قيادة السياره نعمه أم نقمه

[شاهي بالحليب]

هلا بالحلوين
كويتيات بما انكم تسوقون ومجتمعكم قريب من مجتمعنا السعودي
هل تشوفين قيادة السياره للمرأه نعمه ولا نقمه
أبي رايكم سواء بنات أو متزوجات

كنت نتناقش بالموضوع أنا وأختي انه حلو الوحده تسوق مو تدور أحد يوصلها ويجيب لها أغراض
واختي تقول لا بالعكس مو حلو تعب ومن هالكلام

أبي رأيكم يالكويتيات المجربات *

 

[جوانا2011]

عفوا اختي موضوع مله داعي ...اذا اسمحو بالقياده في السعوديه كل وحده حره الي بتسوق تسوق والي ماتبي كيفها

 

[Tom ♥ Jerry]

,

نععععععععمه .. تروحين و تردين و تقزين على كيفج
آحسسسسن من الحنه على هالرياييل

 

[شاهي بالحليب]

عفوا اختي موضوع مله داعي ...اذا اسمحو بالقياده في السعوديه كل وحده حره الي بتسوق تسوق والي ماتبي كيفها

سؤالي كان للكويتيات اللي جربوا ما سألت السعوديات ولا جبت طاري يسمحون أو مايسمحون

 

[black rose BH]

اكيد نعمة
خاصة اذا الواحد مايقدر اييب سايق له
ظروفه ماتسعيه ان اييب !
شيسوي ؟
بتقولين اخوان ؟
اقولج الاخوان مو على طول فاضيين
بتقولين الابو ؟
بقولج من واقع حياتي
ابوي اذا يمرض مانقدر نطلع هذا قبل ما اسوق انه !
حتى لو البيت محتاج اشياء مانقدر لان ماعندنا سايق ولا عندنا احد يودينا
بس عقب ماسقت
كل شي اقدر اسويه اساعد ابوي بالمشاوير
اودي امي مكان الي تبيه
اي شي ابيه اطلع اسوي الشغله وارد

 

[البحر صدري]

عمري انا سمعي بما اني سعوديه اقلك الخبر يمكن سمعتيه ويمكن لا

الحين البنات في السسسعوديه يبغون السسسواقه الارمله والي ماعنده اولاد .........

الحين راح تككككون وقريباا في شركة هالشششركه عالميه على مااعتقد تتصلين عليهههم ويرسلون لك سواق ويكون لكككي رقم خاص عندهم

ولاتحاتين التاكسي شكله مايكون مثل اي تاكسي هع فديتنا
مراقب مراقبه ششششديده

لما تتصلين عليهم يسالون عن المكان الي تبغين تروحينه .....الخ
عشششان بس لو لفه مني مناك يعرفووون

ومفتوحه اربع وعششششششششرين ساعه متى مابغيتي تمشين تتصلين


انا سمعت هالخبر من الناس وبعد كم يوم ادور عن الخبر مالقيت دخلت العربيه نت شفت الخبر
وخاللص درسوه وخلصووا كل شي بس باقي يفتحونه

.............وشكرا​

 

[مسك إلمحآسن]

نعمـــه

 

[صدع القلب]

كل شي له عيوب ومميزات
بس بالغالب اهي نعمه

 

[مزيونة الخبر]

انا سعودية وكلامي مثل كلام اخت صداع القلب لكل شي بحياة لة ايجابياتها وسلبياتها لكن اشوفه نعمة فيه استقلاليه اكثر واقتصاديا اكثر من سايق واساس الركوب مع السايق حرام ولافي نص ديني يحرم السواقه لكن مادري الي متي هذا الرفض وكانه قضيه كبري لاحول الله يارب بس

 

[- One -]

انا للحين ماسقت بس قاعده اتناقش مع اخواني على انه يسمحون لي اسوق
لانه مايبون يجيبون سايق لانه الصراحه يخوفون السواويق
وهم مو على طول فاضين لي انا وامي واختي ..
وامي بعد عندها بعد مادري قصر نظر يعني ماتقدر تسوق ..

لحالتنا .. اشوفها نعمه .. نخلص امورنا على كيفنا مو دايم محكورين بوقت عشان العيال وهيك يعني

بس يصير نقمه عالبنت لانه ممكن يتعرضون لها شباب ويحدونها وهيك يعني
بس الوحده تستر عمرها وتتوكل على الله وان شاء الله مايجيها شي ..

وبس :]​

 

[المشاعر تحبك]

نعمة خصوصا إذا ما كان فيه سايق بالبيت .. يعني إذا عندج دوام أو احتجتي شي مني مناك ولو يصير شي لا سمح الله أحد يمرض يطيح إلا سيارتج موجودة حتى مشاويرج تروحين لها وإنتي ع الراحة ما تحاتين أبوج أو زوجج ما عندهم وقت أو الأهل ناطرين السايق

 

[ToOoTi]

نعمه / تخلصين امورج بدون نطره احد يتبرع ويفضي نفسه لج ..
نقمه / ماكو مسافط بالسوق .. والكلية مرات أتاخر على المحاضرة بسبة المسافط .. الزحمة بالشوارع تكرهج بالسواقه
ونقمه كبيرة بعد لاني مرات اشوف الزوج يتهاون بكل شي ويخلي مرته تقضي شغل البيت عنه .. يحبون الراحة

انا اخلي السيارة لدوامي وبس .. الباجي سايق او زوجي وارتحت صراحة

يسلمو على الطرح

 

[تحت ظلك]

نعمة تستحق الشكر
أنا ماجربت قيادة السيارة بس أشوف لها إيجابيات واجد خصوصا لقضاء الحوائج الي عليها فوات أو فيها تعطيل لأشغال ماتتأجل.

 

[PuPa^^SWeeT]

والله اهي صايرة نقمة عالكويتيات حاليا



مو علشان زوج ولا مسافط ولا شي



بس لانه الحوادث اللي قاعدة اتصير بشعة حيييل و لما اتصير جدامج وانتي اتسوقين



وااااي توني من 4 ايام شايفة حادث جدام عيوني



خووف السعودية ترا مبرر



لانه مهما يكون المراة لازم تنشال على كفووف الراحة


مايقدر يوديها يكفلها احد يوديها

هذا الشرع



انا اقوولج اروح و ارد و اسوووق


بس هذا كان له فرحته من اول ما سقت


بس الحيين احس اريح السايق




عالعموووم


انا اشوفها رحمة للي ماعندها احد يوديها


قرقت عليج وايد


سوري

 

[Combat]

نعمه طبعاً فيها بعض المساوئ بس ماتذكر جدام حساناتها
الي تبينه تسوينه بنفسج بدون نطره ولا تلعوزين تدورين حد يحن عليج ولا التكاسي وشركات التوصيل أعوذ بلله الله لايعوزنا وياكم لحد يارب
الحين كلمن يفكر بروحه

 

[دلوعة أبوهآ]

بعد الحوآدث اللي نشوفهآ يومياً !!

طبعاً نقمه

 

[الزورق222]

انا بالسعودية لكنى اعتبر قيادة المرأه للسيارة نعمه ولابد ان تحمدوا ربكم عليهااا بالذات للمرأه المحتاجة لها مو وحدة تبى تكشخ بسيارة وبس ..

 

[بنت النوخذا]

هلا بالحلوين
كويتيات بما انكم تسوقون ومجتمعكم قريب من مجتمعنا السعودي
هل تشوفين قيادة السياره للمرأه نعمه ولا نقمه
أبي رايكم سواء بنات أو متزوجات
كنت نتناقش بالموضوع أنا وأختي انه حلو الوحده تسوق مو تدور أحد يوصلها ويجيب لها أغراض
واختي تقول لا بالعكس مو حلو تعب ومن هالكلام
أبي رأيكم يالكويتيات المجربات *

هلا با الغاليه
بالبدايه الاغلبيه معارضين عن السواقه
لكن صج الله يعينكم
خاصه الي عيالها صغار و زوجها مو صوبهم
او الي اخوانها صغار و ابوها كبير بالسن و مريض
او الي ما عنده مكان للسايق او ما يبي رجل غريب داخل البيت
و السياره الان اصبحت عصـــــــــــب الحياة
ذاهب للعمل - تقضي - سوق - مدارسه - مستشفي - زواره اهل - حاله طارئه اسعاف ...... الخ
بس علي حد علمي ان المرا السعوديه بيسمح لها بالقياده
لانه كفه المؤيدين كل مالها تزيد
و الراي بيكون مع الاغلبيه

 

[Bloom]

انا لما كنت عند اهلي كنت اسوق وكنت حره لما تزوجت ويت الكويت "بحرينيه" ماعندي سياره لانه ماعندي اهل او ربع او مكان اروح له واهل زوجي لازقين ببيتنا لكن مع الوقت يبت بنت وبنتي تكبر وانا احس روحي حبيسه ما اقدر اوديها الالعاب ولا شي

 

[هوااااويه]

اختي شاهي بالحليب فديت السعوديه ومجتمعها

من وجهة نظري طبعا نقمه

لان الرجال راح يخلي المسؤوليه كلها على الحرمه الي تسوق


وهذا الشي اعتقد واضح بمجتمعنا


لكن بالسعوديه غير حسب نظرتي طبعا

الرجال سواء زوج والا اب والا اخ يلتزم بالمسؤليه

وحلاة الحرمه تمشي مع رجال

واعتقد بالسواقه الحرمه يمكن حادث بسيط والا اي موقف


وبعدين تتجرأ

وسلامتكم​