كان قلبي لك مدينة .. ولاحظ إني قلت كان

[ملآك بهيئة بشر!]

طبعا الروايه راح أنقلها لكم من دون أي زياده فيها أو نقصان


كان قلبي لك مدينة ولاحظ إني قلت كان..
روايتي الثانية.. الأقل من متواضعة بين يدينكم..
حبيباتي شاركتوني ببعض القلوب مسكرة الله يبيح سدها
وانبسطنا مع بعض.. وفليناها..
واليوم نلتقي.. مع رواية جديدة..
كان قلبي لك مدينة ولاحظ إني قلت كان..



------------------------------------------------------------------------------------------------------------------------------------------------
------------------------------------
---------------
--------





~[ المواجههـ ]~
شهد بعصبية:وكيف تقرر عني؟؟ أنا قلتلك إني رافضة .. تعرف شو يعني؟؟
تركي: مو بكيفك.. أنا عطيت الرجال كلمة.. وملكتك بعد بكره..
شهد وارتفع ضغطها: انت شتقول؟؟ مجنون انت؟؟ ملكة بعد يومين من الخطبة؟؟
تركي: ليه وش وراك يا خانم؟؟
شهد: مو بكيفك.. مو عشاني يتيمة ومالي سند ..
تركي: أنا قلت وخلصت.. وأظن لي كلمة عليك.. أنا أخوك .. وولي أمرك..
شهد بصراخ: هذا ما يعطيك الحق إنك تتدخل بحياتي.. سااااامع؟؟
تركي: هه.. غصبن عليك.. ورجلك فوق رقبتك بتتزوجينه..
شهد: ايه.. ادفني مثل ما دفنت دانة.. انت الي قتلتها يا تركي انـــــــت
طلعت غرفتها تركض ودموعها بالأربع ما وقفت..
اليوم أخوها بيعلن نهايتها .. الي ما كانت مختلفة كثير عن نهاية المرحومة دانة..
بيزوجها غصب عنها.. طبعاً لأنه مالها أحد.. غصب عنها بيتحكم تركان بحياتها..

~[ شهد العســل]~
عمرها 18 سنة.. تدرس بثالث ثانوي.. أهلها متوفين بحادث.. وما بقى غير هي
وتركي ودانة.. أخوان أشقاء .. تركي اعتنى فيهم.... شهد بنت حلوة .. بيضة وشعرها لنص الظهر.. لونه أسود.. عيونها بني غامق
ذباحة.. واسعة ورمشها سليل.. وحواجبها حادة وكأنها مرسومة.. فمها نقطة
بوجهها .. لون شفايفها وردي فاتح.. وخشمها نحييف ودقيق .. بس صغنتوت مره..
بنت مرحة بس بهدوووء .. بس في الحق ما تخاف .. ما تدافع عن نفسها أبد.. إلا
بالحالات الحرجة.. حنونة.. بس عنيدة.. دمعتها على خدها..
أتصور عرفتوا الكثير عن شهد العسل..
طبعاً اسمها الكامل شهد العسل.. بس ما ينادونها إلا شهد >> اختصار..

~[ صديقهـ ]~
كلمت شهد العسل صاحبتها بسرعة..
سمر: هلااا بالغالية.. هاه وش صار؟؟
شهد: هلا فيك.. بيزوجني غصب هالسافل
سمر: وه.. مبروووك يختشي..
شهد: مبروك بعينك.. أنا أنذبح وانتي تباركين؟؟
سمر: أهم شي.. عطيني الحين المواصفات ..
شهد: ههه رايقة..
سمر: العمر؟؟
شهد: أوووف منه.. عمره 22 إن شاء الله ما يكمل
سمر: يؤ لا تدعين.. ما أحب ذا الدعاوي
شهد: زين..
سمر: المهم.. مزيون؟؟ شفتيه؟؟
شهد بنص ابتسامة: ايه شفته..
سمر: مزيون؟؟
شهد: بالحييييل يا سمور بالحيييل
سمر: يؤيؤ.. بدينا نحب؟؟
شهد: ضفي مع وجهك.. أكبر مني بمادري كم مو وقتك..
سمر: والله أنا بعد حاز بنفسي هالزواج
شهد: أجل أنا شهد بنت نايف.. ياخذني ثانية.. وعشان الولد؟؟
سمر: هو شافك؟؟
شهد: لاء طبعاً وين بيشوفني؟؟
سمر:أنا رايي إنه من يشوفك بيخق.. وينسى طوايف مرته
شهد: لاء.. يحبها موووت..
سمر: خصارتون.. ياربي.. اوصفيه..
شهد: أسمر.. سماره يخبل لو تشوفينه.. أنفه سلة السيف وربي.. وعيونه واسعة.. وفيها لمعة مادري كيف جايه.. وحاجبة آآخ عذااااب.. حاجبة مشكوك بغرز.. بالطول
سمر: أووووووخص.. يجنن أجل؟؟
شهد: عذااااااب.. أففف.. بس ما أحبه..
سمر: مو لازم تحبينه.. المهم إنه يخبل..
شهد: يخبل وبس؟؟ تقولين براد بيت سعودي..
سمر:ههههههههه .. فديتك.. يلا خل أنزل لأبوي.. يمكن يغصبني أتزوج مزيون
شهد: ههههههههه .. فديتك.. روحي لأبوك..
سمر: باي.. ولا تضايقين نفسك.. إذا ما بغيتيه سوي مثل ذيك الي بالفلم واطعنيه ليلة الدخله
شهد:هههههههههه .. وربي شاربه شي.. يلا باي..
سمر: هههههههههه باي..
قفلت شهد العسل من سمر وهي مرتاحة نفسياً ..
~[ سمــر ]~
صديقة شهد الروح بالروح.. عمرها 18.. ما يخفف عن شهد إلا هي.. بنت تجنن.. كاملة
والكامل الله.. تخبل.. تواصيفها تذبح >> فهمنا
هي تقرب لشهد بنت عمتها
سمارها يذبحححح.. ويخبل.. سمار برونزي يلمع بوجهها..
عيونها بها عناد ومرح خاص فيها هالبريق..
عيونها رمادية بااااهتة.. ومحدده بالأسود.. لأن أصول جدتها لأبوها تركية ..
ملامحها صغيرة .. رموشها أطول منها مافيه..
وشفايفها تشتهين تناظرنها .. حلوة موت.. شعرها أسووود..
ويوصل لأسفل خصرها بشوي.. وطبيعته كيرلي..
هالبنت مرجوووجهـ بس أكيد حلوة .. مافيها هدوء شهد.. رومانسيتها بخبال..
دلوعة شوي.. وتحب الغرور بس مو بمغرورة.. حنونة مره
ونقطة ضعفها براد بيت .. هههههههه



~[ الإستسلامـ ]~
نزلت بهدوء بعد ما طلبها أبوها..
وقلبها يرقع من الخوف.. عاد هذا أبوها.. حنووون موت.. وعمره ما مد يد على أولاده.. لكن له هيبة .. يممه يخوف>> خافت خجولتكم
سمر بركادة يقالها العاقلة: سم يبه.. طلبتني؟؟
جابر: اجلسي يا بنيتي..
سمر جلست: هلا يبه.. آمرني..
جابر: ما يامر عليك ظالم.. يابنيتي وش قلتي بولد عمك نواف؟؟
سمر فيها الصيحة: يبه.. ولد عمي على عيني وراسي.. لكن.. ما ينجبر قلب على قلب
جابر: وش كلام المخربطين ذا؟؟ يا بنيتي.. فكري بعقلك..
سمر: يبه.. انت شايف إن نواف مناسب لي؟؟
جابر: لو مو شايفه مناسب كان رفضته بدون شورك..
سمر: اسمحلي يبه.. بس أنا مابي ولد عمي.. بعدين يبه.. انت ناسي سعود؟
جابر: يا بنتي سعود ماعاد بين أبد.. وما هقيت إنه يبيك بعد هالسنين
سمر: يبه أنا واثقة إن سعود بيرجع .. وما أبي أخذله
جابر: وإن قلت عشان شيبات أبوك؟؟
استسلمت.. وقضت على أحلامها.. وآمالها..
بإنها تتزوجه.. حبيب الروح.. الي للحين مارجع..
وعدها بيرجع من لندن ويتزوجون..
هو خطبها بس.. حتى ما ملكوا..
ولعنت نواف مليون مره..
هو يدري بسالفة عشقها.. لكنه حجر.. قاسي.. ما يحس
لكن حلفت إنها توريه الويل..
سمر باستسلام: موافقة يبه..
جابر تهلل وجهه: ألف مبروك يا بنيتي.. والله يقدم الي فيه الخير..
سمر: الله يبارك بعمرك..
طلعت سمر ركض لغرفتها.. وهي تمسك دموعها عن تنهار.. وتعلن نهايتها..
آخر شي توقعته من نواف النذل.. يحطها بالموقف هذا..
يقهرررررررر بجد..

 

[ملآك بهيئة بشر!]

~[ خـ ج ـل العذارى]~
دخلت شهد وهي متمسكة بذراع أخوها.. وخايفه موووت..
ناظرها خالد وابتسم نص ابتسامة..
تركي: وجع.. ابعدي عني يا اللصقة..
شهد بهمس: تروووك.. حبي انت.. لا تتركني معاه يخوف..
تركي بصراخ: ليه بياكلك هو؟؟ اخلصي علي..
وأخيراً تدخل خالد: شهد.. تعالي ليه خايفة؟؟
شهد شوي وتصيح من صوته الي فيه بحة جذابة..
تركي فك يدها بالغصب..
تركي: هذي هي لك يا الصهر..
خالد ابتسم..
طلع تركي وتركهم بحالهم..
شهد صارت تبلع ريقها أكثر من مره.. حلقها جف.. هي كذا لا توترت..
ناظرها خالد.. ومو قادر يشوف شكلها.. لأنها منزله راسها..
شوي وتوصل للأرض..
خالد: كيفك شهد؟؟
شهد: بـ .. بخير..
خالد: مبروك..
شهد:الله يبارك فيـ .. فيك..
خالد: أنا أجلت موعد الزواج ليومين كمان
شهد:ـــــــــــــه.. مين يومين؟؟
خالد بحزم:أنا حجزت وتكفلت بكل شي.. وفستان الزواج موجود..
شهد: بـ .. بس..
خالد: لا بس ولا شي.. يلا بالإذن أنا رايح.. وإذا احتجتي شي رقمي عند تركي..
شهد انقهرت مره من تصرفه..
لكنها مشتها.. وناظرته بنص عين.. وهو ما انتبه..
هو ناظرها نظرة وحده.. وجذبته.. لكن زوجته الأولى ما غابت لحظة عن باله..
قام وترك المجلس بكبره..
وطلع..
~[ استيعاب الواقع ]~
مها: ايه يبه أنا موافقة على ولد عمي
جابر: ايييه.. الله يريح بالك.. مو مثل إختك الي ما ينعرف لها..
المها بألم: يبه.. سمر تحب سعود..
جابر: حبتها القرادة.. ماعندنا هالكلام..
المها بخوف: بس هو خطيبها يبه..
جابر: أقول.. تنثبر هي معه.. المهم انتي تجهزي لزواجك من ولد عمك فيصل
مها: إن شاء الله يبه.. انتوا اجلسوا وحددو كل شي.. من المهر ليي الزواج.. وأنا موافقة..
جابر تنهد: هييييه .. الله يريحك مثل ما ريحتيني يا بنيتي.. إلا وينها إختك سمور؟؟
مها: عند بنت خالي شهد يبه ..
جابر: اييه.. زين زين..
طبعاً ذكرنا قبل إن سمر بنت عمة شهد.. وشهد بنت خال سمر..

~[ المها ]~
اخت سمر الكبيرة عمرها 20 سنة.. جمالها نجدي يذبحح..
حلوة حيل.. وأحلى مافيها سمارها..
حساسة.. وتخاف من أبوها.. خطبها ولد عمها فيصل..
الي يحبها مووت.. لكن هي ما تحبه..
يعني هي كانت متأملة يتزوجها سامي أخوه.. لكنه للأسف يهينها دايم ..
هالبنت مثل ما قلنا حساسة وطيبة.. ما تحب تجرح أحد.. وحنونة حيل..
طلعت المها غرفتها.. خلااااص الليلة.. وافقت على الي يعشقها بجد..
مرت فترة..كانت مو مستوعبة إنه سامي ما يحبها..
كانت تحبه وتعشقه مووت..
وأحيان تتميلح قدامه لكنه ما يعطيها وجه..
والحين استوعبت الواقع.. إن الي يستاهلها هو الفيصل..
رجااال من ظهر رجال..
يحبها ويموت بترابها.. ولو بتطلب عيونه بيقول فدوتك يا روح الروح..

~[ وصايـا العشيقة ]~
الجوهرة: ايه يا روح الجوهرة إنت..
خالد: خلاص أجل.. مثل ما قلتي.. خلها تلبس فستان زواجك.. مو بصاير شي..
الجوهرة: عفيه عليك.. آآخ يا إني أحبك يا خالد
خالد بابتسامة: وأنا بعد أحبـك..
الجوهرة بدلع: وشهد؟؟
خالد كشر: هذيك أنامغصوب عليها يا قلبي.. ولا أنا آخذ من هالأشكال؟؟
الجوهرة: أدري حبيبي.. أول ما ربي يرزقنا بولد.. خل نعطيها فلوس ونطردها
خالد: وهذا الي بيصير.. أنا بس أسكت أمي..
الجوهرة بكره: يووووه.. ياخالتي معقدة
خالد صرخ: جوهرة .. لا أسمعك تتكلمين عن أمي بذي الطريقة ..
الجوهرة: سامحني يا روحي.. بس أنا مو مستوعبة إن أحد بيشاركني فيك..
خالد: آآآآآآخ..
الجوهرة: علمني يا خالد.. ليه رفضت إن أهلك يروحون ملكتك؟؟
خالد: ماله داعي.. أمي وخواتي بيقلبنها فرح.. وأنا بموت غم..
الجوهرة:اييييييه..
خالد: وأبوي حضر.. وزايد أخوي ما يقدر يقول عنده تمارين أهم..
الجوهرة: آهاا..
خالد: يلا يالجوهرة.. طفي النور خليني أنام.. بكره أبودي الفستان لشهد..
الجوهرة: طيب.. من عيووووووووني..
طبعاً خالد ما نام من وصايا الجوهرة.. الي أزعجته بها..
من الحين بتأمن على حياتها مع خالد..

~[ الجوهـرة ]~
زوجة خالد الأولى.. عمرها 20 ..
ما تحب خالد.. لكنها تزوجته طمع فيه وبفلوسه..
عندها عادة إنها تكتب مذكراتها كل يوم..
حلوه مره.. شعرها بني يوصل لنص ظهرها.. عيونها واسعة..
وحواجبها مرسومة بإتقان.. فمها حلو.. (بس ما يعجبني) خخخ..
تكره شي اسمه أهل خالد.. وبالذات أمه وخواته..
ودايم تحرضه على زايد.. أخوه..
لكن خالد رجاااال.. ودايم يوقفها عند حدها..
رغم إنه يحبها.. لكنه مايرضى على نفسه وأهله..


~[ خالد ]~
عمره 22 سنة.. يجنن قليل في حقه..
أسمر.. وسماره ذباح.. عيونه غامضة.. بس فيها بريق خاص..
أنفه سلة السييييف.. شعره يوصل لنص الرقبة.. ونااعم وكثيييف.. صوته فيها بحة تخبلك..
في وسط حاجبه.. في غرز تقطع الحاجب طولياً زادت من هيبة خالد
الكل يحترم خالد بالبيت.. من كبيرهم لصغيرهم..
فيه نخوه وشهامة لا توصف..
وعنده حمية لأهله..
وما يرضى عليهم الزلة.. وأي كلمة من الجوهرة عنهم .. يوريها العين الحمرا
أبد في حياته مامد يده على حريمه.. محترم وله هيبة.. شكله من بعيد يخووف..
بس لما تجلس معاه أليف مره..
يحب الجوهرة مره ومتعلق فيها.. وما يدري عن خباثتها..
كاره زواجه من شهد.. بس أمه وأبوه جابرينه.. لأن الجوهرة ما تجيب عيال
الناس يهابونه .. ويحترمونه..
حتى زملاء العمل.. ما يتعدون حدودهم ولا يمزحون معاه..
ماسك شركة هو مأسسها بمساعدة أبوه.. والشركة الحين ملكه..

 

[ملآك بهيئة بشر!]

~[ رغبة في الإنتقامـ ]~


في المدرسة في وقت الفسحة..
نزلتسمر تناقز وتنطط على بالها في المتوسط..
وجلست في الكافتيريا على كرسيهاالمعتاد هي و شهد العسل ..
جلست شهد بهدوووء..
سمر: هههههههاي.. يعني عشانكمتزوجة ما تناقزين؟؟
شهد: سموور.. أنا ما بيجنني إلا حركاتك ذي..
سمر: آآآآخيا شهد.. ما أبغى أتزوج .. سد نفسي الله يسد نفسه
شهد: نواف؟؟
سمر: ووووجع .. *طلعت لسانها* اسمه يلوع الكبد
شهد: ههههههههه .. مرجوجة.. زين قوليلي .. مزيون؟؟
سمر: خخخخ .. حلو .. بس مو أحلى من .. *بغصة* من سعود..
شهد: معليهحبيبتي.. أنا أشوف إنه هالزواج بصالحك..
سمر: ايه يلا اقلبي علي.. خليك انتيونواف والزمن ضدي..
شهد:خخخخخ .. يا شيخة انسي سعود.. لو يحبك ماتركك
سمر:لاء.. سعود يحبني.. ووعدني يرجع ونتزوج ..
شهد: من متى وعدك؟؟
سمر: من أربع سنين..
شهد: ومتى قالك بيرجع؟؟
سمر: بعد سنتين..
شهد: والحين مرت أربع سنين مو سنتين.. لو يبغاك رجع..
سمر: بعذره.. يمكن صايرله شي..
شهد: سمور خلاص.. أنا بس أتذكر إني بتزوج خالد بكره تجيني صيحة..
سمر: والله لأنتقم منه هالنواف الغبي.. وانتي بعد .. لازم تنتقمين منه ..
شهد: منمين؟؟
سمر: من زوجك يختشي.. ولو إنه ما يهون شبيه براد بيت..
شهد:هههههه .. براد بيت؟؟ مجنوووونة.. بس قوليلي كيف أنتقم منه؟
سمر: بسيطة.. زهقيه بعيشته..
شهد: هذي ناويتها من زمان.. شي ثاني..
سمر بحماس: وش رايك.. تخلينه يحبكويستمر معاك.. ويطلق الغبية الي متزوجها؟؟
شهد: هههههه .. يحبها موت.. مارحيعطيني وجه..
سمر: يا سلااااااااام.. انتي بس الي هبله وما تعرفينتتصرفين..




شهد:ههههه .. نوريني يختي..
سمر: لا وربي من جد.. دايم تصلحي.. وانتي الي أكليه ورتبي أغراضه.. ودايم قوليله من كلام السوريات الزين
شهد:ههههههههه .. وش أقول مثلاً؟؟
سمر: عاد هذي مهمتك... راقبي مسلسلات وتعرفين ..
شهد:ولا يهمك.. توصين على شي بعد؟؟
سمر: هو عطاك المهر؟؟
شهد: ايه.. عطاني في بطاقة..
سمر: وكم مهرك؟؟
شهد:900,000
سمر: الله .. الله .. الله.. وكم صرفتي منها؟؟
شهد:ووووجع.. لا إله إلا الله .. ما صرفت شي
سمر: ياربيي.. انتي الي بتذبحيني.. ما شريتي شي؟؟
شهد: هو تكفل بكل شي. تصوري فستان الزواج جابه أمس لبيتنا..
سمر: ولووو.. يا هبله.. وقمصان النوم؟؟ والعطورات والماكياج والملابس؟؟ ما أتصور إن زوجته العقربه بترتبلك كل شي..
شهد: أول شي حرام يمكن تكون المخلوقة طيبة.. بعدين .. ماصارت فرصة ونزلت السوق
سمر بقهر: يا هبله يا هبله.. هذي لوحدها مناسبة.. شوفي..
شهد:هاه؟؟
سمر: أول ما نطلع من المدرسة بنروح مع السواق .. بطاقتك معاك؟؟
شهد: ايه.. في البوك..
سمر: تمااااااااامز .. خلاص.. الوعد اليوم بعد المدرسة..
شهد بحماس: أوكييه..
سمر: وناااسة..
شهد: بس وش أسوي بجودي؟؟ أخاف أتأخر عليها..
سمر: ياربيي انتي وذا القطوة الي معك.. يا بنت الناس تراك كبيرة عن هالحركات
شهد: انطبي بس.. أنا أحبها .. يوووه فديتها جودي تخبل..
سمر: جودي أي وحده؟؟
شهد: الي فروها كثير وناعم لونها أبيض وعيونها زرقا.. أم شريطه وردية
سمر تجاريها بهبل: أجل البيضا النحيفه الي عويناتها خضر أم شريطة زرقا وش اسمها؟؟
شهد: ولو إنك تستهبلين بس يلا .. يوووه فديتها هذيك سوفت ( يعني الناعمة بالانجلش ) سميتهم على اسم قطط الليدي لين
سمر: ايييه.. قلتيلي.. أجل سوفت وجودي هاه؟؟ أموت وأشوف خالد وهو ينصدم بطفولتك
شهد: سمروه. لا تقلبينها نكد.. كل ما قلت شي قلتي خالد..
سمر: أقول انطبي لأفلعك بالعصير .. غني ومزيون وأسمر.. وش أحسن من كذا؟؟
شهد: أصلاً أنا لسا صغيرة وجع..
سمر: ياربي.. اييه ما قلتلك؟؟
شهد: وش؟؟
سمر: هع هع هع .. بنت عمتك مهاوي بتتزوج الفيصل..
شهد: كذاااااااااابة.. مهاوي؟؟ بس لحظة مين الفيصل؟؟
سمر: هذاك الي شفتيه بذاك اليوم.. يوم جيتي عندنا
شهد: الله .. المزيووووووووون؟؟ أبو شعر سبايكي؟؟
سمر: هو .. يا عيني عليك .. أخاف حبيتيه مع كشتك؟؟
شهد: بفففف .. أنا؟؟ .. أنا يالله أفكر في خالد بالقوة..
سمر: يؤيؤ.. يعني تفكرين فييه؟؟؟
شهد: تفكيرك فاااااااااااسد..
سمر: أقول يلا دق الجرس.. لا تطردنا أبله سهى.. وووجع ما أطيقها
شهد: خخخخخخ .. ولا أنا.. يلا قومي..
قاموا البنات وانطلقوا لصفوفهن وبالهن مع الشوبينغ الي بيصير ..



~[ عودة المنكسرهـ ]~
راكان: جمااااااااااااااااال!!!؟؟
جمال بانكسار: ايه جمال..
راكان بفرح: هلا .. هلا بحياتي.. هلا فيك يا جمال الكون كله.. تو ما نور البيت
جمال بحزن: راكان.. طلقتها؟؟
راكان بتكشير: جمال.. لا تفتحين هالموضوع مره ثانية..
جمال: كيف؟؟ كيف يعني لا أفتحه؟؟ تبغاني أشوفها .. وهي تشاركني فيك وأسكت؟؟
راكان:جمال الغالية.. أنا ما صدقت رجعتي.. بليز.. خل نتفاهم..
جمال: أنا ما رجعت بكيفي.. أنا رجعت لأن أبوي كان ناوي يطلقنا ..
راكان: شو!!؟؟
جمال: الي سمعته..
راكان: وانتي.. وانتي .. يعني..
جمال: لأني أحبك..
راكان: يا روحي انتي.. وأنا بعد أموووت فيك يا عمر راكانك انتي..
جمال بخجل: راكان.. بليز ستووووب..
راكان: يؤ .. فديييت اسمي ياناس.. حلو مره..
جمال: هههههههههههههههه ..
توجهت جمال لغرفتها..
جمال: مثل ما تركتها..
راكان: من زود حبي لك >> كذاب مافيه ينظف خخخ
جمال ولع وجهها : راكان.. ترفق..
راكان: هههههههه .. انتي الي ترفقي بحالي يا بنت الناس.. محلوة ..
جمال بخجل: أجل وش على بالك؟؟
راكان:هههههه .. فديييييتك
جمال: راكان بس.. تراي خجولة ..
راكان: أمووووت على أهل الخجل..
جمال بنص عين: متأكد؟؟
راكان بخبث: بتتأكدين بنفسك؟؟
جمال بخجل :نشووف..!
محذوووف ×× شششش ×× مشفر ×× شششش ×× رقابة


~[

مفاجأة التسوقـ ]~

نزلوا شهد وسمر السوق.. وبين ما هن يفرفرن في الأسواق..
سمر: آآآآآي.. يالأعمى.. يا غبي يا معفن .. يا يا ..
ولما شافت وجهه
سمر: يا مزيون..
.......: ماقدر يخفي ابتسامته من هبلها..
شهد بصدمة: خالـــــــــــــــد!!!!!!؟؟؟
خالد:!!!! .. معذرة بس مين انتي؟؟
شهد: احمـ .. احمـ .. كح كح..
سمر: ـــــــه .. هذا خالد زوجك؟؟
شهد دفت سمر بكوعها..
سمر تكلم خالد: هذي زوجتك خلف الله على أمن جابتك
شهد: سمور.. عن هالكلام عاد..
خالد: شهد؟؟!!!
شهد: ا.. ايه ..
خالد بجمود: هلا شهد كيفك؟؟
شهد: بخير الحمد لله..
سمر: انت شلونك؟؟
شهد دقتها : أقول.. رزة الفيس من طبايع التيس..
سمر: هههههههه .. اشفيك لا يكون غرتي؟؟
شهد: أوووووص ..
خالد: أنا الحمدلله .. تمام.. شو تسوين بالسوق؟؟
شهد: أشتري.. أغراض..
خالد: أغراض شو؟؟
شهد: ..............
سمر: أغراض ما بعد الزواج.. قمصان نوم وماكياج وعطور..
طااااح وجه شهد العسل من الفشلة.. وماقدرت ترقع السالفة..
سمر انتبهت : يعني أغراض لي .. مو لها.. لأني عقبالكم بتزوج..
خالد: آها.. مبروك..
سمر: الله يبارك فيك.. والحين عن إذنك بنروح..
خالد: انتي روحي.. شهد أبوصلها بيتهم..
سمر: لااااا؟؟ بتخليني بروحي؟ صدق مافيك احترام.. بعدين لسا ماصارت زوجتك تتحكم فيها
خالد: شهد.. امشي معاي..
شهد: لو سمحت.. ممكن.. بس.. أبغى أروح مع سمر..
خالد: لاء..
سمر: وشو لاء؟؟ ليييييييييه؟؟ ولا ما تقدر تستغني؟؟
خالد:هه ..أنا؟؟! .. أنا ماخذها أسكت أمي وبس.. عشان الولد.. حطوا هالشي ببالكم..
سمر: صدق قلة أدب.. مع إنك حلو لكن لسانك خايس..
شهد دمعتها تعلقت بعيونها.. ولاحظوها الاثنين..
شهد: سمر.. إذا خلصتي.. أنا بالكوفي شوب..
سمر: روحي يلا .. شوي ولاحقتك ..>> مصدقة نفسها
خالد: ع العموم.. روحي مع صاحبتك.. وصيعي إنتي وهي.. عادي.. مو بروبلم..
سمر: هييييه احترم نفسك.. حنا بنات حمايل .. عن الغلط..
خالد: زين يا بنات الحمايل.. أصلاً أنا معتبرها ولا شي.. مجرد لعبة .. فهميها هالكلام
سمر: وسسسسسسسسخ.. ضف وجهك.. لا أقول للسكيورتي إنك تضايقني..
خالد بقهر: احترمي نفسك لو سمحتي وعن الغلط..
سمر: لاااااااا؟؟ وانت من أول وانت تغلط علي.. يلا انقلع .. ناس مملة..
~~~
راح خالد بكل هيبة من قدامها.. وهي رجعت لشهد.. الي بتقطع نفسها من الصياح

 

[ملآك بهيئة بشر!]

~[
توائمـ ]~

رسل: يوووه منك .. رسيل .. لا تعفسين الغرفة مره ثانية..
رسيل: مو عاجبك روحي دارك..
أسيل: خخخخ .. انتي الي عزمتيها
رسل تقلد رسيل: يمه.. رسل حبيبتي أخاف أنام بروحي تعالي معاي..
رسيل: ههههه .. لا تذلينااا ..
أسيل: بنات جوعانه..
رسل: وأنا بعد جوعانه ..
رسيل: يؤيؤ.. وأنا بعد جوعانه..
رسل: إليكم الخطة يا بنات: بنروح المطبخ.. ناكل ناكل ناكل.. ولما نخلص ندور ع الجوهرة.. ونطفشها بعيشتها
أسيل: مواااااااااااااااااااااااااافقة ..
رسيل: وأنا موااااااااااااااااااااااافقة..
أسيل: يؤ.. بس بعد شوي بيجي خالد..
رسل: ياا حبي له خلودي ..
رسيل: هو ما يخوف بس له هيبة..
أسيل : لا والله إنتي الي جريئة معاه بزيادة..
رسل: يابنات.. مقهووووورة.. أبغى أشوف زوجته الجديدة..
رسيل: أنا من الحين في صفها..
أسيل: وأنا بعد..
رسل: ما يبغالها كلااااااااااااااااااام..
~[


أسيل ]~

توأم رسل ورسيل..
عمرها 18 سنة.. حلوة ومملوحة وأكيد نسخة بالكربون عن خواتها..
عيونها بني بلون الشوكولاته ..
شخصيتها قيادية شوي.. بس حبوبة.. وتدخل القلب بسرعة.. وتحب الناس والجمعات
خل أقولكم كيف أشكالهم.. ( الله والتعبير بس)
بيضه .. وشعرها قصته فراوله.. ولونه بني مخصل بالأشقر..
عيونهم حلوة بس مو واسعة.. بس رموشهم ذباحة سليلة..
وحواجبهم دقيقة بس مو خفيفة..
شافايفهم بلون التوت .. ما يحتاج مرطب ولا روج ولا غيره..
أسيل .. حنونة وقيادية,, وحبوبة.. وتحب الناس..
ومرحة مثل خواتها ..
~[


رسيل ]~

توأم أسيل ورسل..
طبعاً نسسسخة بالكربون عن اختها ..
بس عيونها لوزييية
عمرها 18 سنة.. مرحة .. وتحب خواتها بشكل لا يوصف.. متعلقة بأبوها زوود..
تحب المناقر.. تخاف تنام بلحالها.. عندها عصفور مربيته اسمه كاسكو..
هي بالذات دلوعة ونعومة .. بس مع خواتها عربجيـــــــــــــة ..
~[


رسل ]~

توأم أسيل ورسيل
العمر 18.. أصغر خواتها .. يعني آخر وحده انولدت ..
وأكيد هي كمان نسخة بالكربووون عن خواتها ..
بس هي لون عيونها أسود..
طيبة وتحب الناس .. خططها أحيان شيي..
تحب خواتها .. ومتعلقه مره فيهم..
مرحة مثلهم.. وتحب التسوق وهالأشياء..
مدلعة مع الكل..
وهي المفضلة عند خالد لأنها خجولة ..
طبعاً هن ما يطيقون الجوهرة لأنها شريرة..
ومن الحين متحمسات لشهد العسل ..
البنات مطقمات بكللل شي.. وكلهم نفس الملابس والقصات
ما يفرقون بينهم إلا بلون العيون..
حتى بالجوالات نفس الأسماء والألقاب والنغمات والصور..
يعني ثلاث نسخ من شخص واحد..
ولكل وحده فيهم لقب ..
أسيل: شوكولاه .. لأنه عيونها بلون الشوكولاتة .. وهي عشقها اللون البني..
رسيل:فانيلا .. لأنه عصفورها أبيض.. وهي أصلاً تحب اللون الأبيض..
رسل:وايت شوكلت .. لعشقها للشوكولاه البيضا .. ولأنه أخوها خالد بعد يحبها..
يونسون هالثلاثي ولا؟؟
بووووسة فديتهم ..



~[ دموع في الكوفي شوب ]~





شهد: اهئ اهئ.. حررررامعليه.. حراااام.. وش سويت أنا؟؟


سمر: حبيبتي شهودة هدي شوي.. وربي سفلت فيه ليقال بس..


شهد: أنا؟؟ أنا صايعه؟؟ اهئ اهئ.. هذا واحنا بأول زواجنا اهئ اهئ..


سمر: ماعليك منه.. هو ماشافك ولا ماقال عنك هالكلام..


شهد: اهئ.. مالتعليه.. مااا أحبه.. خل يولي.. ما أريده


سمر: يؤيؤ.. هدي شوي يا قلبي انتي..


مسحت شهد دموعها.. وناولتها سمر الكوفي حقها.. بعد ما هدت شوي..


سمر: واللهإنك مو بهينه.. أجل هالمزيووون رجلك؟؟


شهد: أقول عن التغزل..


سمر: هههههههه .. ونغار باقي؟؟ يؤ يؤ..


شهد: ههههههههههه ..


سمر: خلاص .. بكذا اشترينا كلشي..


شهد: هههههه .. أول مره أسمع عن بنت بيوم واحد تقضي لزواجها..


سمر: هههههههه .. بجد.. غريبة كيف مدانا الوقت..


شهد: يؤ.. نسينا الكريمات..


سمر: لا تخافين .. قبل لا أجي أهديك مع مناحتك .. شريت كل الي كتبناه بالحصه ..


شهد: خخخخخ .. شفتي أبله سهى كيف تناظرنا بحقد..


سمر: ههههههههههه.. تحزززن .. شكلها يقطع القلب.. وكل ما قربت..حطينا الورق بصدورنا


شهد: هههههههههههههههههههههه .. مخفات ..


سمر: هههههههههههه ..


شهد: يؤ .. هذاتروك .. يتصل ..


سمر: ردي عليه أكيد قلقان ..


شهد: ألووو؟؟ هلا تروك.. يؤفديتك.. ههه ايه.. يدوم عزك.. لا .. في السوق مع سمور.. ايه أقضي للعرس.. شفتكيف؟؟.. ايه بعد صرت مهمة.. هههه .. وأنا بعد أحبك.. بايو يا قلبي.. باي..


سمرتقلدها: وأنا بعد أحبك .. حشى زوجك مو بتروووووك ..


شهد: هههه .. أحبهشسوي؟؟


~[ تركي ]~


للآن ما تكلمنا عن تركان


تركي: خجلوه انطمي لا تقولينتركان


خجل: مو بكيفك.. أنا الكاتبة


تركي: أقول ترى بطب بكرشتك.. تعرفينيعضلات ..


خجل: وربي لأخبر شهوووود..


تركي: بتفزعلي لأني أخوها ..


خجل: بس أنا خجولة ..


تركي: ومين خجل؟؟


خجل: الحلوة الجذابة الفاااااااتنة..


تركي: ايييه .. خجولة تتزوجيني؟؟


خجل: كووووول حلاو معفن.. مابقى إلاهي


تركي: أصلاً مو من زينك.. وارجعي كملي الكتابة لا أطب ببطنك الحين


خجل: طيب..


تركي.. أخو دانة وشهد.. دانة ماتت.. وأكيد عرفتوا قصة عائلتهم >> دفاشة ..


المهم .. تركي حبووووووب وش حليله.. بس إذا كان رايق


يبي خواتهيعيشون أحسن عيشه.. عشان كذا زوجهم رجال أغنياء حتى بدون موافقتهم..


ما يبغاهميتغربلون بعيشة الهم ..


تركي مملوح وأبيض.. وشعره دايم جل.. يحب الحرية .. ومايسمح على أصدقاءه


وش باقييي؟؟ آها .. يحب شهد العسل مره.. ومايحقق معاها بشيأبد..


بس يخاف عليها كثييير..


إذا عصب يخووووووووووف .. عمره 24 سنة..

 

[ملآك بهيئة بشر!]

~[ لحظات .. ذكريات ]~


كانت جالسه بغرفتها.. تفكر في القرار الي اتخذته ..


صح ؟؟ ولا لاء؟؟


الفيصل كان دايم معاها.. ويتقرب لها .. بس هي كان بالها مع شخص ثاني..


مع سامي..


رجعت ذاكرتها لسنتين ورا ..


في عائلتهم .. شي عادي تكشف على عيال عمانها ..


يمكن العجايز من الحريم مو براضيات ..


لكن الشياب كانوا عادي..


بس أكيد يحتشمون بلبسهم ..


والشي الثاني .. كانوا البنات يغطون شعورهم ..


كانت جالسه بالحديقة .. على كرسي.. لحالها ..


كانت متكشخة ذاك اليوم .. عشان يشوفها سامي..


لكنه دخل .. ولا اهتم لوجودها..


دايم تحسه يتكبر عليها .. يهينها لأنها تحبه ..


بعدها بثواني وصل الفيصل ..


الفيصل: سلام مهاوي ..


المها: هلا الفيصل ..


الفيصل: ما عليك منه .. متكبر.. لا تركضين وراه يا بنت العم


المها: الفيصل بلييييز .. ابعد عني..


الفيصل: طيب.. بس أبقولك شي.. التفتي حولك وبتشوفين ناس يحبونك بجنون ..


أحسن من إنك تتعلقين في واحد لا تهمينه ولا يطالع لك .. ويحب يهينك بس لأنك


تحملين له معزة خاصة بقلبك .. فكري زين يا مهاوي ..


ناظرته المها.. وفلبها يعورها ..


ابتسم ابتسامة تريح .. ولحق أخوه ..


رجعت لواقعها .. الفيصل طيب وحنون..


ويحبها .. ماكانت تعرف .. لكنه آخر مره زارهم اعترف لشهد ..


وهي الي خبرت المها ..


وعشان كذا .. قررت تعطيه كل الي تملكه ..


لأنها ما تبغى تصير زي سامي ..


بكت .. وبعد الصياح لربع ساعة ..


نامت مرتاحة لقرارها ..




~[ زفاف بلون الدمـ ]~


اليوم يوم الزواج ..


زواج خالد من شهد ..


أو على قول سمر.. زواج براد بيت من شهد ..


كان اليوم من بدايته صااااااخب..


والمعازيم مليانين في القاعة ..


طبعاً أغلبهم معارف خالد ..


معارف شهد كانوا أقل من قليلين ..


في جناح العروس في القاعة ..


سمر: أووووخص والله وكبرتي وتزوجتي


شهد: ووجع .. أوووص .. أنا متوترة الحين .. لا تزيدينها ..


سمر:هههههه ..


المها: مبرووووك شهودتنا ألف ألف مبروووك ..


شهد: الله يبارك بعمرك وعقبالك انتي والفيصل ..


المها بخجل: ههههه ..


سمر: أووووف .. قامت تستحي ذي الخبله ..


الكوافير: انتهينا .. إزا بدك شوفي نفسك بالمرايه ..


وقفت شهد..


سمر: أووووووووووخص .. صيو صيو .. تخبـــليــن


المها: وربي طالعه غييييييييييييير .. مره حلووو


شهد شافت نفسها في المرايه : ــــــه .. هذي أنا ؟؟


سمر: هههههههه .. تخبلين ماشاء الله ..


شهد: يؤيؤ .. شكراً خجلتوني..


المها: بنات أنا رايحه أجلس تعبت ..


شهد: مهاوي


المها: هلا ..


شهد: جمال جت ولا لاء؟؟


المها: إلا .. بس تسلم على أهل زوجها وتجي ..


شهد: تيب.. الحمدلله .. شكراً


المها: ولووو .. يلا باي..


البنات: باي..


بعد ثواني


طق طق طق..


شهد: تتوقعين جمال؟؟


سمر: لاء.. مو بهالسرعة عاد.. أبروح أفتح ..


فتحت سمر الباب وانصدمـــــت ..


قدامها ثلاث نسخ بشرية ..


نفس الشكل .. نفس الملابس .. نفس الألوان ..نفس الجوالات


بس لون العيون غير ..


بني شوكولاته .. لوزي .. أســـود ..


سمر فتحت فمها ع الآخر والبنات ضحكوا..


دخلوا الغرفة ..


أسيل: سلام يا عروسة


شهد كانت ردة فعلها مثل سمر وأزود ..


أسيل: ههههه .. توائم ..


شهد بلعت ريقها : آها .. هلا .. هلا .


أسيل: أنا أسيل ..


رسيل: وأنا رسيل ..


رسل: وأنا رسل ..


الثلاثة: خوات خالد ..


شهد ابتسمت: هلاااا فيكن .. يامرحبا ..


سمر: يؤيؤ.. ليه واقفات اجلسن ..


الثلاثة: مبروك يا عروسة ..


شهد بخجل: الله يبارك فيكم


سمر: كم أعماركن؟؟


أسيل: 18 سنة ..


شهد وسمر: العمر كله يارب


رسل: وانتوا؟؟ ..


شهد وسمر: كمان 18 ..


رسل ورسيل وأسيل: هههههه .. العمر كله يارب..


بهاللحظة .. رن جوال أسيل ..


أسيل: ألوو؟؟ ايوا ماما .. هلا .. لاء.. وييين ؟؟ .. لالا ياماما .. لسا بدري..


ايه .. شهد؟؟ خلاص .. ايه لالا انتهت .. ايه .. طيب .. أوكيه .. باي..


رسل: ماما؟؟؟


أسيل: ايه .. حبيبتي شهد.. ماما طالعه تسلم عليك ..


شهد: هلا فيها .. بس شو أناديها يا بنات؟؟


رسيل: احنا نناديها ماما .. والجوهرة عموه ..


سمر: عمى وقحه هالجوهرة ..


رسل: بقووووهـ .. المهم .. وفي الحالتين ما يعجبها .. ناديها الي تبغين ..


شهد: ............ ههه .. تيب ..


أم خالد دخلت الغرفة .. وسلمت على شهد العسل


الي باستها على راسها ..


أم خالد: مبروك يا بنتي ..


شهد: الله يبارك بعمرك .. وعقبال البنات ..


أم خالد: آمين يارب.. والله وعرف يختار خويلد.. ماشاء الله.. قمر..


شهد بخجل: تسلمين يمه ..


البنات طالعوها بعدم رضا .. بما فيهم سمر..


أما أم خالد كانت بتتشقق من الوناسة..


طلعت أم خالد وتركت البنات في الغرفة ..


أسيل: قومي معاي فانيلا .. بننزل نشوف الضيوف..


رسيل: أوكيه .. وايت شوكلت .. خليك مع شهود ..


رسل: بعيوووووووني .. بس ضفو ..


البنات: ههههههههههههههههه


سمر: أقول رسول..


رسل: هههه هلا ..


سمر: مين وايت وشوكلت وفانيلا ؟؟


رسل: هههههه .. ألقابنا .. أنا وايت شوكلت .. لأنه أنا وخالد نحب الشوكولاه البيضا


سمر: هههههه وناسة كملي..


رسل: أسيل شوكولاه .. لأنه عيونها بني وتحب الشوكولاته .. رسيل فانيلا .. لأنه كاسكو أبيض وهي تحب الأبيض..


سمر: وناااااااااسة .. مين كاسكو؟؟


رسل: عصفور رسيل..


سمر: آهااااااااااااا


رسل: شهودة للحين ما عرفنا اسم صاحبتك


شهد: هههههههه سمر.. اسمها سمر


رسل: عاشت الأسامي.. حلو اسمك سمورة


سمر: احم .. عشتي .. انتي الأحلى


شهد: خخخخ .. شوفي وجهها .. أقول رسل ماعندكم غير خالد تزوجونها؟؟


رسل: يا بنااااات .. جاتني خطة .. نخلي سمر تتزوج زايد وتنضم لنا


شهد: مين زايد؟؟


رسل: زايد أخوي.. أصغر من خالد بسنة .. يعني بالواحد وعشرين ..


شهد: ههههههههه .. بس سمر مخطوبة ..


رسل: خساااااااااااااااااااااارة .. يلا المره الجايه ..


سمر: هههههههههه ..


فرحت شهد لأن رسل من الحين تعتبرها من المجموعة خخخ ..


وبعد 5 دقايق وصلت جمال ..