كارلوفي فاري

[noty]

السلام عليكم خواتي

بليز ابي مساعدة بخصوص كارلوفي فاري

ابي افضل طيران ؟؟

احسن مصح اقصد فندق لانه العلاج يكون بالفندق نفسه ؟؟

و اي معلومة مفيده ممكن تفيديني بخصوص المنطقه من اي ناحية

مشكورين

 

[ام الدرر]

حبوبة
في منتدى خاص بالسفر
الخليجيين يحطون تجاربهم لكل الدول
ممنوع احط الاسم او الرابط
بس سوي بحث بيطلع لج اكيد

 

[أإأم روويم]

أإأب أإأب

 

[noty]

والله سويت بس ما حصلت الشي اللي يسوى

يمكن تقرير واحد فيه معلومات زينه

بس ما حصلت اجوبه لاستفساراتي

خصوصا عن الفنادق و عن مكتب سفريات

 

[ريهانا]

جنه انا سامعة ان سفريات الصوان اهما الوكلاء بالكويت واعتقد اهما بحولي اتمنا اكون فدتك ولا تنسين لماترجعين تسولفين لنا عن تجربتك

 

[Ba6oo6a-Q8]

up
up

 

[noty]

ثانكس حبيبتي

اكييد و بالتفصيل الممل ان شاء الله

لانه حسيت التقارير مو كافيه خصوصا عن المكاتب اللي بالكويت و طريقة حجز العلاج

 

[yam_yam]

خل يولي الصوان حرامي نصاب
انا ٩ سنين اروح هناك اي شي تبين قوليلي

اول سنه رحت خذا مني السفريات بلاوي و الحين عرفت لهم
شنو تبين حبيبتي ،؟؟؟؟

 

[yam_yam]

حياتي اخاف ما ارد عليج
مادخل المنتدى وايد
رقمي تحت بالتوقيع كلميني عالواتس اب

 

[noty]

مشكوورة حبيبتي ما قصرتي


بنات في احد راح بشهر نوفمبر ؟؟؟


و الفنادق شلون ،، صورهم كلش ما تشجع

في احد يعرف شي معين

 

[noorq8]

الا كارلو فيفاري ؟؟

سلوفاكيا أحسن من التشيك بالمصحات وعندج مدينة بيشتني مدينه كامله تقريبا كبر الاحمدي كلها مصحات متخصصه ولو توضحين شنو الحاله اللي تبين لها علاج وفي حرمه كويتيه تهبببببل تودي قروبات بتروح اتوقع اول 9 لو تبين رقمها ادز لج اياه عالخلص المصح اللي تتعامل معاه في منطقة تبليسا والعلاج 3 اسابيع ب600 دينار بس ماني متأكده مع السكن والا بره كلميها واستفسري منها افضل

 

[big heart]

اب اب
انشالله البنات يفيدونج

 

[فتافيت.]

اب اب
انشالله البنات يفيدونج​

 

[noty]

الا كارلو فيفاري ؟؟

سلوفاكيا أحسن من التشيك بالمصحات وعندج مدينة بيشتني مدينه كامله تقريبا كبر الاحمدي كلها مصحات متخصصه ولو توضحين شنو الحاله اللي تبين لها علاج وفي حرمه كويتيه تهبببببل تودي قروبات بتروح اتوقع اول 9 لو تبين رقمها ادز لج اياه عالخلص المصح اللي تتعامل معاه في منطقة تبليسا والعلاج 3 اسابيع ب600 دينار بس ماني متأكده مع السكن والا بره كلميها واستفسري منها افضل

هلا حبيبتي مشكورة ما قصرتي

انا ابي كارلوفي فاري

بشتني وايد ناس حولي رايحيين و يمدحونها بعد

الحاله مو شي قوي الحمدالله بس تدرين الام المفاصل و العظام مع الكبر بالعمر هذا امر طبيعي يحتاج عنايه معينه

 

[noorq8]

ومن قال لج ان ماعندهم علاجات للحالات البسيطه ؟؟ أنا بنفسي رحت مرتين وماكان فيني الا العافيه شوية ألم بالركبه والظهر والحمد لله ماخذت ١٠ ايام علاج وتبارك الله ردت عافيتي والاطباء هناك هم اللي يقررون لكل حاله برنامجها العلاجي ولو الحاله بسيطه عندج مصح الأليجا بسراييفو البوسنه مصح حليو وسعره معقول وديره حلوه والحلو بالبوسنه ان المصح نفسه فندق ويقدم الثلاث وجبات مع العلاج يعني مفتكين من لوية الاكل

 

[كارلوفي فاري]

اب اب

 

[noty]

ومن قال لج ان ماعندهم علاجات للحالات البسيطه ؟؟ أنا بنفسي رحت مرتين وماكان فيني الا العافيه شوية ألم بالركبه والظهر والحمد لله ماخذت 10 ايام علاج وتبارك الله ردت عافيتي والاطباء هناك هم اللي يقررون لكل حاله برنامجها العلاجي ولو الحاله بسيطه عندج مصح الأليجا بسراييفو البوسنه مصح حليو وسعره معقول وديره حلوه والحلو بالبوسنه ان المصح نفسه فندق ويقدم الثلاث وجبات مع العلاج يعني مفتكين من لوية الاكل

ما فهمت حبيبتي <<< من قالج ان ما عندهم علاجات للحالات البسيطه ؟؟