كثرة المويه حول الجنين والسكر

[حبيبه قلبه]

السلام عليكم كروشات


اخباركم مع التعب؟؟


الله يهون علي وعليكم يااارب


ندخل في الموضوع طوالي


قبل اسبوعين كان موعدي مع الدكتوره


وقالت لي ان السونار الحمدلله كويس بس المويه اللي حول الجنين كثيره


والسبب ان فيني نسبة سكر بسيطه


يعني سكري وانا صايمه 117 وتقول المفروض للحامل مايتعدى ال 100


وسكري وانا فاطره 140 والمفروض انه مايتعدى ال 120


وقالت لي استمري عالحميه هالاسبوعين وحللي صايمه وفاطره ونشوف النتيجه


وانا من ذاك اليوم مبتعده عن الحلويات والمشروبات الغازيه والشاي والقهوه والمقليات


مخففه منها كثير عشان ان شاء الله تطمني في موعدي الجاي وينزل السكر


السؤال


لو كانت نسبة السكر مرتفعه وش تتوقعون تسوي


هل تنومني عشان تنظم سكري بالانسولين ؟؟؟


والا تولدني لان المويه كثيره حول الجنين ؟؟


جاااوبوني تكفوووون


تعبت من التفكير

 

[أم عبود 2011]

رد : كثرة المويه حول الجنين والسكر

والله ما عندي فكرة لأني بجريه
ربي ييسر لج أمورج
وإن شاء الله البنات راح يفيدونج

 

[قطرة مطر83]

رد : كثرة المويه حول الجنين والسكر

اذا انتي داشه بالتاسع و الماي وايد اتوقع راح تسحب الماي بس من المتوقع مع سحب الماي يصير ولاده

اما اذا انتي ليلحين ما دخلتي شهرج اتوقع راح تنزله لج بأدويه تكون مناسبه للحمل .

و لازم بهالفتره يا قلبي تبتعدين عن المعجنات و الحلويات و المقليات كلها ما تصلح لج و المفروض تكون معطيتج ورقه فيها الوجبات المناسبه حقج يعني مثل حميه حق اللي عندها سكر حمل .

الله يهون عليج و يقومج بالسلامه

موفقه

 

[بيوتي]

رد : كثرة المويه حول الجنين والسكر

حبيبتي انا مثلج فيني سكـر .. بس الماااي لا زيـن ومعتدل ..


الدكتورة قالت لي اذا السكـر ارتفع ممكن ان البيبي يموت فجاة ببطنج وانتي ماتدرين

فلازم السكـر ينتظم عندج ... واذا ارتفع اكثر من 10 لازم تتنومين ويعطونج ابر انسولين للتنظيم ...
واحتمااااااال كبير ولادة مبكر ...


اللـه يستر علينـااا والله انا بعد خااايفه لان انا السكري مو من الاكل من النفسيه الخااايسه اللي فيني ....



والله يووفقج حبوووبه

 

[احب المنتدى]

رد : كثرة المويه حول الجنين والسكر

الله يتمم عليج يارب

 

[الأميرة جوري]

رد : كثرة المويه حول الجنين والسكر

عادي انا بالنات كله ماي اما الصبيان لا مادري شنو السبب بس الحمد اولد بالسلامه بشهري .... بس كنت حريصه ما امشي وايد بس وكله مرتاحه اخاف اولد مبجر قبل شهري والله يسهل عليج:wqedqw:

 

[Q.8.h.2]

الله يسهل عليكم يارب

 

[كنوز78]

الله يسهل ولادتج حبيبتي و يعدى حملج على خير ..اكثرى من الدعاء و ان شاءالله سهالات

 

[روعة خيال]

انا ببنتي الصغيرة كان الماي حوالينها وايد بس ما كان فيني سكر

و اضطرت تولدني لان بنتي مع كثرة الماي ما كانت تتحرك و خافت و ولدتني

الله يسهل عليج ان شاء الله

 

[أم عبود 2011]

رد : كثرة المويه حول الجنين والسكر

يوووووووووووووووه خرعتوني آنا فيني سكر بس آخذ العلاج ملتزمة فيه الله يستر