كبسة دجاج كلحاوية》
.
خفت اقول كبسة سعودية تقوم علي الحرب ? خفت اقول حساوية ما اخلص .. وتراها غير المجبوس .. المجبوس نزلت طريقته من عشر ايام دوروها بتلاقونها بسهوله .. تختلف شي بسيط وتفاصيل بسيطه .. فقلنا نسميها كلحاوية يووبااا ?
.
#وصفات_كلحه #كبسة_كلحه
.
?️المهم انها اصلا سهله وزادت سهولتها لمن استخدمت معجون الكبسه من ام اف .. ارتحت من سالفة البهارات والمعجون وغيره
.
.
?️ماعلينا .. اللي صار اني تبلت الدجاج بلبن روب وكركم وفلفل احمر بودرة وملح وفلفل ومعجون الكبسه من ام اف (نقعتهم نص ساعه)
.
?️على النار .. قلبت بصل ناعم واضفت عليه معجون ثوم ومعجون زنجبيل همن من ام اف (كل شي عندهم ماشالله)
.
?️قلبت الجميع مع قرن فلفل وحبتين لومي صحاري .. بس طلعت ريحتهم اضفت ملعقتين كبار من (معجون الكبسه) وعود دارسين وورقتين غار
.
?️قلبتهم عدل .. واضفت حبتين طماطم مفروم وحطيت فوق هالخلطه قطع الدجاج وقلبتهم عالصوبين (مو طالعه بالفيديو)
.
?️صبيت ماي وغمرتهم وخليتهم بعد الغليان حوالي اربعين دقيقه لحين الاستواء … اهم شي (لحين) .. سجلوها عندكم ?
.
?️عقبها اضفت الرز المغسول والمنقوع ثلث ساعه فوق الدجاج .. وكالعاده لازم الماء يكون فوق الرز حوالي سانتي وعلى نار عالية
.
?️لما الرز يشرب كل الماء او معظمه ويصير على مستوى الرز … اقصر النار عالاخر واحط حديدة واغطي الجدر لمدة نص ساعه
.
? (انا غطيت بقصدير لان جدري يسرب بخار فحبيت اكتمه) ?
.
?️ناكلها وجنبها سلطات او لبن خيار او دقوس ومعبوج .. جربوها بتعجبكم وبالعافية ?
للمزيد من الوصفات زوروا موقعنا مطبخ كويتيات
