قولي ستايلج وانتي طالعه تتمشين (خاص للمنقبات)

[اميره الخليج]

قولي ستايلج وانتي طالعه من البيت صراحه في بعض البنات وايد كشخه بالنقاب يالله كل وحده تقول طريقتها في اللبس يالله طلعوا ابداعاتكم :ggdw:كل وحده تقول وش تسوي وش تلبس

 

[اميره الخليج]

رد : قولي ستايلج وانتي طالعه تتمشين (خاص للمنقبات)

للرفع

 

[أم*سلمان]

آآآآآآآآآآآآآب

 

[واقعية حـلـم !]

موضوع يهبل

لان النقاب لازم تحققين فيه معادله صعبه و هي انج تجمعين الاحتشام بالاناقه

و لو بالغتي بالكشخه ممكن يطلع شكلج مو محترم

انا البس عبايه جاينيز واسعه و اذا فيها تطريز او شي لازم اسود ما احط الوان و الملفع سادة ما فيه شغل و نقابي اسويه سيده و ما انزله و الباند اخليه سيده و مغطي الجبهه و الملفع خامته طايحة و الفه لفتين و يطلع مرتب و بنفس الوقت ما تطلع جبهتي و لا خدودي بس عيوني يا دوب

و البس جنطة عمليه الي سيرها طويل اذا كان طلعه سوق و اذا طلعه غدا او عشا لا البس جنطة الي اتعلق باليد مثل قصة هرمز و ساعه حلوة تكون بسيطه مو خبه او شكلها ملفت لا شي كلاسيك

و الجوتي بما ان الحين شتا بوت اسود ناعم و بالصيف كعب اذا طلعه خفيفه و جوتي طبي اذا طلعه طويله او سوووووووق


و اهم شي عندي العبايه و الملفع و النقاب يكونون مكويين بضمير

و معاي دايمااااا كلينكس ديتول ما اخليها اتوصخ من تحت او تغير امسح

و ما اطول العبايه حيل على اساس لا تلم الغبره و يصير شكلها مو نظيف



و سلامتج


و ناطرة ردود البنات ان شاء الله نستفيد


نبي نكون سفيرات للستر و الاحتشام و نحبب البنات فيه و نشيل من بالهم فكره ان البنت المحتشمه مبهدله


و موفقين

 

[اميره الخليج]

رد : قولي ستايلج وانتي طالعه تتمشين (خاص للمنقبات)

مشكوره حبيبتي على ردج انا الحمدلله البس عالراس ومنقبه حبيت نتعلم من بعض زي ماقلتي الله يوفقج

 

[alsn3aa]

رد : قولي ستايلج وانتي طالعه تتمشين (خاص للمنقبات)

انا حآليآ ستايلي
جنطه هرمز + عبايه جآينيز وسيعه + كعب اللفه الفه مره وحد والبااقي الفه ع رقبتي يطلع حلووو
واذا طالعه سهره ولا عزيمه ميك اب سمووكي ثقيل شووي
واذا جامعه او طلعه عاديه خطه كحل لعيني من تحت بس ومسكرآآ

 

[حرمه المصون]

انا ابي البس نقاب بس مب عدل علي

 

[عجميه ولي الفخر]

رد : قولي ستايلج وانتي طالعه تتمشين (خاص للمنقبات)

اذا بروح سوق او مكان عادي

عبايه جاينيز ..ملفع ساده .. نقاب مرتب

بدون مكياج وجنطه مسكتها طويله

 

[قلب مغليك]

رد : قولي ستايلج وانتي طالعه تتمشين (خاص للمنقبات)

سورري حبيبتي ممكن اتقبلين راي
اتوقع العبايه علشان الوحده تستر نفسها ومايطلع منها شئ والوحده المفروض مايبن منها شئ ادري ان قصدج يكون شكلج مرتب فقط مو ملفت بس المفروض يكون مرتب انها تكون ساده بس وسيعه ومو باين منج شئ لانه هذ الغرض من العبايه وصدقيني انا عارف قصدج انج ماتبين البهرجه ولا الكشخه الزايده بس حبيت احط مشاركتي لان ممكن احد من البنات تاخذ فكرة من الموضوع تكون ملفته وفيها بهرج وهالشئ حرام فانا كتبتها علشانج انتي مابيج تطحين باشياء انتي مو منتبها لها والبنات ياخذون شئ مايجوز من موضوعج والله يجزاج خير

 

[ام حمادنه]

ابببب

 

[عادي من قلبي أشيلك]

احب المنقبه اللي محترمه نقابها


ستايلي اللحين


عبايه كم جاينيز وملفع اسود عليهم توقيع شادوو
نقاب سيده طاقيه سيده

جنطه ع حسسب ودايم فلات مع زوجي
اذا مومعاه بالشتا بوتات كعب الصيف صندل

ساعه وخاتم ودبله ع حسب الجنطه ذهبي او فضي او برونز


المكياج هالفتره ماحط << جدي توه متوفي

بس دايم اكحل حواجبي(( شارمل بني عجيب))
خطة ايلاينر
مسكره(( لانكووم))

 

[نــوره]

up

up

up

مومتنقبه

 

[ابتسم يا قلبي]

رد : قولي ستايلج وانتي طالعه تتمشين (خاص للمنقبات)

امممم انا ستايلي تقريبا نفس اللي قالته واقعية الحلم
بس من غير باند
=)
اشوف بنات بالكليه شي روعه حتى بالنقاب ستايل ما يلوق على اي احد
=)

 

[رذآذ آلمطر]

رد : قولي ستايلج وانتي طالعه تتمشين (خاص للمنقبات)

مشكوره اختي ع الموضوع الحلو

وحبيت ارفعه لج باستيالي البسيط


انا البس النقاب عادي لاهو ثمانية ولا هو سيده (نص ونص) : )
والطاقيه سيده واحط كحل داخل عيني ومسكرا ولازم اكحل حواجبي بتاتو شارمل البني مو طبيعي <~ وبدونه مالج امل اطلع :d
والعباية جاينيز طبعا وماحب اسكر الطباقي حق الكم الا مرات والبس تحت بدي أسود وايام الدوام احب البس بلوفرات ملونه <~ بردانه
وطبعا الساعه باليسار والاسوار الخفيفة البسيطة بايدي اليمين
وخاتم مو دايما الا اذا اشتهيت : )
والجوتي بووت للشتا وصندل كعب واحد بالصيف


وبس : )

 

[مــلائكيه]

اي الموضه الحين للمتنقبات عبايه جاينيز
ونقاب سيده واحس ارقى جذي

انا نفس الستايل بس من غير بااند < يمكن اجرب
وافضل الـ فلات ,,

 

[الخشف الأشقر]

انا نفس البنات بس من غير باند

 

[الاميره]

كله ستايل واحد أسودxأسود وبعدين اللي يقولون تحترمين النقاب ومادري شنو
ترى النقاب مو فرض لانه ما اتفقوا عليه العلماء

 

[مغرورة بتواضعي]

رد : رد: قولي ستايلج وانتي طالعه تتمشين (خاص للمنقبات)

كله ستايل واحد أسودxأسود وبعدين اللي يقولون تحترمين النقاب ومادري شنو
ترى النقاب مو فرض لانه ما اتفقوا عليه العلماء

لا حبيبتي النقاب فرض
الحجاب معناه ان المراة تغطي وجه وشعر<< هذا قبل
وتغير معنى الحجاب مع تغير الزمن
ونقاااااب فرض

 

[memories*]

upupupupupup

 

[مميـزهـ]

بنات سؤال شنو اهيا عباية جاينز ، والباند احس اسماء غريبه ع ساحتي القاموسيه


بالنسبه لي لما اطلع نقابي عادي وشيلتي عاديه احذفها حذف بس بطريقه مرتبه مو مبهذل وارسم حواجبي بكحل ريميل روووعه وامسكر رموشي

الجنطه دايم صغيره ومسكتها طويله وعبايتي ساده