قيصريات دشو ماعليكم أمر

[احلى ديما]

مساكم /صبحكم الله بالخير
قيصريات بغيت أعرف ربطتو بطونكم بعد الولادة ؟؟ انا قريت بالنت ان في كورسيه خاص حق القيصريات ورحت الصيدليه سألت قالي في بس تحصلينها ببوتس رحت بوتس سألت قالولي لأ مافي ممكن تربطين بس مو الحين بعد شهر شهرين وانا ابي حق.الحين عشان شكل البطن بايخ ابي بأسرع وقت يروح قبل طلعة الاربعين،، ياليت اللي ربطت تفيدنا وتقول بشنو ربطت وبعد شكثر ؟؟
للعلم انا صارلي 13يوم والدة

 

[ام غازي 2012]

الحمدلله علي السلامه

ايه حبيبتي احزام الندونسي قصدج
او ربطي بشماغ
وبعد فبه بصيدليه حزام لونه ازرق لصق
هذه حلو يخليج تعرقين

بس شوفي انا قصريه ثنتين وفيني كرش صغيره
واارربط دايمن بس يقولون ماتروح

 

[احلى ديما]

انزين ام علاوي ماقلتيلي متى ربطتي ؟؟ يعني ينفع أربط الحين وانا لي قريب الاسبوعين

 

[ملح الكويت كله]

حبيبتي ربطي من يوم ال15 يا بشماغ يا بحزام يكون لزق نفس مال الرياضيين لان مافي حزام حق قيصريه وحزام حق طبيعي ثنينهم واحد ! ذاك السروال يمكن في سروال خاااص للقيصيرات ينباع في ماكس وفي انور ومحلات قمصان النوم يكون سروال يضب البطن بشكل خفيف وارتفاعه يوصل لي حد الصدر ... ودشي موضوع خبيرة اعشاب ترا موضوعها مفييييييييييييد انا مسويته مرجع حقي وسلامتج حبيبتي

 

[english muffin]

انا دكتورتي قالت لي البس بعد 20 يوم و مالبست وراحت الكرشة بس الي تحت الصغيرة ماتروح .. والدة من 5 اشهر

 

[رويال ديزاين]

ديري بالج تلبسين شي يخليج تعرقين لأن الجرح راح يلتهب

انا اختي التهب جرحها من العرق العادي يعني لمن تكون نايمه اهي طبيعتها تعرف و اساسا انا مخليه المكيف درجة حرارته كوول مو بارد عشان جذي تعرق


و صار فيها مثل التهاب الحفاض ديري بالج

بالنسبه للربط مو زين لأن تونا سألنا الدكتوره تقول الطبيعي الجرح تحت عشان جذي ما يأثر ربطتي بطنج ولا لا

لكن القيصريه الجرح بآخر البطن ممكن تسببين بعج داخلي لعضلات الرحم او البطن

ديري بالج تكفين والله قمت احاتي كل وحده مسويه قيصريه


و بالنسبه للبطن عالعشرين بتلقينه مدور مثل الحامل هههههه عادي انا اختي الحين بطنها شكبره
لاتحاتين
عالثلاثين بتلقين بطنج فجأه فش
و المشي
امشي حبيبتي





قيصريات هالوقت غير قيصريات أول


ترا اول كان الجرح بالطول

و بعدين اكتشوفو طريقه يصير بالعرض


و الحين صار تحت خط الكرشه او البطن

و يمكن بالمستقبل يطلعون البيبي بالمنظار ههههههههههههههه