كاني سبب { حزنك وهمك وبلواك .. الله يبرد حرتك في وفاتي

[ميااوي]

بسم الله الرحمن الرحيم..

هذي أول قصه لي بالمنتدى والقصه نص منها واقي والنص الاخر من الخيال
كتبت احداث هذي القصه من حياتي أنا الشخصيه ومن المجتمع اللي حواليني...

ماراح اطول عليكم بالكلام أتركم مع احداث القصه...وأبيكم تشجعوني..


ملاك:صباح الخير يا أغلى أم وأبو بالدنيا
أم محمد:ملوكه ماما تريقي لاحقه على المدرسه
ملاك: لايما تعرفين هذا اول يوم لي بالمدرسه وخلاص اخر سنه يعني راح أودعها
أم محمد:الله يوفقج يا بنيتي ويسعدج توكلي على الله يما ولاتنسين أذكار الصباح والاستغفار
ملاك:حاضر يما من عيوني, يلا يبا مع السلامه
أبو محمد: مع السلامه يا الغاليه

بالمدرسه..

ملاك: هيبووو واااي مشتاقتلج يا الخايسه
هبه: وأنا بعد ملاكو مو جنه أمس شفنا بعض ههههههههه
ملاك: شسوي يا بنت العم والله أحبج
هبه: وانا بعد اموووت عليج
مريم:اقول جنكم نسيتونا نحن هنا
ملاك وهبه : هلا والله بمريووومه الغاليه أعذرينا يا الغاليه ما شفناج
مريم: أكيد ما تشوفوني اذا انتم لاهيين ببعض
ملاك: اقول صج هبه وين قطوج أي صف , أنا قطوني بصف 12ع2 مع مريوم
هبه: يا حضكم أنا بقعد هالكورس بروحي قطوني بصف 12ع3
مريم: عادي جيران حزت التهريب من الحصص بنمر عليج هههههههههههه
ملاك: ههههههههه التهريب مخليته لكم انا اخاف على مستقبلي المهني
هبه: اتعب يا المهني, اقول انتي ام قليب ما ينخاف عليج
ملاك: هبوووه قولي ما شاء الله
هبه: ما شاء الله ما قلنا شي
وطق الجرس والبنات ما خلصو سوالف وراحو لصفوفهم واهم مستانسين بأول يوم دراسي

الحين نتعرف علي أبطال القصه
أبو محمد: الاخو الكبير بالعايله , شخص حنون وطيب ويحب عياله وما يرفضلهم شي ومعودهم على الاحترام وحبهم لبعضهم
أم محمد: ألتزاميه شوي بس اذا حنو عليها عيالها ترضخ لاوامرهم , حنونه وعلى نياتها
محمد: الولد الاكبرعمره 25 قشمرجي وما عنده سوالف المغازل عنده مبداء بالحياه اضحك للدنيا تضحكلك , بيتوتي او بالديوانيات او بالشغل, طبعا شغله بالمطافي

عبدالعزيز:اصغر من محمد عمره 23 عكس محمد بكل شي شوي عصبي ومغازلجي درجه أولى وما يحب يقعد ثانيه بالبيت, توه متخرج من كلية الضباط

ملاك: أختهم الصغيره وعلى قولتهم أخر العنقود والوحيده عمرها 18 سنه أخر سنه لها بالثانويه أنسانه هاديه وجميله تحب القشمره والضحك رومانسيه وعنيده

ونكمل باجي البارت وراح نتعرف على الابطال الثانين

طق جرس الحصه الاخيره والبنات لمو أغراضهم وبيردون بيوتهم

هبه: هاا ملوك منو راح يمرج؟؟
ملاك: مادري أمي قالتلي أن السايق راح يمرني
هبه: ملوك خلاص تعالي معاي بيتنا والسايق يمرج عندنا
ملاك: اخاف امي تحاتي ما تعرفينها يعني
هبه: خو انتي مو رايحه بيت غريب بيت عمج تعالي تعالي كاهو غانم ينطرنا أخذي نقاله وكلمي خالتي وقوليلها
ملاك: لا فشله أنتي تدرين أني أستحي من خوانج
هبه: ترا ما راح يأكلج يلا تعالي
ملاك: أوك

سلمت ملاك على ولد عمها غانم اللي مو محتكه فيه نهائيا وأستأذنت منه تأخذ نقاله بتدق على أمها

كلمت ملاك أمها وقالتلها أنها بتروح لبيت عمها والسايق يمرها هناك وافقت أمها

نكمل تعرف على أبطال القصه..
أبو خالد: أخو أبو محمد الصغير أنسان ضحوك جدا مع ان عمره شوي كبير بس راح تحسونه توه شباب على كلامه واحتكاكه مع الشباب وعياله

أم خالد: خوش مره تنحط على الجرح يبرا تحب عيالها وتحبهم دايم يكونون افضل الناس

خالد: ولدهم الكبير عمره 24 سنه متزوج وعنده بنوته توها عمرها 3 شهور اسمها ريماس انسان ديمقراطي وفيه شويه عصبيه ومو كل شي يرضى عنه

مها: زوجة خالد وبنت عمه عمرها 21 سنه متوسطة الجمال نجريه تحب القيل والقال وما تحب احد يكون افضل منها تحب المدح دايم لها..

غانم: عمره 22 سنه أنطوائي وهادي ونادر ما يتكلم مع احد واذا تكلم أهله يستغربون منه وكتوم ما يبين عليه اذا اهو مستانس او متضايق طالب أخر سنه كلية الهندسه والبترول
هبه:عمرها 18 سنه تحب الشيطانه ومهما كبرت تبقى صغيره بحركاتها وشطانتها ناعمه جدا ما تحب تقعد رسميه تحب تكون على طبيعتها

فرح:عمرها 11 سنه عوبه وتكبر بعمرها تحب الخبه حتى ولو كانت ناعمه

عمر:أخر العنقود عمره 7 سنوات طفولي حيل ويموت بملاك

والحين نكمل البارت ومع الوقت راح نتعرف على ابطال جدد

وصلو البنات للبيت وكان الكل موجود

سلمت ملاك على عمها ومرت عمها وعلى العيال

أبو خالد: هاا ملوكه شلونج يبا
ملاك: والله الحمدالله عمي تمام

أبو خالد: ملوكه حسبي حسابج راح تتغدين عندنا اليوم
ملاك: لاعمي انطر السايق يوصلني

أبو خالد: أنا كلمت أمج قتلها أنا اللي راح أوصلج يعني راح تتغدين غصب, يلا يبا هبه أخذي بنت عمج وروحو غسلو عشان الغدا

هبه تساسر ملاك: شوفيها باطه جبدي ودي امسكها واذبحها
ملاك: هيبوه مالج فيها طنشي
هبه: ملاكو أنتي شفتيها شتسوي لما أبوي قالج تتغدين عندنا
ملاك: بابا أنا معطيتها بولباس يعني تتحجى مني لباجر ما يهمني

هبه: اخ ملاكوو عطيني قوة التحمل اللي عندج أنا بنفجر
ملاك: هيبوه لاتصيرين خبله اوكي راعي اخوج هذي مرته ولا تنسين انها بنت عمنا يعني بتطردينها مثلا
هبه: مو هذي المشكله محد مصبرني الا انها مرت اخوي والقراده الكبرى انها بنت عمي ولا كان من زمان ذابحتها
ملاك: هههههههههههههه اقول امشي خلينا نغسل عشان نتغدي
هبه: يلا قوو



اذا شفت تشجيع راح أكملكم باجر باجي البارت

 

[خجل انثى]

فديتج كملي القصة حلوة منتظره التكمله على احر من الجمر يالغاليه


:eh_s(17): ​

 

[✿¸3ώẪṧĤ»]

رد : كاني سبب { حزنك وهمك وبلواك .. الله يبرد حرتك في وفاتي

بلييييييييييييييييييييييييييييييييييييييييييييييييييييييييييييييييييييييييييز كمممممممممممممملي

 

[ميااوي]

فديتكم يا قلبي مشكورين على المتابعه ألحين بحط البارت الثاني

 

[ميااوي]

والبنات وهم قاعدين يغسلون سمع صوتهم عمر وراح يركض لملاك بنت عمه

عمر: ملاكووو اشوف البيت منور انتي عندنا يعني بتتغدين معانا
ملاك: أي حبيبي راح اتغدى عندكم لايكون ما تبيني اكل
ولا بكل وقاحه ترد مها: أي والله مانبيج تتغدين عندنا اف ناس غصب تلزق عمرها
ردت عليها ملاك: استغفر الله اعوذ بالله من الشيطان الرجيم
ارتفع ضغط مها: ليش شايفتني شيطان تتعوذين مني
ملاك: اقول هيبوووه اللي على راسه بطحه شيسوي
ردت عليها هبه: يتحسسها , اقول ملوك ما عليج منها
ملاك: هيبوه بروح أصلى ابرك من مجابل الشياطين
عاد اهني اضحكو هيبه وعمر

طبعا مها من داخلها تغلى ودها تطق ملاك وتسبها بس تدري ان زوجها راح يطلقها لانه عنده هبه وملاك واحد لانهم تربو مع بعض

خلصو البنات صلاتهم وتجمعو على طاولة الطعام عشان يتغدون

كان الكل موجود حتى غانم اللي اول مره يقعد يتغدي مع اهله وملاك موجوده العاده كله يتغدا برا

فكانو البنات يسولفون ويتغشمرون وابو خالد معاهم يضحك ويعلق على كل كلمه تقولها هبه بس عشان يطفرها

كانت ملاك بعفويتها تسولف وناسيه عمرها بالسوالف
طبعا اول مره غانم يشوفها وجها لوجه العاده يلمحها بس
لاكن هالمره غير كان قاعد جبالها يعني يفصل ملامحها تفصيل

ملاك: عمي شرايكم بالويك اند نطلع المزرعه والله من زمان عن الجمعه والسوالف والضحك
ابو خالد: حاضر يا ملوكه غالي والطلب رخيص

استحت ملاك من مديح عمها لها قامت وباست راسه
ملاك: عساك على القوه عمي

خلصو البنات اكل وقامو ساعدو ام خالد بلمت السفره...

نرجع لغانم اللي كان سرحان ومو معاهم بالمره , لاول مره يشوف بنت عمه وجها لوجه بنت عمه اللي 24 ساعه عندهم اول مره يشوفها بهالجمال اللي كان مو متوقع انها حلوه وقطع حبل افكاره صوت ابوه

ابو خالد: غانم يبا عندك شي

غانم: هاا هلا هلا يبا أمرني

ابوخالد: انا تعبان وبقوم انام شرايك بطريجك تودي بنت عمك لبيتهم..

طبعا غانم أنحرج وهم ملاك أنحرجت شلون تروح مع غانم اللي عمرها ما حاجته كان ودها تقول لا خلاص ادق على واحد من اخواني يمرني بس كان رد غانم أسرع منها

غانم: خلاص يبا انت تأمر أمر

ابو خالد: هذا العشم فيك يا غانم

غانم ولاول مره ينادي ملاك بأسمها : ملاك زاهبه؟؟

ملاك: أي زاهبه
غانم: يلا مشينا

طبعا ملاك كانت مرتبكه حيل فراحت اركبت ورا , قالها غانم: لا صج خاف سايق عندج؟

ملاك أنحرجت وبقلبها تقول: هذا شفيه معصب خلاص ما يبي يوديني مو لازم
غانم: يلا خلصيني ركبي جدام
ملاك: أن شاء الله

اول ما شغل غانم السياره أشتغلت على طول المسجل ولا أغنية راشد..

المسافر وكان المقطع

يا ضياع اصواتنا بالمدى والريح والقطار وفاتنا..

وملاك بقلبها هذا من اولها المسافر الله يعين ولا تقول لغانم : ممكن تصكر المسجل

قالها غانم: ليش مو عاجبتج الاغنيه

ملاك: مو سالفة عاجبتني ولالا بس أنا ما أسمع أغاني وحرام أنت تأخذ ذنبي

اهني غانم أنصدم من بنت عمه توقعها شي وبالصج شي ثاني طبعا كبرت بعينه لانها تخاف عليه من الذنب

وطبعا طول الطريج هدووء
ملاك كانت تفكر بدراستها ومستقبلها , بالمقابل غانم كان يفكر فيها ويقول بقلبه: شفيك يا غانم استخفيت عمرك ما همتك بنت الحين تجي هذي تخليك تفكر فيها , قام يتعوذ من الشيطان عشان يرد غانم الكتوم اللي ما يفكر بأي أحد

وصلت ملاك البيت وأول ما أنزلت الحمدالله أني وصلت ولا كنت بموت من الهدوء
دخلت ملاك لبيتهم وكان البيت صخه ماكو احد الكل نايم

راحت لغرفتها وغسلت وبدلت ملابسها وبدات تدرس

وبالطريج بسيارة غانم بالتحديد لفت أنتباهه خيط لونه اصفر فسفوري ولا يأخذه ويشوفه الا كرنيه ملاك وفيه صورتها ومعاه بوكها الظاهر كانو طايحين منها

كان غانم بيرجع لبيت عمه عشان يردهم لها بس اللي ما خلاه يرد صورتها اللي قعد ربع ساعه واهو يطالع للصوره

ويقول بنفسه معقوله في بنت بالزمن هذا مثل براءت هالبنت لالا يا غانم ما في اصلا كل البنات يغازلون ويكلمون شباب , لا يا غانم استغفر ربك هذي بنت عمك اذا تطعن بأخلاقها كأنك تطعن بعمك
وهذي حالة هالمسكين غانم مره يفكر فيها ومره يلعن الساعه اللي تغدى عند اهله وشافها

رجع البيت واول ما دخل
غانم: هبه هيبوووووووووووه وصمخ
هبه: هلا ياخي انت ما عندك اسلوب نادني مثل الاوادم

غانم: هاج هذا بوك ملاك وكرنيها لقيتهم طايحين بالسسياره دقي عليها طمنيها انهم عندج

هبه: خلاص اوك يلا شكرا على حسن ضيافتك لي جاااو

غانم: الله يعطيج العقل



...............................................................

اتمنى يعجبكم البارت
ملاحظه\لا احلل نقل القصه من دون ذكر اسمي ميااوي واسم المنتدى منتدي كويتيات:eh_s(7):

 

[✿¸3ώẪṧĤ»]

رد : كاني سبب { حزنك وهمك وبلواك .. الله يبرد حرتك في وفاتي

روووووووووووووووووووووووووووووووووووووووووووووعه
بلييييييييز كمممممممممممليييييييي

 

[ميااوي]

حبيبيت الاروع وجودج بموضوعي بس اكمل البارت ابشري من عيوني راح انزله

 

[mss.86oo6a]

رد : كاني سبب { حزنك وهمك وبلواك .. الله يبرد حرتك في وفاتي

واااااااااااااااااااااااااااي شكل القصه روووووووووووعه
متا راح تنزلين البارت الياي
ناااااااااااااااطرينج كمليييييييييييي بليييز
حبيييت ملاك وايد

 

[ميااوي]

تسلمين حبيبتي من ذوقج باجر ان شاء الله بنزل البارت واذا خلصته اليوم لو متاخر راح انزله

 

[ميااوي]

طبعا بهالوقت كانت ملاك في حالة هيستيريا تبجي وتصارخ على بوكها اللي ضاع وكرنيها
ملاك: يما أنا متأكده أن كان معاي
أم محمد: يا يما تعوذي من الشيطان يمكن ناسيته بيت عمج
ملاك: واهي تشاهق يما والله انا متأكده أني حاطه البوك مع الكرنيه المشكله بوكي كله صور لي ولرفيجاتي يعني لو طاح بيد ناس ما تخاف ربها الله يعلم
أم محمد: ملوكه يا قلبي تذكري يمكن طايح بالسياره او عند باب البيت
ملاك: تصدقين يما ما فكرت بسالفة السياره بقوم ادق على هبوه تسأل غانم

قامت ملاك خذت نقالها ودقت علي هبه
هبه:هلا بالزين كله
ملاك: هيبووه لحقي علي كرنيهي وبوكي ضايعين
هبه: هههههههههه يا الدايخه كرنيهج عندي مع بوكج عطاني ياه غانم كان طايح بالسياره
ملاك: يا قلبي ريحتيني عندج ولا عند غيرج مسكينه امي استخفت مني سويتلها مناحه وقلبتها بجي
هبه:هههههههههههههه عشان مره ثانيه تتاكدين من اغراضج اليوم طاح بسيارة غانم باجر يطيح بالشارع وما تدرين منو ياخذه
ملاك: أي والله انتي الصاجه مره ثانيه بحطه بجنطتي
هبه: يلا بشوف الماما تناديني اشوفج باجر اوكي
ملاك: خلاص اوكي يلا سي يو
هبه:سي يو

الحين ننتقل لطرف ثاني بالقصه ناس ما تعرفنا عليهم

عايلة ابو بدر اخو ابومحمد وابو خالد من ابوهم

طبعا ابو بدر يعتبر الاخ الوسطي اكبر من ابو خالد
ابو بدر: أنسان بدوي لابعد حد وشديد وعنده مبداء بنت لعم لولد العم
ام بدر:حرمه حقوده وحسوده مثل بنتها مها وتبي تسيطر على بيت ابوخالد بأي طريقه

مها: طبعا تعرفنا عليها قبل هالمره
عاليه: اخت مها الصغيره عمرها 19 سنه ومسكينه امها توديها يمين ويسار
بدر: الاخو الاكبر عمره 24 عكس خواته تمام حبوب ومحبوب من الكل بس امه مو معطيته أي شخصيه جدام خواته


دخلت مها لبيت اهلها
مها: قوه
ام بدر: هلا والله ببنيتي
مها: هلا فيج يما شخباركم
ام بدر:الحمدالله يما شلون اهل زوجج
مها: اف يما قطيعه لا تجيبين طاريهم
ام بدر: ليش لا يكون مسويلج شي والله لأشرشحهم لج
مها: لا يما ماني ناقصه اتطلق واشمت الناس فيني, قطيعه كل يوم هالملاك رازه وجهها بالبيت عندنا ما كأن لها أهل
ام بدر: شتبي هذي بعد
مها: أي مو تعرفين اهي وهبه نفس المدرسه يجون مع بعض
ام بدر: شكلها امها قايلتلها عشان تتلزق وتأخذ غانم
مها: ختولي حامض على بوزها اصلا غانم انا مخططه يأخذ عاليه اختي
ام بدر: وين يأخذها أذا هو للحين ما شافها
مها: ماعليج يما يوم الخميس بنطلع المزرعه واكيد عمي راح يقولكم تطلعون معانا نكشخ عاليه ونلبسها احلى لبس واخليها تقعد جدام غانم خل يشوفها , متى يا يما يتحقق حلمي وعاليه تاخذ غانم وذيك الساعه بعلم ام خالد من اكون

ام بدر: والله منتي هينه يا مها طلعتي ذيبه علي امج

ولا على دخلت عاليه للصاله
مها: هلا والله بأختي الغاليه

عاليه: هلا فيج يا قلبي
مها: ها عاليه شخبار الجامعه
عاليه: حده متعبه الدراسه وتعرفين ادب انجليزي صعب بس لاني احبه فسهل بالنسبه لي
مها: عاليه باجر متى تطلعين من الجامعه
عاليه:أي اطلع 12 الظهر
مها:انزين عندج لبس حلو حق طلعة مزرعه

عاليه:مها انتي تدرين انا ما احب اروح المزرعه
مها:عاليه بتروحين غصب وتلبسين احلى لبس وتكشخين وتحطين ميك اب

عاليه: مها قتلج مابي اروح وبعدين شنو انا رايحه عرس عشان احط ميك اب , يما شوفي مها مابي اروح
ام بدر: بتروحين غصب ولا تبين غانم يطير من عندنا
عاليه: يما الصبي اذا يبيني يخطبني مو انا اقط نفسي عليه

ام بدر: اهو ما شافج عشان يخطبج وباجر فرصتنا
عاليه كالعاده ارضخت لأوامر امها لان ماعندها شخصيه ووافقت على كلام مها

نرجع لبطلتنا ملاك
ملاك: يما ... يما
ام محمد: هلا يما انا اهني مع خالتج ام راكان
ام راكان جارت ام محمد من سنين وانسانه حبوبه وطيبه
ملاك: هلا والله بخالتي شلونج يا قلبي
ام راكان: الحمدالله يما انتي شلونج
ملاك: انا بخير خاله دامج بخير, شخبار البنات خاله
ام راكان: والله الحمدالله البنات يسألون عنج من زمان ما نورتينا
ملاك: خاله والله دراسه وتعرفين اخر سنه يعني لازم اشد حيلي
ام راكان: معذوره يما الله يوقفج بس لازم تزورينا
ملاك: ان شاء الله من عيوني
ام راكان: يا بعد عيني عينج تسلم عيونج يا يما
ملاك: الله يسلمج خاله, يما بروح الجمعيه مع محمد بشتري اغراض للمزرعه باجر
ام محمد:روحي يما وحطي بالج لاتخلين اخوج يسرع تعرفينه ما يحتاج

...................................................
:tek:

 

[ميااوي]

اليوم ماراح انزل بارت كلش لان حدي مضغوطه باجر ان شاء الله راح انزل البارت

 

[Featured Lady]

حبيبتي القصة حلوة مشكورة بس متى تنزلين البارت الياي​