قوليلنا رايج بصراحه .... وليش....

[كـــكـــاوة]

صباح الخييييييييييييييير

على أحلى بنات بهالمنتدى ...

بنات بغيت أسأل عن شغله ونشوف آراءكم فيها وإذا كنتى موافقه قوليلنا ليش وإذا رافضه بعد قولى ليش .... " لقاااااااافه :dddds:

إذا حسيتى بنتج أو ولدج أو حتى أنتى نفسج بمشكله نفسية وحاولتى تحلينها بس لقيتى نفسج مو قادرة أو ماعرفتى شلون تحلينها أو حاولتى كذا مره ومحاولاتج ما جابت نتيجه وأنتى مو حابه تقولين لأحد من أهلج عشان ما يدرى عن هالمشكله ... بهالحاله ممكن تلجأيين إلى شخص مختص ( استشارى مثلا ) فى أى مركز من مراكز الإستشارات علشان يساعدج فى حل مشكلتج ؟؟ ولا تكتفين بالمحاولات اللى سويتها وتتركين الأمر وما تطلبين المساعده من أحد؟

شاركونا وخل نشوف آراءكم بهالموضوع...

 

[dream]

ويييييييييه !!

قبل 10 سنوات كانت الأسر بذات ( الأب او الام) يستحووووون ومايحبون الفضايح وما يلجئون الى الاستشارة او الطبيب النفسي وغيره ..؟

سبحان الله الوضع تغير ومتطلبات وضغوطات العصر بازياد ..

الحين وااايد من اولياء الامور يلجئون الى الاستشارة ويتصلون ويستفسرون ...؟!

بالعكس انا ما اشوف هالشي غلط ..!!

او فضيحة او عيب !!

اللي يقول عن الطب النفسي او الاستشاريين جذي اسميه تخلف !!

لمتى انغطي على المشاكل وانقص على روحنا وانقول مافي شي !!

بعدين تتطور المشكلة وتتعقد ويضيع منا الولد او البنت ..

ترى حتى في مجال الصحة والتغذية ..

قبل 10 سنوات او اكثر ..

هم كانوا الحريم يستحووون يروحون النوادي علشان ما اتشوفها ام عبدالله اوام محمد واتصير سالفة شاي الضحى

لوووووووووووووووول

والحي سبحان الله الوضع تغير ..

روحي اي نادي اتلاقين الحريم الكبار موجودات اكثر من التنيجرز ..

:n2006107:

 

[ناتشوو]

اذا حسيت ان الحالة مستعصية علي ومو قادرة افسرها او احلها بلجأ لمختص
مكتب استشارات ، طبيب نفسي
هالشي خلاص ماعاد عيب
وعندي رفيجة تراجع مكتب استشارات نفسية لأنها مو قادرة تتعامل مع بنتها بالروضة

 

[نبضة]

اجابتي اي.. مافي أي مانع اني استشير أحد أعلم مني بالمشكلة ومرت عليه حالات .. بالعكس ممكن ينورني.. بس كوني اخلي المشكلة مثل ما اهي راح تزيد وراح تتضرر العائلة كلها..

 

[تـــرف]

اذا استدعى الامر ليش لا

خبرتهم بالحياه ومرور حالات ومشاكل تزيده حكمه وراي سديد

انا اشووف مافيهااااا شي

 

[قلب راشد]

يس وما فيه أي مانع

 

[قطرية قمر]

مثل ماقالوا البنات ... عادي مافيها شي .. والدنيا تطورت والناس فهمت ... حتى منهم صاروا يتكلمون عن مشاكلهم النفسية علن من غير خجل ..

 

[أمانيQ8]

انا ولله الحمد عمري ماطحت بمشكله وطلبت احد يساعدني وحتى لو اطلب تأككدي اني من داخلي حاطه حل اذا مو اثنين واختار اللي يريحني بس مايمنع اني اسأل انا اكون لاقيه الحل بنفسي بس اعطي مجال للغير يعطيني وجهة نظر او راي يمكن يفيد اذا ما اقتنعت فيه ارجع للحل اللي بالي و خصوصا اذا كانت المشكله خاصه دوم اسعى اني احلها ولو كانت متعسره وانا بالعايله يعدوني مكتب استشارات لوووووووول لان الكل تقريبا يلجألي حتى لو كانوا اكبر مني بالعمر...والله لايطيحنا بالصعب بس لازم اكون لاقيه حل او حلين وفوق هذا ميخالف اسمع من اللي يمي
بس للناس اللي يعجزون عن حل المشكله اذا كانت عويييصه وشي جايد وتستاهل الاستشاره عاااادي يستشيرون فيها دكاتره نفسيين او مكتب استشارات اسريه مافيها شي

 

[كـــكـــاوة]

مشالله عليكم بنات صج ردودكم تونس والواحد يحس إنه الناس أكثرها تغيرت وصار عندها وعى خصوصا بالنسبه لمثل هالأمور غير إنه بعضنا يلتحق بهالدورات ويقرا هالكتب عسا الله لا يحرمنا من هالنعم .. بس أنا لما قلت هالمشكله أو طرحت هالموضوع لاحظت إنه فى ناس ما تحب تتكلم وتقول لجأت الى طلب استشارة او وديت بنتى أو ولدى وتحسه فشله ولما تقوليلها ودى البنت أو الولد تقول لا أخاف باجر أحد يدرى عنى جنها مسويه جريمه ... بس ردودكم تدل على وعيكم وشاكرة لكل اللى ردوا واللى بيردون