..ليالي..
New member
- إنضم
- 1 ديسمبر 2008
- المشاركات
- 2,370
- مستوى التفاعل
- 0
- النقاط
- 0
السلام عليكم ورحمة الله وبركاته
انا امس سويت على الغدا كبسة لحم مع باميه <<<ايه باميه ليش مستغربين
انما ايه
تاكلي صوابعك وراها
عاد قلت حبيباتي كويتيات لازم اتجربونها لااتطوفكم حدها حلوه والله
اللحين اقولكم المقادير
لحم على حسب الكميه اللي تحبين
بصل مقطع جوانح
طماط مقطع مكعبات صغار
جزر مقطع طواليات
فلفل اخضر بارد مقطع طواليات
وجنزبيل مدقوق
وباميه ((انا حطيت مثلجه لان ما عندي طريه ))
وقرع مكعبات كبار شوي
يلا نبدأ بسم الله
غسلتوا ايدكم
يلا حياكم
اول شي نحط اللحم على النار حتى يطلع منه الماي نفس هالصوره
واذا تناشف عنه الماي احط عليه بهاراتي اللي احبها ((انا احط بهارات حب اكثر شي مثل الفلفل الاسود والمسمار
والدارسين وهيل وكزبره وكمون وبهارات سعوديه مع كركم وشوية كاري ))
واذا طلعت ريحة البهارات مع اللحم احط عاد البصل والجنزبيل واخليه يتسبك شوي ((ميزه هالطبخه انج ماتحطين عليها دهن كلش كافي دهن اللحم ))
وعقب عاد احط عليه الخضره بالتدريج اول الجزر وبعدين الفلفل الاخضر واخر شي الطماط واقصر على النار واخليه
يتسبك وياخذ نكهه على راحته
وبعدين عاد اكون مجهزه ماي حار يمي واحطه على اللحم علشان يطبخ اللحم وينضج واخر شي عقب مايطبخ اللحم
احط عليه القرع المكعبات
واخر شي الباميه علشان ماتذوب
ملاحظين بنات ان الدهن واجد بالجدر مع اني ما حطيت ولا قطره
عاد اتكونين غاسله العيش ومنقعته تكتينه على اللحم المطبوخ بالجدر وتساوينه
بحيث يكون الماي فوق العيش بشوي مثل الصوره ((احلى شي عندج عيش بوابة الهند يضبط على طول ))
واذا تناشف الماي غطي الجدر وخليه على نار هاديه ياخذله تقريبا نص ساعه الى اربعين دقيقه
واهني عاد لما نجبت الغدا لأبو الشباب والباقي حطيتلي للفطور لاني صايمه
وبالهنا والشفا
والله عاد طعمه جنان لا تغركم الصوره ظالمته
انا امس سويت على الغدا كبسة لحم مع باميه <<<ايه باميه ليش مستغربين
انما ايه
تاكلي صوابعك وراها
عاد قلت حبيباتي كويتيات لازم اتجربونها لااتطوفكم حدها حلوه والله
اللحين اقولكم المقادير
لحم على حسب الكميه اللي تحبين
بصل مقطع جوانح
طماط مقطع مكعبات صغار
جزر مقطع طواليات
فلفل اخضر بارد مقطع طواليات
وجنزبيل مدقوق
وباميه ((انا حطيت مثلجه لان ما عندي طريه ))
وقرع مكعبات كبار شوي
يلا نبدأ بسم الله
غسلتوا ايدكم
يلا حياكم
اول شي نحط اللحم على النار حتى يطلع منه الماي نفس هالصوره
واذا تناشف عنه الماي احط عليه بهاراتي اللي احبها ((انا احط بهارات حب اكثر شي مثل الفلفل الاسود والمسمار
والدارسين وهيل وكزبره وكمون وبهارات سعوديه مع كركم وشوية كاري ))
واذا طلعت ريحة البهارات مع اللحم احط عاد البصل والجنزبيل واخليه يتسبك شوي ((ميزه هالطبخه انج ماتحطين عليها دهن كلش كافي دهن اللحم ))
وعقب عاد احط عليه الخضره بالتدريج اول الجزر وبعدين الفلفل الاخضر واخر شي الطماط واقصر على النار واخليه
يتسبك وياخذ نكهه على راحته
وبعدين عاد اكون مجهزه ماي حار يمي واحطه على اللحم علشان يطبخ اللحم وينضج واخر شي عقب مايطبخ اللحم
احط عليه القرع المكعبات
واخر شي الباميه علشان ماتذوب
ملاحظين بنات ان الدهن واجد بالجدر مع اني ما حطيت ولا قطره
عاد اتكونين غاسله العيش ومنقعته تكتينه على اللحم المطبوخ بالجدر وتساوينه
بحيث يكون الماي فوق العيش بشوي مثل الصوره ((احلى شي عندج عيش بوابة الهند يضبط على طول ))
واذا تناشف الماي غطي الجدر وخليه على نار هاديه ياخذله تقريبا نص ساعه الى اربعين دقيقه
واهني عاد لما نجبت الغدا لأبو الشباب والباقي حطيتلي للفطور لاني صايمه
وبالهنا والشفا
والله عاد طعمه جنان لا تغركم الصوره ظالمته
.. ووووووووووووووووووووووووووووووووووووووووووووووووووووره على الطريقه ,,, و لا ظالمته ولا شي طالع رووووعه :>
