هلا هلا بالزيــــــــــن كله

أم سلوم زايرتني؟!!!!! لحظة لحظة خل أبخر و أرشرش ----ولا أقولج!!

كافي مرورج اللي عطر صفحتي يا بعد جبديييييييييييييي:33_1185028183:


اي يا حبيبتي جبنة كيري أفضل شي حق التحشي--
و من تجاربي

لما تبين تقلينهم خللي الزيت حار وايد
لا توطين عالجولة عشان ما يسيح الجبن داخل:s141:

بس يتحمر التوست و تشيلينه

 

[ام سلومd]

حبيبتي و الله لان اعرف ناس من اهل خالتي ام ريلي شنو تتوقعين يحشون الحلو في مرات عكاوي مرات جبن كيري مرات جبن فيتا السعودي اذا عرفتيه اشلون مادري لان الفيتا اشوي مالح و العكاوي مو حلو على كل حلو اتسوينه و مرات يحشونه جبن فيلادليفيا بس الصراحة وايد حلوة تطلع تسلمين حبيبتي كافي وجودج الدانة حبيبتي

 

[a7la_eng]

حده سهل واحس راح يصير شكله يشوق

يعطيج العافيه

 

[banota]

مشكورة

 

[غـلا الزين]

يسلمووووو بالعااافيه يا الغلا

 

[الدانة-81]

أم سلوم العكاوي أحسه صعب حق القلاي
ليش بسرعة يذوب

و الفيلادلفيا طعمها مثل الكيري

اما الفيتا السعودية مالحة -و مع الشيرة تصير لذيذة ما تحسين بملوحتها


بس أرد و أقول أفضل جبنة للقلاي اهي الكيري

 

[الدانة-81]

رد: كرات الجبن بالتوست---سهلة حدها حدها و بالصور

حبيباتي انا سوّيت الطريقة

و الصراحة شي شي شي مو طبيعييييييييييييييي

لذيذة أحلى من اللي تتحشى بالقيمر

امبييييه من صج مو طبيعية

شوفو الصور

[/url][/IMG]


و هذي لما قرمتها---شوفو الجبن ما شاء الله

[/url][/IMG]


لذيييييذة لا تطوفكم

بس خل أقولكم جم شغلة أو نصيحة لما تبون تسوونها:

1- التوست لازم يكون طاااازج طري مال اليوم--و الأفضل تاخذين المربع اللي جيسه أزرق ب 190 فلس

2- قطعة الكيري الوحدة قصيها الى 4 مربعات و التوستة الوحده مثل اللي قتلكم قصيها الى مستطيلتين


3-لما تكورين التوستة بلليها وايد بالحليب بأصابيعج---انا خفت انها تفتج لما أقليها- فشنو سوّيت؟؟

طحنت بالهاون كورن فليكس عادي و غلفت الكور فيه-طبعا مع القلاي شوي منه راح يطيح
بس النتيجة كرة مقرمشة من برة- طرية من داخل


4- و الأهم---ديري بالج على أصابيعج









من حلات الحلو ما تدرين و انتي قارمة صبعج-لوووووووووووول:krkrkr::krkrkr:

 

[أحلى همبه كويتية]

الصراحة صج تسلللللللللللللللم ايدج
بس هذه حق المتن تماااااااااااااااام

بسويها الجمعة حق الزوارة
واكيد بحط الصورة
قمت امشي واجكجك بالبيت

 

[الدانة-81]

الهمبة أبشري بالمتن


جك جك جك جك جك--وياج

 

[أحلى همبه كويتية]

انا ناقصة
الظاهر ما تدرين ان وزني فوق 100
عفية حسديني :eh_s(14):
يمكن اضعف