كتبي شعـورج اليـومي كل ما قرب العـرس يـوم وطلعي حرتج فينا .. شنو احسـاسج !!

[معزوفه حنين]

الله يوفقكم عرااايس

انااا ما تحدد عرسي وميته من الخوف حيااه يديده

 

[تنآهيد ..~]

يسعد لي صبآحكم =$

أخت خآلتهم
آلله يوفقج يآرب بـ درآستج وبـ زوآجج وإن شآء آلله تطلعين أحلى عروسآ ؛)
شعوري :
مآدري أحس عآدي :/

 

[اخت خالتهم]

فديتكم وحده وحده
احساس عروسه
حيـاج الله يا عروستنا اليديدهـ ..
تناهيد تسلمين يا قلبي​

 

[حور العيون]

قلبي يقول تق تق تق تق تق كله احااااتي


واحلامي كلها انقلبت بالعرس وعريس الغفله هههههههههههههههههههههههه

 

[حور العيون]

اخت خالتهم كسرتي خاطري عدادج قرب بالايام ياويلج ههههههههههههههههههههه

 

[[]نهاوند[]]

انا بصراحه خايفه حدي احس مابقى شي والعدا التنازلي بدا
الله يعين :/

 

[اخت خالتهم]

حور العين
ههههههههههههههههههههه شفتي شلون

نهاوند
حااسه فيج والله

عسى الله يوفقنا يا كريم

 

[حور العيون]

بنات سؤال خارج الموضوع


جم جهزتوو بجايم قطن لاني محتاره

 

[سموالمجد]

انا ما حددوه بس خايفه حيل حيل حيل
واقرا كلامكم وخايفه معاكم مع الخيل يا شقرا

 

[اخت خالتهم]

حور
مممممممممم ليش تحسبينها على بجايم القطن
البجايم كلها جم عددهم
جذي حلاته الاجابه

ممم انا تقريبا البجايم كلها 10 بس
ماا شريت وايد
ويمكن اشتري 3 زياده
وبس
والقمصان شريت 4 قصار و 4 طوال
وبعدين بتطلعون وتتمشون
اكيد بتشترين معـاه
انتي ماراح تهاجرين << كلمـه أمي
امي كانت تبي اشتري 5 بجايم لووول بس انا شريت اكثر وبزيدهم بس المهم ان مو اقل من 10
والملابس الداخلية الطقم تقريبا 9
و السليب القطن شريت 4 مجموعات واحد كلهم بيض والثاني كلهم سود و اثنين كلهم ملونين

 

[اخت خالتهم]

ولا تنسين خلي بجامتين بنطروناتهم سود عشان وقت الدوره تلبسينهم​

 

[رمز الفخر]

الســــــــلام عليكم
شلونكم بنات وحشتوني
اخت خالتهم الله يوفقش في الدراسه والزواج
كلي اماني يااقلبي وينش طمنينا عليش
شعوري الحمدلله خوفي من الطلعه معاه كان غبي لانه بكل صراحه فللللللللله والتجهيز كل ماقلت اني خلصت طلع لي شي جديد وامتحاني بعد اربع ساعات وللحين دراستي لعب موووو راضي يدش مخي اف ومتحطمه لاني بتكون معاي عروس ثانيه بس الحمدلله على كل حال

 

[الـــغـــلآ]

اخت خالتهم انتي 10 بجايم تدرين انا جم كاتبه بالنوت ؟؟؟




<< كاتبه 30 بجامه و لا اقول جنهم شوي هع

تدرين ليش ابي يكون عندي بجايم و زياده مابي ينقصني شي ابي يزيد علي بس ما ينقص و مابي يكون ضروري اشتري الباقي معاه يمكن حزتها استحي و لا ما يدش مزاجي شي

بس اخت خالتهم انا احس ان قمصانج شوي ؟؟؟


لو تزيدينهم ع الاقل 5 قمصان احس بيكون احسن لان اول ما تكونين عروس حلات القميص ما يتكرر مرتين اول الايام ع الاقل


رمز الفخر ريلاكس حبيبتي و ادرسي عدل فكري بمعدلج << علمي نفسج خخخخخ


والله انا اللي صج حاذفه الكتب و ما درست و باجر امتحاني الله يستر

بس تبون السراحه اهم شي نعدي بالدراسه ما يصير جذي معطينها طاف


<< بس جدامي اربع امتحانات مادري ليش معقدتها

 

[اخت خالتهم]

الغـلا .. لانـي اعرفـه و قاعـده معـاه فـ عـادي اروح وارد
و على طاري القمصـان اختـي قواها الله تقـولي لج مني قمصـان هديتـج قبل الزواج بيوم
عشان جذي ما شريت الا 8
و البجايم شريت 10 لان ماراح نسافر كل وقتنا بكون بالسوق وانا امي عطتني فلوس قالت لما تطلعون وتتمشون اشتري وكملي
وبعد انا بشتري شوي زياده 3 او 4
وبس​

 

[اخت خالتهم]

اي وصج لا تنسون الارواب اللي تلبسونها فوق القمصان اذا تستحون
انا شريت واحد اوف وايت و واحد اسود قصير و واحد عنابي كلهم حرير و حلوين تحسين انج انثى

 

[ريومه2011]

يسعدلي صباااحكم عرايسنا الحلوااات...
اخت خاالتهم بعد قلبي بدا العد التناااازلي هالله هالله بالاذكاااار وسورة البقـره
ربي يوووفقـــــج حوووووبي
بنات جم شريتوا طقم للذهب انا للحين ماااشششريت ناطرته ينزل
ولو ع كيفـــي مااشريته ههههههههههههه بس مامي فديتها ملزمه علي
توقعوون لو اشتري طقم وااحد يكفي!!!!!!!!!

 

[الـــغـــلآ]

اي وصج لا تنسون الارواب اللي تلبسونها فوق القمصان اذا تستحون
انا شريت واحد اوف وايت و واحد اسود قصير و واحد عنابي كلهم حرير و حلوين تحسين انج انثى

تصدقين راحو عن بالي خخخخخ

 

[لمع الذهب]

صباحوو ياعرايس
شخباركم ياعرايس؟؟؟
شعوري الحين مستانسه لاني طلعت من الدوام والحين بفراشي ياسلاااااام على النومه الحين

 

[ام يوسف2011]

وااااااااي موضوعج روووعه والله ان يا بوقته ..

انا عرسي تاريخ 22/6 ومييييته خوووووووف .. قبها بجم شهر كان ماعندي احساس

وماكنت خايفه كلش بس من صرنا بنص شهر 5 وانا حالتي حاله احس حتى على الريال تغيرت

وهو مسكين حاس فيني بس ويدري اني تغيرت في الآونه الاخيره >>اهم شي لوول

بس مسكين كله يهديني ويطمني .. ابيه صارت حياتي بجي في بجي ..

دايما افكر ان مابي افقد اهلي وحسهم بالبيت واحيانا افكر مابي افقد العزوبيه مستانسه عليها

لا واكره شي لما اطلع جسمي وقعد اطلع فيها عيوب ماكنت منتبه لهم ايام العزوبيه ..

افففف شي يوتر .. لا والحين قاعده اسوي ليزر وخايفه يخلص مهري عليه

امي تقولي لاتسوين ليزر بريلج ترى اذا خلصت فلوسج بتتوهقين .. لا واحس اني غلطت لما

قلت بسوي عرس ياليتني قلت ابي بس ملجه وستقبال بصاله وبس

بس انا طقيت بريلي وقلت اهم شي عندي العرس .. يالله خلوها على الله والله يابنات كل يوم آكل بندول

احس راسي بينفجر اذا ماكليت لا واحيانا اقعد افكر اقول انا كلش مو قد المسؤليه وببيت اهلي مااحرك عود

اشلون بقعد انظف وطبخ ومادري شنو بعد !!!

الله يعيييييييييييين كل عروس ويهون عليها ويمسح على قبلها ويبعد عنها التوتر ..

 

[العطر2011]

أنا زوج المستقبل ما يوااااااطن السوقه ولا المطاعم

تهقون اشتىي 60 بجامه خخخخخخ ؟؟؟


الله يسسسسستررر



شعوري ..

مـآآآآزآآآآال التتنيييح مستمررر ..