كتبي معاناتج كونج متينه

[diamond doll]

السلام عليكم

بنات ياليت القى تفاعل من هالموضوع لاني ساعات وايد يضيق خلقي ويصير ودي لو اموت

خل اقولكم قصتي

كنت متينه ( وزني كان 68 ) ضعفت بطريقه صحيه وغيرت كل نمط حياتي و وصلت لوزني المثالي خلال تقريبا سنه او اقل اللي اهوا 45 كيلو ( وكان ودي اوصل 39 )

بس انصكيت عين قويه جدا وخلال 7 اشهر زاد وزني تقريبا اربعيين كيلووو !!!!

قمت اكل بشكل هستيري مثل المو صاحيه يعني شهر رمضان هذا الي طاف كنت رشيقه وامشي جني بطير

الحين وايد قاعده اعاني

اول شي الملابس ماقدر البس اي شي

ثانيا استحي اطلع جدام الناس ومستحييييل اروح عرس او حفله اذا صار وانا بهالشكل

وثالثا التعليقات ! اخوي 24 يعيب علي وانا اسكت لاني ادري اني وايد متينه

رابعها احس محد يقبل بهالوقت يتزوج بمتينه يعني بيقول انا طايح حظي عشان اتزوج وحده جسمها x

بنات انا ماحطيت هالموضوع عشان اضيق خلقكم بس ابي كل وحده تكتب معاناتها عشان مانحس ان بروحنا ونحاول نغير هالشي للابد

واكثر شي محرج انه بالاماكن العامه استحي اكل او اطلب ايس كريم او وجبه من مطعم وهم استحي اطلب سلطه يعني جنه مسويه روحها رشيقه

خاصة لما نكون بغرفه صغيره مثلا دوره او محاضرة محد يطالع فيج كأنج مو موجوده عكس قبل احس اني كنت مرغوبه
:eh_s(11):

 

[شــــــــــــــوقــــه]

اول شي لا تعيشين باحباط و اكتئاب ابتسمي :eh_s(14):

و ضحكت على كلامج اخر شي اكل سلطة يعني رشيقة :dddds:

اقولج قصتي

انا قاعده احاول اضعف حاليا و ان شاء الله بحيل الله استمر لي الوزن الي ابيه :yaaaaaarb:

سالفة اللبس و هذي كل المتان يعانون منها الا الثقة ما شاء الله تلقينها طبقات و تلبس ضيج و تتمشى و يا ارض انهدي ما عليك أدي :cxxxp: مادري شلون ما يشوفون الي احنا نشوفه ولا يحسون نفس الي احنا نحس فيه

انا اعرف حق جسمي باللبس ما البس شي يفشلني ولا البس شي يطلعني متينة فوق ما انا متينة

انا مشكلتي وراثة من تحت عريضة وهالشي وايد متعبني باللبس اتضايق احس اووفر

طبعا قبل كله اسوي رجيم و اخرب ما التزم بشي خصوصا اذا كان مع دكاترة ما احب طريقتهم

متى قررت اسوي و التزم ؟؟

لمن دقو على امي و قالو بنيي نشوف البنت حق ولدنا ! :eh_s(1):

انا سيده قلت حق امي لا مابي و طلعت اعذار ومن ضمنهم قلت ما اتزوج وانا جذي لازم اضعف

مابي اسمع من احد لا متينة و خل تضعف ولا ابي ريال يعايرني و يقارن

عاد قلت خل الحق على عمري لي متى انا جذي و ماشية الحين بس النزول بطيييء حيل حيل و خايفة امل و اوقف :eh_s(11):

 

[فله يافله]

السلام عليكم

بنات ياليت القى تفاعل من هالموضوع لاني ساعات وايد يضيق خلقي ويصير ودي لو اموت

خل اقولكم قصتي

كنت متينه ( وزني كان 68 ) ضعفت بطريقه صحيه وغيرت كل نمط حياتي و وصلت لوزني المثالي خلال تقريبا سنه او اقل اللي اهوا 45 كيلو ( وكان ودي اوصل 39 )

:eh_s(11):

ياقلبي الله يعينج والله فعلا المتن شي صعب جدا على الجسم والنفسيه

بس ياعمري تقولين كنتي متينه وانتي وزنج كان بس 68 الله يهداج عيل الي اوزانهم بالميه وزياده شنو يقولون عن نفسهم شخليتي لهم وتوصلين للتسعه وثلاثين .... لاتعليق

 

[طريق السعاده]

ههههههههههههههههههه

ي حبي لك بس ولا متينه ولا شيء انتي عندك زياده ف وزنك فقط
هههههههههههه انا كنت 86 هههههههههههه < شاحنه يعني
نحفت ورجعت سمنت طول حياتي بدايت تقريبا هههههههه بس الحياه حلوه وبصراحه انا ثقتي بنفسي قويه او من داخل انهز بس احاول قد ماقدر انميها واللبس لاتلبسين ملزق بالجسم ولا بعد الواسع لان الواسع يكبر زود ع السمنه تطلعين كنك فيله
وشوي شوي الحين ماشيه وصلت 60 خلال 5 شهور تقريبا مع رياضه مشي واذا جا براسي رقصت زومبا بس
روقي وحبي نفسك وبتلاقين وزنك ينزل باذن الله ولاتفتشلين من عمرك عادي الحياه حلوه وعيشيها وانتي راضيه وسوي كل شيء يوصلك للرضا عن نفسك وبطقاق ف كلام الناس المهم نظرتك لنفسك ونمي ثقتك فنفسك وعدلي فيها


انا مثل شوقه لما صرت انخطب خفت وتعدلت اموري هههههههههههههه مابي احد يقط كلمه علي وللحين رافضه اي زواج لين انحف واكون بيرفكت واحط رجل ع رجل واتشرط ههههههههههه < ارحمينا ي ام شروط

 

[diamond doll]

مشكورين بنات على مروركم

المشكله ان وزني صار بالثمانينات وبزياده مستمره فهذا الي محبطني

 

[Hawraaaa]

مشكلتي أنا الأكبر وزني ١٠٨

 

[لمسات فتاة]

بنات ي حلوين

أهم شي تبتعدون عن الاحباط والاكتئاب لان هالشعوور يتعب ويزيدكم في الضيق

قعدي مع نفسج وقوي عزيمتج
امشي ع رجيم صحي مع رياضه مدة 4 الى 5 مرات بالاسبوع معدل ساعه ..
خلي لج يوم بالاسبوع فيه وجبه فريييه
حفزي نفسج بنفسج لاتنطرين من احد السعاده
اسمعي كلام الناس باذن وطلعيه باذن
صدقيني بس تضعفين وتتغيرين بتسمعين الكلام الي يرضيج وانتي بترضين لنفسج . .
وادعي الله ..
وصدقيني اهم شي النفسيه ..
وشرايج نتحدى . ؟؟
انا اابي انزل 20 كيلو مني ليما رمضان وربي نقدر أهم شي لا تكتئبين ..

 

[Hawraaaa]

مومشكلة حبيبتي انشالله ومشكورين عالنصايح راح أتحداج هههه وانشالله أضعف :eh_s(17)::eh_s(17):

 

[Koko7taty]

اب لعيونكم


وزني كان ٩٤ وسويت تحاليل التكميم كان باقي السونار والمظار سويت السونار ولا اكتشف أني حامل ولله الحمد
والحين وزني ١١٢ ومستمر بالصعود الله يستر

​

 

[دلال كووول]

الله يوفقج يارب ويحقق امنياااتج​

 

[Hawraaaa]

اي والله الحمدلله انشالله تولدين بالسلامة حبيبتي

 

[وهج الحب]

السلام:
انا متينه من طفولتي ..
لم اجد معناة بحياتي بسبب متني الا احيانا قد يرمي اخي سخرية تخجلني او قد يرمي شباب غريب عنا كلمة ...واللي يضايقني كان لاني مراهقة الاحاسيس متضخمة عندي طبعا ..
ولكني اجدها سخيفة الان ..
وكما يضايقني كان شكلي يوحي اكبر من سني ولكن من ناحية ان هناك من يحسسني اني مرغوبة هو كثرة الخطاب لي فقد لاينقضي وقت حتى ياتي من يخطبني فلم اجد معاناة من هذه الناحية.
لكن معاناتي جاءت من الجامعة والى الان وهي اللبس نعم اللبس الانيق لاني لا اجد ملابس جميلة انيقة توافق ذوقي فكل ما اجدة اخذه لانه الموجود فقط ...

 

[اميره بكلمتي]

اول شي ابتعدوا عن الاحباط والنفسيه الاكس

حاولي تستعيدين ثقتج بنفسج وتبدين حياه جديده تقولين انا حلوه بس لو اضعف اصير قمر شحلاتي وابدي من هاللحظه خلي عندج شجاعه واراده قويه وابدي رجيم ونادي وكل شوي قولي انا الرشيقة وخليج واثقه من نفسج او اشتركي بدايت سنتر

 

[اميره بكلمتي]

انا كنت مثلكم متينه وزني 112 يوووووما شكلي فضيع كره مدوره لاطلعات ولازوارات ولاشي وكنت مطلعه حرتي بس بالإكل وحتى الملابس ماكنت احصل قياسي تتعب نفسيتي بشكل فضيع والحين من بعد الضعف صارت نفسيتي عال العال والثقه بالنفس مرتفعه وحركتي صارت اخف عن قبل بواجد وحتى الملابس صرت البس كل شي ما انزعج منها وبعدين حتى الأزواج الحين مايبون البنت المتينه يبون وحده رشيقة ضعيفونه

 

[فـــخـــر]

ومن قالج انه 68 متينه :|

انزلي 3 او 5 خليج فـ بداية الستينات حلوو مليانه مو متينه ولا عصلة : )

 

[PrettyPretty]

شوفوا بالانستغرام الحل السريع عند 7bob_thailand

 

[Hawraaaa]

لا انشالله برووح النادي وببدي بالرجيم

 

[Hawraaaa]

مو رجيم مرة وحدة لا اخفف

 

[مستحيل أنكسا]

شاكر لك طرحك الرائع

يعطيك العافيه

برودكاست برودكاست برودكاست برودكاست بلاك بيري برودكاست بلاك بيري برودكاست للبلاك بيري مدونات مدونات مدونات الاعضاء اناشيد فساتين عرايس فساتين تسريحات عروس مكياج عرايس ديكورات ديكورات غرف نوم مطابخ فساتين فساتين فساتين مكياج مكياج ميك اب ازياء ازياء اكسسوارات فساتين اطفال ازياء اطفال تسريحات شعر تسريحات شعر تسريحات صبغات للشعر طبخ حلويات معجنات خواطر قصائد صوتية شيـلات صور صور انمي صور انمي صور انمي افلام انمي بلاك بيري منتديات منتديات منتديات ايفون رسائل صور تصميم صور تصميم صور للتصميم صور تصاميم صور مسن توبيكات صور من لستتي رمزيات بي بي رمزيات من لستتي رمزيات رمزيات بلاك بيري رمزيات بلاك بيري​

 

[Spoildish]

86 متينه؟؟؟ جم طولج؟؟ عيل احنا شنقول بالثمانينات اوزانه