كابوكسي للهالات السوداء

[حنانو 89]

السلام عليكم

شلونكم بنات شخباااركم

بنات بسالكم في احد جرب جهاز الكاربوكسي للهالات السوداء ... احس مليت من السواد ودي تختفي نهاءي جربت شكثر شغلات فتحت بس ماراااح نهاءي.... عفيه الي جربت خل تقولي شصار معاها ووين وبكم سوته..،،


وبس:d

 

[أدعج غنج]

والله ما قط سمعت عنه ياريت شارحه لنا هالتقنيه ...
بنتظر تجارب البنات لان اعاني من هالمشكله وما لقيت لها حل

 

[جذابه بنت ذيابه]

انا اعاني من سواد تحت العين و قاعد اعالج نفسي احاول انام مبجر و اشرب ماي واجد و شريت كريم من صيدليه بس شكلي بروح عياده و ما جربت اللي تقولين عنه بس بنات واجد يمدحون ابر للهالات

 

[حنانو 89]

مشكورين بنات علي الرد....

وهذا كل شي عن الكاربوكسي

‫أحدث طريقة لعلاج الهالات السوداء حول العين-كاربوكسي‬‎ - YouTube

ودي اجرب بس خايفه

 

[sapphire]

انا عندي هالات وماجربت هالابره
اللي سمعته ان تأثيرها مؤقت ومش علاج نهائي

حاولي تشربين ماي اكثر و تشوفين دمج ونسبة الحديد

واهم شي تأقلمي مع الواقع خصوصا اذا كان للوراثه دور

الله يسلم الكونسيلر :eh_s(15):

اذا كانت هالاتج قوية "سيم سيم انا " استخدمي قبل الفاونديشن مصحح لونه برتقالي و بعده الفاونديشن و اخر شي الكونسيلر


ان شاء الله اكون افدتج

 

[حنانو 89]

sapphire حبي والله انا ملييييييييييييييييت مع هالسواد ماكو كريم ماجربته وحتي هذا مايكرو نيدل جربت الي نفس ديرما رول خف بس شويه حيييل مو وااايد وبس مليييييييييييييت ابيه يروح بدون ضرر

 

[ام عبد العزيز م]

عندي سيروم بخلاصه زيت حنين قمح مغربي يزيل السواد الهلات

 

[أدعج غنج]

اي اعرف هالتقنه بس ما كنت اعرف اسمها كاربوكسي ..اهي ضخ ثاني اكسيد الكربون
سمعت فيها وايد بس وودي اجربها ... في ابر الفايتمن سي وهم الفيلر يساعد على تفتيح المنطقه
انا بستخير وبشوف اي تقنيه تناسبني اكثر وبتوكل

نصيحه خذي استشاره وشوفي قبل

 

[حنانو 89]

ام عبدالعزيز مليت من الكريمات والسيروم ابي شي سريييع

ادعج غنج اي انا سالت مره دكتوره بالحكومه قالتلي عن الكاربوكسي بس قالتلي خليه اخر خطوه جربي كريمات وشراب وكل شي بس قالت ان في موتمرات تمدح هالتقنيه .... عاد ما ادري بس عفيه اذا سويتي اي شي للسواد لاتنسيني قوليلي

 

[أدعج غنج]

ام عبدالعزيز مليت من الكريمات والسيروم ابي شي سريييع

ادعج غنج اي انا سالت مره دكتوره بالحكومه قالتلي عن الكاربوكسي بس قالتلي خليه اخر خطوه جربي كريمات وشراب وكل شي بس قالت ان في موتمرات تمدح هالتقنيه .... عاد ما ادري بس عفيه اذا سويتي اي شي للسواد لاتنسيني قوليلي

هلا حنانو خلاص ان شاء الله اكيد بعلمج

 

[حنانو 89]

ادعج غنج تسلمين ياعمري والله ماتقصرين

 

[!..Mesk]

انا جربته سويت ٤ جلسات مافي تحسن ولو ١٪ بس في ناس يقولون ناسبهم والله اعلم

 

[خوصه بوصه]

الفلر .. مانصح ولا وحده تسوييه سويته وننننننندمت ... عيوني اختفت ماعنها مب صغيره عاديه ... وفيه نفخه تحت العين وهاذا وانا كملت الحين يمكن ٤ شهور من سويتها وللحين فيه زراق تحت عيني مكان الابره ،نفس الشي ربيعتي صارلها لمن سوتها ...

الابر اللي تطرينها حبيبتي بعد جدبتها بس انا ماستمريت بس سويت جلسه .. حسيت بفرق بسيط وانا اوردي هالاتي بسيطه بس ابا اشلها كلها اعدمها .. ربيعتي سوت ومانفع معاها .. ربيعتي ثانيه سوت وفرقت معاها ..

التقشير ،ايد حلو ويفرق انا التقشير للمنطقه فرق معاي وايد سويته فمركز فبوظبي وحبيت النتيجه سالي عن تقشيرات ..


لو اعتمدتي الابر حطي مخدر قبل لاتروحين للدكتوره مستعيلين ومايحطونلج ،تم،تين من الويع ...


ربي يوفجج حبيبتي

 

[حنانو 89]

حبيبيتي خوصة بوصة مشكوووورة علي الرد الوافي ماقصرتي يعني انتي تنصحين بالتقشير وثاني شي ابر ثاني اوكسيد الكربون انا مثلج ابيها تختفييييييييي مووووووولية

حبيبتي مسك مشكووووورة علي ردج وبسالج عند منو سويتي ....

وشكرااا خواتي

 

[الريمـ اللعوبـ]

انا سويت ابر الكاربوكسي بصراحه فررق معاي من اول جلسه الحمدلله حتى اهلي لاحظوا

 

[زهرا_*]

شفت عنه في برنامج انتي اجمل من زمان
و تبان نتيجته من اول جلسه بس روحي عيادة عدله