كبرت صدري بس مكان الخياط احمررررر ؟؟

[wishesangle]

حبيباتي انا كبرت صدري من شهرين بس الي الحين مكان الخياط لونه احمر ؟؟؟؟؟؟؟؟

 

[شمريه بلا حظ]

استخدمي جل السيلكون بالصيدليات

مع مساج خفيف

شوي غالي بس يقولون يزيل الاثار كلها بس ترى ماتبين نتيجته الا بعد 3 شهور


امانه ادعي لي بالتوفيق

 

[softlady]

وين سويتيها ؟؟

 

[غاده بنت وليد]

يمكن جسمك متحسس
من الخيوط
الافضل اتصلي بالطبيب
اللي سواها لك اقل تقدير..
هو اللي يفيدك يمكن تاخذين شى
يسبب لك حاساسيه شكل جلد حساس..

 

[om faisal]

وين سويتيها وطلع حلو

 

[كرز أخضر]

بنات..انا مابي تكبير..ابي بس شد..وازالة الخطوط البيضا ....صدري من الحمل

والرضاعه صار مثل دلاغ حاطين فيه تيل..:dddds: حدي متأذيه من شكله...اللي مسويه شد لاتبخل علينا بتجربتها

وبالتفاصيل الممله اذا أمكن..

 

[أميرة الصدق]

لو سمحتي اختي وين سويتي العملية ؟ وجم كلفت ؟ وفيه آلام أو لا ؟ وبعدين آنا سمعت ان الطب تطور وقاموا يسوون هالعملية ببنج موضعي وفتحة من عند السر ! ليش انتي فيها خياط وخرابيط ؟

 

[zqertya]

حبيبتي ياريت تتكلمين عن العمليه عند منو سويتيها ؟؟ وبجم ؟؟ لان احنا محتاجين تجارب عشان الكل يستفيد

حمدالله على سلامتج

 

[كرز أخضر]

وييييييييييييييييييييييييييييييييييييييينكم

 

[{ملاك}]

الحمدلله عالسلامة حبيبتي
انا كأن مره قلتلج ان في ناس نوعيه جلدهم ما تروح الاثار منه بسرعه
اكيد في عند طبيبج لزقه يسمونها لزقه سيلكون تحطينها تقريبا شهر تخفف الاحمرار

واذا في تكتلات عالخط .. يضربهم او يفشهم لج بـ مسدس طبي

 

[wishesangle]

مشكورين حبيباتي .. بقولكم تجربتي ... بعد عناء طوييييييييييييييييييييييييييييل من البحث

طبعا لان زوجي ما يبي الا دكتورة مرا هذا الشي تعبني حيييل لان اغلب الدكاترة المعروفين رياجيل .. المهم بعد سنتين من البحث

رحت لدكتورة ايمان الليثي .. في مرطز عالية الطبي الي بمنطقة المهبولة .. طبعا هذي استشارية و خوووووووووووش دكتورة و نفسيتها حلوة و تصبر على اسألتج و تضحك معاج و تنصح بالاحسن دايم و تخاف الله ..

قررت اكبر صدري و اشفط بطني و احقن المؤخرة اشرايكم بايعتها صح ؟؟؟

اتفقت مع الدكتورة على اني اسوي العملية بمستشفى الصفاة الامريكي لان مستشفى نظيف و اسعارهم حلوه ..

الصدر طبعا سيليكون و الحجم الي اخترته 400 يعني البس ستيان ي d .. ( هذي رغبة السي سيد طبعا )
و كلفني الصدر بروحه 960 تقريبا ... شامل شغل الدكتورة وحشوات السيليكون و المستشفى ... الاسعار حلوة

اما الشفط للبطن فقط لان ظهري مافي شحم الحمدالله بس عندي كريشة صغيره كلفني 600 شامل الدكتورة و المستشفى

و الحقن للمؤخرة من دهون جسمي كلفني 200 الدكتورة و المستشفى

طبعا الدكاترة سعر الشفط غير عن سعر الحقن كل شي له سعره عندهم ما يطوفهم شي ....

يعني العملية كلها كلفتني 1760 ... غير المسكنات و كورسيه البطن و الستيان الطبيي 1900 تقريبا

طبعا جسمي تغير ما شالله

و بالنسبة للعوار فكان اسبوع واحد بس و بعدها و الله مافيني شي اروح السوق و افتر و الوضع طبيعي و الحمدالله

و شغل الدكتورة رووووووووووووووعه حتى بنات عماتي كلهم ناوين يروحون لها لانها مرا افضل ما تكشفين عند رجال

بس الحين تحت الصدر مكان الخياط لونه احمر .. و مافيه شي بس لووون و لان جسمي ابيض فصاير اللون واضح

و الدكتورة تقول هذا يروح مع الوقت .. بس انا بعرف الي جربت العكلية اشكثر قعد معاها اللون ؟؟؟

 

[nona moda]

الله يتمم عليج الكريم ويبعد عنج كل شر يارب وحمدالله على سلامتج

 

[joOody]

الحمدلله على كل حال..

 

[{ملاك}]

الصدر طبعا سيليكون و الحجم الي اخترته 400 يعني البس ستيان ي d ..

هههههههه الله يهداج انا 250 ومو عارفه اخشهم :krkrkr:

المهم سؤالج عن لون الجرح اكرر في ناس على حسب نوعيه جلدهم

مثال انا والوالده سويناها عند دكتور واحد .. هي اثرها راااح اختفى مووووووووليّة
اما انا الخط اليمين اغمج .. الخط اللي عاليسار فاتح ..

على حسب :0bee2e8d89:

 

[انوار]

الحمدالله على السلامه

والله يهينج بلوك الجديد و يحميج :ggdw:


وحبيبتي لاتحاتين بعد ست اشهر انشاءالله يخف مثل مااقالت الدكتوره


وشنوو اسم الدكتوره

 

[حور العيون]

الحمد الله ع سلامتج

ابـ لعيوونج

 

[softlady]

ملوكه وين سويتيها ؟؟

 

[{ملاك}]

ملوكه وين سويتيها ؟؟

بدار الشفا حبيبتي عند احمد عادل نور الدين

 

[برميته.]

بسألج سؤال حبيبتي:تحسين بصدرج يعني باللمس والا خاددر؟

 

[(مزاجية)]

ههههه ما بنمل من الاسئله و لازم تفاصيل ممله

هل بياثر على الرضاعه
؟