كتكوتي بيموت :(

[شـقـاًويـه]

السلام عليكم
بنات كتكوتي بيموت شسوي تكفون
مادري شفيه كلا طايح ماياكل والحين يرافس جنه روحه بتطلع
انا غرامي كتاكيت شريت 6 وامس واحد مات والحين الفوشي اللي احبه حيل راح يموت
اوديه طبيب بيطري والا شنو لانا امي تقول مايسوله شي الطبيب البيطري هذا عمره قصير
ولد جيرانا يقول احنا اعتنينا بالكتكوت ليما كبر وصار شكله حلو وبعدين لما سافرو خلوه بالبيت ومات ..
الحيييييييين شنو الحل مابي يموت !
وكااهي صورته

 

[ذبحني صمتي]

يااااااااااااااااحياتي صووووووورتع تقطع القلب ..

ترى هذوول عمرهم ماايطول بس حرام تووج شاريته الظاهر كان مرريض من هو بالمحلل

حسبي الله علييهم ..

والله ما ادري شقوولج بس جربي تقرين عليه ادري حل يضحك بس هذا اللي طلع معي

 

[ma-yhmni-a7d]

رد : كتكوتي بيموت

وديه البيطري

 

[شـقـاًويـه]

رد : كتكوتي بيموت

خلآص مآت

 

[b0ss_7]

رد : كتكوتي بيموت

يووه حسافه ماات

حلوو لونه هع

معروفين الكتاكيت بسرعه يموتون

 

[moone GRL]

عظم الله اجرج



هذول الكتاكيت اصلاًً مايطولون حتى لو اعتنيتي فيهم

 

[شـقـاًويـه]

رد : كتكوتي بيموت

وآلله من القهر سويت بحث بالنت طريقه العنايه بالكتاكيت
وصج كانت صعبه وغير متوقعه واحتمال اني ما كنت مهيئه لهم وضع طبيعي
يآلله خيره الله يرحمه هههههه

 

[ورده حمره]

تدرين ليش مات ؟ لان الكتاكيت لازم يحطونها بصندوق دافي كله فوط ويمه دفايه واذا ماعندج يبي الاباجوره مالت المكتب وحطيها فوق الكرتونه ولا تطلعونه من الكرتون خصوصا بالليل ولا يشيلونه اليهال ترى مايتحملون الكتاكيت

 

[بنت العميد]

حرااام الحين برررد
لازن تدفينهم حطي لهم ليت على قفصهم وخليه شوي رطب مكانهم ..
واذا تعب عليج اي واحد ..>>مثل المسكين الفوشي
يبي حبه فوار فيتامين و ذوبيها بماي و عطيه شوي منها ..>>انا اسوي جذي حق هالكتاكيت و الكاسكو بعد اذا تعب وخاصه الحين بررررد اخاف يحوشه انفلونزا هع
بس صج يصير زين

 

[nrjsya]

بنات عيب عليكم شالرد عظم الله أجرج البنت من صجها متظايقه وانتو تطنزون شوفي حتاتيأعتقد سويتي هالخطوه بس يمكن مادورتي باليوت يوب أسعافات الكتاكيت أدري دورتي باللنت وذا مادورتي دوري أنا أول شريت كتايت ملونه بس ماتو اللمانيه أعتقد ماتو لأنهم لأنه اللوانهم مو طبيعيه بس لا تخافين أنتاي أدعي ربج ونشالله يعيش

 

[nrjsya]

بنات شالرد البنت متظايقه من صجها وانتو عظم الله أجرج ماعليه حتاتي نشالله يطيب مادري أكيد دورتي بقوقل أسعافات الكتاكيت زين دورتي باليوت يوب شوفي يمكن تلاقين الحل نشالله ما يمرظون الباقي أنا أول كنت شاريه كتاكيت بس اللمانيه أعتقد يعني الوانهم مو طبيعيه وماتو بس لا تظايقين أنتاي أدعي ربج ونشالله يطيب وصج أقري عليهم يمكن يطيب

 

[still there]

رد : كتكوتي بيموت

حسبى الله على من يبيع الكتاكيت و يلونهم عشان يجذب الاطفال فيهم ,, عسى فلوسهم زقوم ببطنك انت و التجارة و البلدية فوقك اللى ما يدرون وين الله قاطهم

و يا بنات ادرى اشكال الكتاكيت حلوه و تجذب بس لازم تفهون هذولا ارواح مو لعبه .. اذا ما تعرفون لهم و لا عندكم الامكانية لا تشترونهم ,, خلوهم يطيحون بجبد الاسيوين و لا تربحونهم على حساب هالارواح

و اذا صاحبت الموضوع نيتها سليمه و حاولت تعتنى فيه بس غيرها لاااا ,, يجيج الابو جايب حق ولده الصغير كودة كتاكيت جنه جايب العاب ,, و يقوم ولدهم الجيكر المغرور و يفقص فيهم و يربطهم بخيط و يسحبهم و على طول ماتوا كلهم < مذبحة جماعية .. و الام تطالع ولدها الاهبل و تضحك < للحين مقهوره من السالفه

 

[miss.42]

وعليه الله يرحمه

بس عادي ترى يعيشون فترة طويله اذا اهتميتي فيهم

انا اختي كان عندها كتكوت ربته طول عندنا صار دييج
بس الباجي ماتو اهو الوحيد اللي قاوم ههههههه

 

[soso.]

حبيبتي هذي نصيحة مجرب

لا تشترين كتاكيت ملونه لأنهم يكونون تعبانين بسبة الصبغ

اشتريلج كتكوت طبيعي يعني خالي من الألوان الإصطناعيه

والمواد المسرطنه وطبعا لما تيين تشترين نقي لج واحد نشيط

شوفي اللي يتحرك ويلعب ويناقز واخذيه لانج اذا خذيتي واحد

تعبان فاكيد راح يموت عندج سوي اللي قلتلج عليه وان شاء الله بتدعيلي

 

[FeShinGoOo]

رد : كتكوتي بيموت

آآآآآآآآآآقوو الظاهر حايشه برد ترى اذا خايشه برد يموت على طول ماراح ينفعه الطبيب البيطري

 

[Qـويتية]

الكتاكيت الملونة حتى لو اهتميتي فيهم رح يموتون لإنهم مصبوغين والصبغ والمواد الكيماوية كلها دشت في حلوجهم وعيونهم وخشمهم حتى استيعابهم مو مثل استيعاب الكتاكيت الطبيعية الي تستمر معاج وتكبر ...

ذبحني صمتي\ منو قال ان القراية عليه شي يضحك ؟؟؟ حياتي عاااادي القرآن للكل ولجميع الخلق لا شي يضحك ولا شي أنا دومي أقرا على سنجوبتي لي فقدت الأمل في علاجها والحمدلله ربي ما يقصر سبحانه

nrjsya\ صح كلامج والله ...

still there\ معاج في كل كلمة قلتيها وناوية أفتح موضوع عن هالشي بصراحة، بس حتى لو طاحو بجبودهم فرح ينذبحون، يالله على الأقل يموتون بسرعة ويرتاحون أحسن من إن يموتون شوي شوي ويتعذبون من ايد لي ايد ومن الجو ... إلخ، أخخخخ للأسف بعض الأهل يشجعون عيالهم ... والله شكلي بكتب الموضوع الحين شوقتيني زيادة كثر ما انا متشوقة

 

[tnkora]

لا حياتي هذا ما يبيله ذكاء ولا شي انا شفته شلون يلونهم لايف على الطبيعه اول خطوه يحط فوق اربعين كتكوت صفر ويحطهوم في تب
ويقعد يحط الصبغ وكانه شامبو عليهم وبعدين يلبس الجفوف ويقعد يقلبهم كان يقلب عجينة وبعدين يشيل اربعه اربعه وايدوا يغرف جذي وينكتهم وبعدي ن يحطهوم بسنارة ببسي ويخليهم بالشمس ويشوف الميت طبعا شارب صبغ هذا يحطه في سنارة بيبسي بعين يقطونهم بالبراحه وبعدين يشتغل بالدفعه ال ثاني والثالثه هذا كان بالصيف والجو حار وحاطهم بالشمس احنا الاوادم ما نتحمل نوقف دقيقه بالشمس ما بالج حيوانات توها طالعه من البيضه وبشتى لما يسوولهم جذي ويحطهوم مو برد عليه ولا لا احنا ما تحملنا البرد الله ينتقم منهم ( يبا مالج شارب صبغ ليما قال بس ومعدته ما التحمل الصبغ الكيماوي على شان جذي كل البط العنونو والكتاكيت يموتون وصح كلام امج صغير ما راح يووله ممكن يسووله غسيل معده والله وديه وجربي منت خسرانه والملونين بلييز لا تشترون من الي يبيعونهم اشترو الصفر حرام ما يعيشون وايد بااااااااااي)