كااآبه نفاس

[الشيخه فطامي]

سلاام شلونكم حبايبي

كلنا نسمع بكآآبه النفاس

متى تيي او ليش شلون نتغلب عليها

كل وحده تكتبب تجربتها

االليي سمعته انه الوالده تسوي استقبالها بالمستشفئ فمحد يزورها بالبيت او تسوي يوم تحددلها

حق الاستقبال فباجي الايام تحس بضيقه

طبعاا ماننسى القراآن او الاذكار اهم شي

 

[نبض السعاده]

الله يبعد عنكم الضيق ماجربت تووني بجر ادعوولي بولاده الطبيعيه والطفل السليم المتعافي

 

[الشيخه فطامي]

الله يسهل عليج ياارب

 

[om_saleem]

شوفي خل اقولج .. انا عطيني حمال وثقله وولاده وعوارها وبجي الياهل وحنته ولا تعطيني يوم نفاس .. كل ما اذكر النفاس احس بشي يقمت قلبي .. سبحان الله من هرمون الحليب وماتقدرين تصلين وحياة يديده كل هالامور تتلخبط .. ويقولون النفسه بليس بقعد عند راسها استغفر الله .. ترى صج النفاس ماله حل .. ببجري كانو الناس داشه طالعه علي وكنت فبيت اهلي وكله ابجي لو يقولون اشلونج ابجي بدون سبب والله كله مختنقه مادري ليش .. وبولدي الثاني قلت بقعد بشقتي وعند ريلي ومابي زعاج ولويا الزوار هم نفس الشي احط ولدي وابجي جنه ميتلي احد واذا الياهل بجه بجيت واذا ضحك بجيت شنو المطلوب يعني مادري .. النفاس حاله اكتئاب لازم تمر فيها كل والده تدريجيا علشان تتأقلم مع الوضع اليديد

 

[((غلاي))]

الله يسهل عليج حبيبتي
مو شرط الكل يمر بهالحاله
اهم شي الراحه و شغلي قران
وماكو الا الخير ان شاء الله

 

[Aloe Vera]

في فرق بيت كآبة النفاس و ضيقة النفاس


ضيقة النفاس شي طبيعي ممكن اي وحدة تمر فيه معنه في ناس مايمرون فيه و اهو بسبب الهرمونات و تغيرات الحياة اليديدة و قلة النوم و آلام مابعد الولادة خياط و رضاعة و هالاشياء تضيق خلق الوحدة عادي

بس اللي مو عادي و يبيله علاج عند الدكاترةاهو كآبة النفاس اللي الوحدة تييها افكار انتحارية او تفكر تأذي نفسها او البيبي هذي لازم دكتور يشوف حالتها و يصرف لها علاج

 

[الشيخه فطامي]

وي الوفيرا االله لايب هل الافكار انشالله او يحفظلنا ذريتنا يارب

 

[نـعـومـه]

انا كنت قمه بالكآبه حيل حيل كان كآبه بالنفاس واحس بخنقه والدنيا تغيرت وضيق موطبيعي

مع ان ااهلي موجودين بس سبحان الله النفاس كئابه والياهل مايخليج راحه

الله يصبرنا

 

[ام مريم ورحمة]

بعد كل ولاداتي جاني اكتئاب النفاس ويطول معاي ست اشهر واتعذب فيه لدرجة ان بعد ولادتين اضطريت اخذ حبوب ضد الاكتئاب لكن من اصل نباتي حتى لا ينضر البيبي والحين سمعت ان سبب الكآبة في النفاس يكون نقص اوميجا 3 في جسم الوالدة وان الاطباء الحين يكتبونه خلال شهور الحمل للحوامل المعرضات للاصابة بكآبة ما بعد الولادة عن نفسي انا الحين بالاسبوع 16 وابتديت اخذ حبوب اوميجا 3 لاني اخاف جدا من ذكرى كآبة حملاتي السابقات والله يستر علي وعليكم ياااااارب:yaaaaaarb::yaaaaaarb::yaaaaaarb:

 

[بنت^كآليفورنيآ]

تخيلو يابنات انا بالغربه واللي مخليني اشيل فكرة الحمل هالموضوع


انا بدون نفاس تجيني حاله جني نفساا ابجي دم من الهم وعلى اسباب تافهه
بس لان الغربه لا تطاق

بس لاني جربت الغربه
اتوقع النفاس الثاني بيكون اهون علي

لان عالاقل بين اهلي

الياهل بالنفاس انا اكرهه كرهت ولدي وقلت ليتني صابره ما يبته الحين
بس الحمدلله عدت

مادري والله شنو السبب بس الكل يمر فيه
ضيقة وقته والياهل ينرفز بس يبجي يبجي ويحن

مادري شلون ناس تكود ورا بعض سبحان الله

 

[الشيخه فطامي]

ربي يااجرنا انشالله

اول مره اسمع بالاوميجاا3 له علاقه بالاكتاآب

 

[BubbLe87]

ويع لا تذكروني بالنفاس السخيف قطيعه كلشي يهون الا هالشي اعوذ بالله
كل ما تذكره يعورني قلبي على نفسي كنت مطوفة وايد اشياء عشان امي و ريلي
ان شاءالله المرة الياية ماراح اراعي احد براعي نفسي و بحطلي سستر و خدامة باذن الله
لاني يتلي افكار انتحارية على قولة وحده من البنات وسبة هالكابة و اللي حولي و الوضع ولا شي كان مساعدني وييييييع
الله يكفيكم شر النفاس قطع

 

[انوار المحبه]

اي والله النفاس زفت يضيق الخلق و كل ما اتذكر يضيق خلقي وضع يديد سبحان الله و روتين ممل مافي نوم و البيبي بس يحن

 

[glby7sas]

امبي لا تخرعوني انا بجر الله يستر

 

[سيلينا]

الاكتئاب يختلف عن ضيقة النفاس

الاكتئاب شي صعب يحتاج لعلاج نفسي لان الوحده تكون عندها ميول انتحاريه و كره للبيبي مثل ما قالت اوليفيرا

الضيقه انا مريت فيها من التعب وقلة النوم و الجرح و الممنوعات واكل النفاس والوحده تحتر من هالدويات ولازم تتدفى والياهل الي معلق برقبتها من اول يوم
بالنسبه لي الي يزيد ضيقتي اني بفترة النفاس ما اخلي البيبي عند احد نهائيا اقوم واقعد معاه وانا ابدل له وارضعه نفسيا ما ارتاح ان احد يسوي له شي
حلو ان يزورج احد تمونين عليه ويمون عليج وسوالفه حلوه بس ترزز وقعده كلش مو حلوه باي وقت بالنفاس ومو دايما مزاجج رايق

ممكن تتغلبين عليها تطلعين طلعات خفيفه مع ريلج تغيرين مكان وجو الحكره اهي الي تضيق الخلق
وبعد الي يضيق الخلق بالنفاس دااايما احس روووحي وصخه والله احس احساااس بايخ بنفسي يمكن يكون السبب ملابس النفاس يعني لوني خلي اللوان حلوه واخذي بجامات وبنطرونات انا اغلق من الدراريع بس مجبوره لان اخواني باي وقت يدخلون علي عاادي عندهم والجسم مايسااعد حيل ( مو متينه بس ابي شي يغطي ومو دايما احصل الي يناسبني )

لا تخربطين نومج بالنفاس نامي وقعدي مع البيبي قعدي بالكثير الساعه 12 الظهر احتكي بأهلج مو طول يومج بالنهار نايمه ولي راحوا ينامون ضاق خلقج

المنتدى يونس دخلي تجمع سولفي عن يومج وحددي احتياجاتج وشنو تبين تجهزين لطلعتج

انا اصير حيل حساسه بالنفاس واحس ان زوجي ما يحبني وليش ماكلمني اخر نفاس حيل اشغلت نفسي عنه واخليه برااحته وحسيت ان الموضوع صاار اوكي واحسن