قيود الاهل او قيود الزمن من تختارين

[شيرازية سعودية]

مرحبا هذا اول موضوع لي وبكتب عن البنت واهلها والعلاقة بينهم خاصة في فترة عندما ياتي النصيب بعض البنات اذا طافهم موضوع او قطار الزواج تمنو ان ياليت اهلي ضغطو علي عشان اقبل اللي تقدم وتزوجت بدل العيشة ذي

هل فعلا يجيج مثل هذا الشعور خاصة اذا كان المتقدم زين بس رفضتي بحجة الدراسة وتو الناس وماعاد جالك غيرة:eh_s(22):??
هل ظغوط الاهل علا البنت زينة او تجيب عكس النتيجة ??

من تجاربي الشخصية مع بنات اعرفهم يقولو ان زين ان اهلنا جبرونا وتزوجنا وعندنا اعيال
وماخلونا لانفسنا وسالفة الرفض الي مالا نهاية:bbbiu:
الحقيقة تبقى لاهلنا نظرة مستقبلية قد لاتراها البنت خاصة ذوات الاعمار الصغيرة
في موضوع الزواج عشان كذا انصح البنات انهم مايعتبرون ان اهلهم دقة قديمة وزواج تقليدي
اذا جاكي النصيب حتى لو تدرسين وافقي حتى ماتندمين علا فرصة العمر
فهي لن تتكرر
دمتم

 

[manoooram]

يعطيج العافيه عالموضوع
الأفضل ان البنت لا تستعجل ولا تتم متمسكه بالرفض التام لموضوع الزواج
فلا ننسى .. لا وجود للإنسان الكامل الا الله سبحانه
فلابد من وجود عيوب بالخاطب بسيطه لا يأثر وجودها بالحياة
و ليست سبب مقنع بعدم قبوله كزوج
وبالنهاية قرار البنت بالقبول أو الرفض واختيار الأصلح لها

 

[قمر بيت أبوها]

اذالمصلحتها ياليت اذا ضد مصلحتها اكيد لا
أنا خططت علي أشياءكثيره بس أهلي منعوني والآن ألوم نفسي لاني رضيت انهم يضيعون أحلامي بس عشان قيود تغيرت يوم صارت من الماضي عندي

قيود الزمن ولا قيود الأهل بنظري

 

[روح العطش]

الاجابات على سؤالك ستكون كل حسب تجربته في هذا الموضوع

بالنسبة لي تمكنت في حياتي أن أكون سيدة القرار ولم ادع لأهلي

فرصة في الاختيار

مع انه كان اختيارهم هو الانسب وبعد فترة ليست بالطويلة داهم الندم حياتي

وتعطلت كل المراحل وتوقف القطار في نقطة محددة وتعطل من حينها

الان أقول

قيود الأهل ولا قيد نفسي والزمن

بوركتِ طرح جدا رائع وتساؤل متعب قليل لكننا نحتاج إليه

جزاك الله خير .​

 

[S.A.F]

بالنسبه لي لو رفضت الشخص عشان دراستي وماصار نصيب راح اقتنع ان
مومكتوب لي من البدايه
والضغوطات الاهل زينه لانها تعلمنا واايد اشياااء نستفيد منها بالزمن

 

[طويقْ]

البنت تقول أنا ضيّعت على نفسي متى ؟
لما تكونْ خالصَة من الدراسَة و جاها الرّجال الزينْ
و رفضتَه لأسبابْ ثانويّة أو دلع أو تبي الأحسَنْ !

أمّا إنْ كانت تَدرس و كذا لا عاد هذا نصيبها
لأن مثلنا حنّا صعبَة نتزوّج قبل الدراسَة الزواجْ
يكونْ بعد الدراسَة و التّخرج يكونْ سنّك 21
يعني سِن مناسِب للزواجْ

عسَاك سالمَة

 

[khawla&tito]

موضوع حلو لي عوده

 

[PuPa^^SWeeT]

اكييد لو البنية اتم ترفض لاسباب منطقية ولا غير منطقية


كثرة الرفض


هذا يخلي الخطااب يقلوون مه مروور الزمن



بالنسبة ليي


اهلي يقولولي تزوجي ولا اهلي يقولون لاا نطري اييج الزيين



الحمدلله اني تزوجت و عندي عيال ربي يطرح فيهم البركة

 

[عاشقه الشامري]

الرسول صلى الله عليه وسلم قال اذا جاءكم من ترضون دينه وخلقه فزوجوه يعني اذا البنت حتى لو صغيره وتدرس وجاها رجال كفو

ويستاهلها وذا دين وخلق ليش الرفض ..؟

 

[Maybe_87]

مسألة الإجبار وخاصة بالزواج أرفضها تماما
إذا كانت أسباب الرفض منطقية ومقنعة للأهل

أما إذا كانت الأسباب غير مقنعة للأهل
والبنت مصرة عليها
فالقرار الأول والأخير لها
ولكن على الأهل أن يبينوا لها الآثار المترتبة
على الرفض
وما ستؤول إليه الأمور إن استمر الرفض
ويضعونها في الصورة
ويفضل لو أنها تستخير ربها
لعل بالاستخارة تتغير وجهة نظرها

ولكن بالأول والأخير
أساس الزواج القبوووووووول والاقتنااااااع

 

[روانتي 12]

والله بوجهة نظري على حسسـٌب . . ,’

 

[ما كو اسم]

بصراحه من المواضيع الحلوه والهادفه

بس انا مقتنعه ان اذا جا النصيب ينربط اللسان

 

[حبي بيرين]

اولا واخير الاستخارة والمشورة طبعا اذا كانت البنت صغيرة في عمر 17/ 20/ ومن الارقام انا اشوف حتى لو الرجال زين ومابه عيب لكن البنت رافضه اتوقع الاهل بهذا الحاله راح يحنون ع البنت خاصه اذا كانت البنت عنيدة يعني احسن من انها تتزوج ومن بكرة تجي مطلقه الان البنات كبروا مافيه تقدرين تقولين هذي صغيرة ماتعرف مصلحتها بالعكس هي الحين تشوف المناسب والغير مناسب طبعا اذا وصلت لعمر 28 وهي رافضه دون سبب في هالحاله لابد من معرفه السبب ممكن فيها عقدة

 

[اخت واختها]

رياييل العالم العربي متخلفين

تتزوجين يعني تصير جاريه تحت ايد ريال

والله اقعد عزوبيه اشفرلي والحياة مو بس الريال شغل ومستقبل وظيفي وعلاقات اجتماعيه وايده

 

[غرور وايل]

و يبقى آلزوآج قسسمة ونصصيب ..

ونصيبكَ يصيبكَ ..




؛